Galatiya 5:21 - Amazwi Yakwe Leza 2013

²¹ Yene yaya nu muvimbila, akolesi nupya yakacita ya muzangalwe nga navyuze vikoline na vii. Ndakai nkumuceula ndi vino namucewile inkolelo ukuti, yao akacita vintu vii yene yatalapyana Wene wakwe Leza.

Galatiya 5:21 Referans Kwoze

Loma 13:13

Caleka twapita ningo ndi vino antu yakacita musanya. Tutaya mu nsaka zya kuwowota nanti kuya akolesi, nanti kucita vya winyi, nanti ukakasi, nanti lwete, nanti uzuwa.

Loma 8:13

Pano ndi mukwikala mu untunze, mulafwa. Lelo ndi mwacimvya vilondwa vya mili inu, ku maka yakwe Mupasi Wamuzilo, ale lyene mulaya nu umi.

Efeso 5:18

Mutakoleka waini pano wene angamonona. Lelo muzuziwemo na Mupasi Wamuzilo.

1 Kolinto 5:11

Nkusenula ukuti mutalinzile kuya mu utandano nu muntu akaitaka vino wene umwina winu, lino wene akacita ulenzyo, nanti uwa lwiswa, nanti akapepa tuluwi, nanti uwa ntumpu, nanti umukolesi, nanti umwivi. Mutaikala pansi nu kulya pamwi nu muntu wa musango uu.

Umbwilo 21:27

Lelo kusi cimwi cikowele cino cilingila mu musumba ukulu, nupya mutalingila umuntu wino akacita vya winyi, nanti akatumpoka. Suka sile yao yano mazina yao yalembwa mu lupapulo lwa Mwana wa Mfwele ulwa umi, ayano yalingilamo.

1 Petulo 4:3

Mwemo mwasumvile nsita mu kucita vintu wa antu atataila Leza. Mwemo mwacitanga vya winyi, mwali ni mbunu, mu ukolesi, nu mu kuwowota, mu muzangalwe mu nsaka zya ukolesi, nga nu mumipepele iya winyi ya tuluwi.

Kolose 3:6

Pamulandu wa vintu vya musango uu, Leza alaya nu ukali pa antu yano asyamuyela.

1 Tesalonika 5:7

Antu yakakasula usiku, nupya akolesi yakakoleka usiku.

1 Kolinto 15:50

Inane, nemo nkusenula ukuti mili itu iya minyefu nu wazi ilaola. Cii, cikusenula ukuti yene itangakumako ku Wene wakwe Leza uwa manda pe, nga ni cikaola citangingila mu cisiola.

Umbwilo 22:15

Lelo yao akacita vya winyi na alozi, yacizelele ni nkomi, yakapepa ya tuluwi nga na yao akatumpoka mu mazwi nu mu vicitwa kwene, yaa yonsi yalasyala kunzi ya musumba ukulu.

Mateo 25:34

Lyene Mwene alanena yao ali kwi kasa lilunji lyakwe ati, ‘Izini, mwe apolelelwe yakwe Tata. Ingilini mu Wene uno wateyanyizizye mwemwe kufuma ku utandiko wa uumbo wa insi.

Ezaya 3:11

Kalanda ku antu aipe! Yene yalacilola! Yalalipilwa apa uyi uno iminwe yao yacita.

Luka 21:34

“Cenjelini pakuti imyenzo inu italaukilwa mu kupunuka, mu ukolesi na masakamiko amu umi uu, pano limwi uwanda uwa ungamupumikizya wa citeyo.

Malango 21:20

Akwasi yalinzile ukunena intunguluzi zizyo yati, ‘Mwana witu wakoma umwenzo nupya acisanguka nga akakana kutuyela. Wene akaonona impiya mu ukolesi.’

Ayebulai 13:4

Ing'anda ilinzile kucindikwa na antu onsi. Yaiya na Aci yalinzile kutailana. Leza alapingula yao akacita uzelele na yao akacita ulenzyo.

2 Tesalonika 2:5

Uzye musyakwiusya ukuti namunenyile vii vyonsi lino nali pamwi namwe?