Galatiya 5:11 - Amazwi Yakwe Leza 2013

¹¹ Inane, ndi ncili nkukosola ukuti kusilamulwa kukulondekwa kucitwa, uzye pacani ncili nkuzunyiwa? Mu cumi nda vino cili, lyene ale kukosola kwane pamulandu wa lupanda lwakwe Klistu kutangaleta intazi.

Galatiya 5:11 Referans Kwoze

1 Kolinto 1:23

Lelo swemo tukakosola Klistu uwatanyilwe pa lupanda, ilandwe lyaya icisiki cakupumikako Ayuda nupya utumpe ku Akulukuwa.

Galatiya 6:12

Antu yano akwezya kumupatikizya kusilamulwa yakailanga nu kuitasya. Nupya yakacita vii pakuti yatazunyiwa pamulandu wakukosola vya pa lupanda lwakwe Klistu.

Galatiya 4:29

Pa nsita ilya, mwana uwavilwe mu musango uno onsi yakavyalwa watandike kuzunya mwana uwavilwe ku maka ya Mupasi wakwe Leza. Cili cimwi kwene cikucitika ni lelo.

Galatiya 2:3

Tito wino twali nawe, nanti wali u Mugiliki, yatamupatikizye kusilamulwa,

1 Kolinto 15:30

Uzye naswe, ndi avino cili, tungaikala uli mu uzanzo nsita zyonsi?

Milimo 21:21

Yuvwa ukuti wasambilizyanga Ayuda yano aikala mu mpanga zya Akulukuwa kuti yasule Masunde yakwe Mose, ala ukuyanena ukuti yatasilamula ana yao nanti ukulondela intambi zya Ayuda.

Galatiya 6:17

Kufuma ndakai ntakulonda kuti umuntu nanti umwi anganola, pano viyazi ivili pa mwili wane vikulanga ukuti nene muzya wakwe Klistu.

1 Kolinto 1:18

Pano Ilandwe lya pamulandu wa mfwa yakwe Klistu pa lupanda lisyasenula cimwi ku antu yano akulowa. Lelo kunotuli swe muno tukutuulwa, Ilandwe lii amaka yakwe Leza yano akuomba.

Milimo 21:28

Yapunda yati, “Mwe ina Izlaeli, twazwini! Wii ali muntu akapita konsi ala akusambilizya wensi ukusula aina Izlaeli, Masunde yakwe Mose, nga ni Ng'anda ii ikulu yakwe Leza. Lyene ndakai wataleta na Akulukuwa kwene mu Ng'anda ikulu yakwe Leza nu kukowezya icifulo camuzilo!” (

Milimo 16:3

Paulo walondanga kuti Timoti amusukilile, caleka wamusilamwile. Wacisile cii pano Ayuda yonsi atenzi mu vifulo vivi yamanyile vino isi wakwe Timoti wali u Mugiliki.

Ezaya 8:14

Apamulandu nu kucindama kwane ukwa cipezya amano, nemo naya wi we lino antu yakapumika kweneko. Naya wa lukose luno antu yakalemya mwenemo, yayo atekwa umu Yuda nu mu Yelusalemu. Icikalemwako nu ku ina Yelusalemu kwene.

Galatiya 3:1

Mwe ina Galatiya viwelewele mwe! Uzye aweni watamupumvyanya? Nalondolola ningo pa manso inu mulandu wa mfwa yakwe Yesu Klistu pa lupanda!