Galatiya 6:10 - Amazwi Yakwe Leza 2013

¹⁰ Caleka tulinzile kucita visuma ku muntu wensi vino tungacita nu kuluta kuli yao ali alondezi yakwe Klistu.

Galatiya 6:10 Referans Kwoze

Ayebulai 13:16

Mwaiusya kucita visuma nu kwazwana pano vintu vii vikoline wa mpolelwa zino zikazanzya Leza.

Mapinda 3:27

Utakana ukucita ivisuma kuli wino wakulenga, uwamupeela uwila ndi cakuti watukwata.

1 Tesalonika 5:15

Mwasakamala ukuntacitilana cilanduzi. Lelo nsita zyonsi mulinzile kukwata simwililo lya kucita cisuma kuli cila wenga nga nu ku antu onsi.

Tito 3:8

Muvwango uu uwa cumi. Nkulonda kuti walanda nu kukonkomezya vintu vii, pakuti yao ataila Leza yasakamale insita zyao mu kucita vintu visuma, ivyakwazwa umuntu wensi.

Mateo 25:40

Alino Mwene alaasuka ati, ‘Cumi namunena, vino consi cino mwacitile wenga munono uwamu ina yane, vivyo kwene mwacitile nene!’

Ayebulai 6:10

Leza asi wa lufyengo. Wene atalilila mulimo uno mwaomba nanti kutemwa kuno mwalanga kunoli pa kwazwa kuno mucili mukwazwa aina Klistu yauzo.

Efeso 2:19

Caleka mwe Akulukuwa mutacili ainamasi nanti aenyi. Lelo mwemwe akaya pamwi na antu yakwe Leza onsi, nupya mwaya vilundwa vyamu n'ganda yakwe Leza.

Yoane 12:35

Yesu avwanga ati, “Mumaya nu luswepo pa kasita kanono. Mwapita lino muli nu luswepo, pakuti mfinzi itangaya panomuli. Pano wino akupita mu mfinzi asimanya na kuno akuya.

Luka 6:35

Lelo temwini anisi inu nu kuyacitila visuma. Nupya mwakongwesya kwaula kupaalila kupokelela cimwi kunoyali. Lyene mulakwata icilambu cikulu, nupya mulaya ana yakwe Leza uwa papelapela. Pano wene akacita visuma kuli yano asitaizya na aipe kwene.

Masamu 37:3

Tailanga muli Yawe nu kucita ivisuma, ikalanga nu longo mu mpanga.

Yoane 9:4

Lino ucili musanya, katule tuombe milimo yakwe wino uwantuma. Usiku ukwiza lino umuntu atangaomba.

Tito 2:14

Wene waipile umwisikulu pamulandu witu, kuti atukulule kufuma ku nkota zyonsi nu kutucita asanguluke nupya akwakwe wenga sile, nga nu kuleka kuti tuye nu muzonda wakucita visuma.

Filipi 4:10

Mu umi wane mu Mwene, caya ica luzango cuze kunondi ukuti pacisila ca nsita ntali mwemo alino mwatandike nupya kunsakamala. Ntakusenula ukuti mwemo mwatile kunsakamala. Mutakweti sile insita yakucita vivyo.

Mateo 12:50

Pano wino wensi akacita kulonda kwakwe Tata uwa mwiyulu, wene ali mwina wane, na kaci wane na mayo.”

3 Yoane 1:11

We mukundwe utezya kuya namalolela ya vintu viipe. Lelo uye namalolela ya vintu visuma. Wino akacita visuma wene uwakwe Leza. Wino akacita viipe wene atatala walola Leza.

Kolose 4:5

Muye na mano mu mikalile inu lino muli pakasi ka antu atataila, nu kuomvya insita inu ningo.

Efeso 5:16

Mwaomvya insita zinu ningo pano manda ya ndakai aipe.

