Galatiya 6:1 - Amazwi Yakwe Leza 2013

¹ Inane, ndi umwi waponela mu kucita ciipe, yao a munomuli akatungululwa na Mupasi Wamuzilo, yalinzile kumuwezya nu kumutungulula umu nzila yololoke. Lelo mulinzile kucita cii nu mutembo. Nupya muisunge mweisikulu pakuti namwe kwene mutaponela mu mezyo.

Galatiya 6:1 Referans Kwoze

Loma 15:1

Swe muno twakoma mu utailo twaazwilizya yano atali yakome pakuti yaposya mu macuzi yao. Tutacita vyakutuzanzya sweisikulu.

2 Tesalonika 3:15

Mutamucita wa mwanisi. Lelo mulinzile kumusoka wa mwina kunomuli.

2 Timoti 2:25

Uye mufuke lino ukulungika yao akukulwisya, pano limwi Leza angayapeela insita yakuzenzuka nu kumanya cumi.

1 Yoane 5:16

Ndi walola umunyonko akwifya, iifyo lino lisyatungulula ku mfwa, ulinzile kupepa kuli Leza, wino alamupeela umi. Cii cikumile yao yano maifyo yao yasyatungulula ku mfwa. Lelo kwaya iifyo lino likatungulula ku mfwa, nga nani nsyakuti mulinzile kupepa kuli Leza pi iifyo lilyo.

2 Kolinto 2:7

Lelo nanti angala muntu wifya, mulinzile kumwelela nga nu kumukomelezya, kuti mutaleka auvwe ulanda nga nu kunenuka.

Ayebulai 12:13

Twalililini kupita umu nzila zyololoke, pakuti ingazo izikasinta zitalemala lelo zipoziwe.

1 Petulo 3:15

Lelo mukwatile Klistu coopo mu myenzo inu, nupya mwamucindika wa Mwene. Muye aiteyanya lyonsi pa kwasuka umuntu umwi uwamuzya pali vino mukapaalila.

Loma 14:1

Mwazengela umuntu wino utailo wakwe usi ukome, lelo mutapazyanya nawe pali vino umwisikulu akaelenganya.

Ezekelo 34:16

“Nemo ndapita nkulonda iponge, ndawezya ni ipumbuke, yacilonda nayo ndainyepela icilonda nga nu kupozya ino yalwala. Lelo iine, nupya ikome, yene ndaisunga. Ndazicema nu mulungikila.

1 Kolinto 10:12

Wino wensi akwelenganya ukuti aimi nu kuzyansya, wene alinzile kutekela kuti atapona.

1 Kolinto 4:21

Uzye icani cino mukulonda nkacite lino ndiza? Uzye mukulonda nkize nkamufulule nanti nkize nu mwenzo wa kutemwa nu ufuke?

Yakobo 3:2

Lili lingi swensi kwene tukaluvyanya. Lelo ndi cakuti muntu umwi asyaluvyanya mu mazwi yano akalanda, ala umuntu wiyo umufumaluke nupya wene ali na maka akukanya mwili wakwe onsi.

2 Kolinto 10:1

Ne Paulo, nkumupapata, ne muno antu yakati nene cantete lino ndi namwe, lelo mupame lino nsi namwe. Kupitila mu ufuke nga nu luse lwakwe Klistu nkumupapata

Mateo 9:13

Acino kasambililini mazwi mu malembelo vino yakusenula, yano akati, ‘Nkulonda kuti mwalanga uluse ku antu yauzo kuluta kundetela impolelwa.’ Ntiza kukwama aololoke, lelo nizila yakaifya.”

1 Kolinto 14:37

Ndi cakuti umuntu umwi akutunganya ukuti wene akasema, alinzile kumanya ukuti vino nkumulembela, ilamulo ilyafuma ku Mwene Leza.

1 Kolinto 7:5

Caleka cila wenga atalinzile kukanya kufikilizya kulonda kwa mwili ku muze, suka sile ndi mwati muzumilizyanya kuntacita cii pamulandu wakuti musumbe nsita mu kupepa. Lelo mulinzile kutandika nupya kufikilizya ivyaya mu utwazi. Mu musango kwene uu, amuno mulacingililwa ku mezyo yakwe Ciwa pamulandu wa kuntaikanya kwinu.

1 Kolinto 2:15

Muntu wensi akweti Mupasi Wamuzilo, wene angapingula umpomvu wa vintu vyonsi. Lelo kusi umuntu wino angamupingula.

Loma 8:6

Kutungululwa ni vilondwa vya mwili ukuiletelela imfwa, kutungululwa na Mupasi Wamuzilo kwene kukatuletela umi nu mutende.

Mateo 11:29

Zwalini ikoli lyane, musambilile kunondi, pano nene wa mutembo, nupya nkaicefya mu mwenzo, nga mumazana upuzo mu myenzo inu.

Yakobo 3:13

Uzye munomuli mungaya umwi akweti mano nu kumanyikisya? Ndi amunoli lekini aisininkizye kupitila mu kwikala umi wakucita visuma mukufuka na mano.

Ayebulai 13:3

Mwaiusya anyepwe, nupya mwayasakamala kwati mwanyepwa nao mu ng'anda yaminyololo. Mwaiusya yao akucula nupya mwayasakamala kwati namwe kwene mukucula ndi vino yakucula.

Galatiya 5:23

kuicefya, nu kuikanya. Kutaya Masunde akalwisyanya ni micitile ii.

2 Samueli 11:2

Uwanda umwi ku manguzi, Davidi akatuka pa musanzi wakwe afuma akulyatoka apipaala li sano lyakwe. Lino ali apipaala, alola umwanaci akufulala. Umwanaci wilya wali umuyembe wakwe cimwi.

1 Kolinto 3:1

Inane, nemo ntavwanzile kunomuli ndi vino nkavwanga ku antu ali na Mupasi Wamuzilo. Navwanzile kuno muli wa antu amu nsi ali wa ana anono mu utailo muli Klistu.

Mateo 26:75

Lyene Petulo aiusya vino Yesu wamunenyile ati, “Lino mukolwe atacili alamule, wemo umankana maila yatatu ale ukuvwanga vino utamanyile.” Alino Petulo afumila panzi nga alila minsozi nu ulanda ukulu cuze.

Mateo 26:69

Lyene Petulo watenzi mukasi ka musolo wi Tengo, nga umukazyana wenga uwamu yaomvi yakwe Simapepo Mukulu aiiza panoli amunena ati, “Nawe kwene wali pamwi na Yesu uwaku Galile.”

Masamu 141:5

Umulungame nga wanguma cilaya ica luse. Vyonsi ndi cakuti wankalipila, cilaya wa kumpaka amafuta pa mutwe. Umutwe wane utalakana foo. Amanda yonsi, nemo nkalwisya wakwe yakaifya umu kupepa kwane.

Galatiya 6:18

Inane, cikuku ca Mwene witu Yesu Klistu ciye namwe mwensi. Ameni.

1 Tesalonika 4:1

Pa kumalila, mwe ina itu, mwemo mwasambilile kunotuli pali vino mulinzile kwikala pakuti muzanzye Leza. Endi, vivyo kwene avino mukaikala. Lyene ndakai mwi zina lya Mwene Yesu tukumupapata nu kumukonkomezya kucita cili conga nu kuluta.

2 Kolinto 2:8

Caleka nkumupapata kuti muleke wene amanye mu cumi vino mwamutemwa.