1 Yoane 5:1

Wino wensi uwataila ukuti Yesu a Katuula Uwalavilwe wene umwana wakwe Leza. Na wino wensi uwatemwa mukwasi wene watemwa nu Mwana kwene.

Masamu 37:27

Uwafuntuka uku viipe, nga uwacita ni visuma, apakuti uce uwikalilile pee.

Ayebulai 3:6

Lelo Klistu u Mwana uwakutailwa wino akaangalila ng'anda yakwe Leza. Sweswe tuli ng'anda yakwe, ndi twalemasya kuposya nu kutaila muli vino tukapaalila.

Mako 3:4

Lyene auzya antu ati, “Uzye Masunde itu yazumilizya kucita cani pa Sabata? Uzye ukuombela antu visuma nanti kuyaombela viipe? Uzye ukutuula umi wa muntu nanti kuulovya?” Lelo yataswike nanti cimwi.

Efeso 3:15

Viumbwa vyonsi vya mwiyulu na pano nsi vikapelwa umi kufuma kuli aliwe.

Mateo 5:43

“Muuvwa vino cavwanzilwe ukuti, ‘Watemwa muzo, usoke mwanisi wako.’

Kasambilizya 9:10

Uwaombesya muli vyonsi vino ukucita, pano kuzimo kutalaya vicitwa, kutalaya amelenganyo, kutalaya kumanya, kutalaya amano, nga kuko akuno ukuya.

Mateo 10:25

Calinga ukuti kasambilila alingane na kasambilizya wakwe, muomvi nawe alingane nu mwene wakwe. Mwine wa ng'anda ndi akaamwa ukuti a Belezebu, uzye yauze amu ng'anda yalaamwa uli?

Kasambilizya 3:12

Acino nilwike ukuti cino swemo tungacita ukukwata insansa nu kuomba vino tungaomba lino tucili nu umi.

Milimo 6:7

Caleka Ilandwe lyakwe Leza lisalangana konsi, nga ni mpendwa ya alondezi yavulilangako mu Yelusalemu. Yasimapepo yano ataile Ilandwe Lisuma, nao mpendwa ikula.

Galatiya 1:23

Yene yamanyile sile vino yauze yayanenanga yati, “Muntu wino watuzunyanga ndakai akukosola Ilandwe lino wezyanga konona!”

Efeso 4:28

Muntu wino wiyanga alinzile kuta kwiya, nga atandike kuomba kwaula usomvi kuti azanilemo uwikazi nga nu kwankanya kweneko apina.

1 Tesalonika 5:21

Mwaezya vintu vyonsi, musolole visuma,

1 Petulo 2:5

Wa mawe ya umi, lekini Leza amuomvye mu kukuula ng'anda ikulu yakwe. Mukwene amuno mulatumikila wakwe yasimapepo amuzilo mukupeela impolelwa zyamuzilo izingazumiliziwa kuli Leza muli Yesu Klistu.

1 Petulo 4:17

Insita yakutandika upinguzi yatifika nga antu yakwe Leza ayano yalatandika kupingulwa. Upinguzi wakwe Leza ndi watandika munotuli, uzye lyene mpelelekezyo ya upinguzi ilaya uli kuli yao asyayela Ilandwe Lisuma kufuma kuli Leza?

3 Yoane 1:3

Nali nu luzango cuze lino aina Klistu yanji yafisile nu kutunena vino mwemo mukayela icumi wakwe vino mukacita lyonsi.

3 Yoane 1:10

Lyene lino nemo ndiza, ndamwiusya vintu vyonsi vipisye vino wene wavwanzile nga ni ntumpu zino watutumpwila. Asi cii conga cino wene wacisile. Lelo akakana kuzengela aina Klistu yanji lino iiza. Na lino yauze yakulonda kuzengela wene akayalesya nga nu kwezya kuyazinga mwi uvi.

2 Kolinto 2:8

Caleka nkumupapata kuti muleke wene amanye mu cumi vino mwamutemwa.