Galatiya 4:8 - Amazwi Yakwe Leza 2013

⁸ Lino mutamanyile Leza mwemo mwali azya ya tuluwi tutali tuleza.

Galatiya 4:8 Referans Kwoze

1 Kolinto 8:4

Acino lyene nanti angala vyakulya vikapelwa impolelwa ku tuluwi, swemo twamanya vino kutaya nanti kaluwi konga muno mu nsi kano kaya nu umi. Twamanya vino kwaya Leza wenga sile.

2 Tesalonika 1:8

mu cimbilimbili ca moto, kwiza vunuka yao akakana Leza nupya asyataila Ilandwe Lisuma lya Mwene witu Yesu.

1 Tesalonika 4:5

Mutaya azya ku mbunu zinu nanti kwikala wa antu atataila.

1 Tesalonika 1:9

Antu yaya yonsi yakulanda pa kuzengela kuno mwatuzengile, nga na vino mwazenzwike ku kupepa tuluwi nu kutandika kutumikila Leza wa cumi nupya uwa umi.

1 Petulo 4:3

Mwemo mwasumvile nsita mu kucita vintu wa antu atataila Leza. Mwemo mwacitanga vya winyi, mwali ni mbunu, mu ukolesi, nu mu kuwowota, mu muzangalwe mu nsaka zya ukolesi, nga nu mumipepele iya winyi ya tuluwi.

1 Kolinto 1:21

Pano Leza mu mano yakwe walenzile ukuti citacitika ukuti antu yamumanye kupitila mu mano yao. Lelo camuzipile ukuti antu ataila yatuulwe kupitila mwi Landwe lino tukakosola, ilikauvwika lya uwelewele ku antu yamwi.

Ezaya 37:19

Twalola na vino yakaoca utuluwi tuleza twao, icakuti mucumi asi tuleza foo. Ivinkolanya vino aeneco yaipangila uku vimuti nu ku mawe, uku minwe yao.

2 Milandu 13:9

Mwemo nu kuzinga mwazinga yasimapepo yakwe Yawe, ana aonsi yakwe Aloni, na ina Levi apa vifulo vyao. Mwasontela penepo yasimapepo yauze ndi vino antu amu mpanga zyuze zya inamasi yasonta. Ali kuti umuntu wensi wiyo uwiza na cipambasi nanti yasuku cinimbali, ku kuiswefya, wene ala angaya a simapepo wakwe tuleza kwene tuto utuluwi tuno mukati atuleza twinu.

Efeso 4:18

nupya myenzo yao yaya mu mfinzi. Yene yasikuma mu umi uno Leza akapela, pano yakomya imyenzo yao nupya yene atuutu.

1 Kolinto 12:2

Mwamanya ukuti lino mwali antu atataila, mwaponziwe umu nzila zingi mu kupepa tuluwi tusivwanga.

Yelemiya 10:25

Twala ukali wako ku antu amu mutundu uno usikupepa, na pa antu yano yakukana. Yene yakoma antu yako. Yene yatonona yatumalilila, nu kusya impanga itu ivitalang'anda.”

Yoswa 24:15

Lelo ndi mutakasi ukutumikila Yawe, lyene sololini ilelo kwene wino mumatumikilanga, nga cakuti a tuleza tuno ivikolwe vinu vyatumikilanga ku mbalama ya Luzi lwa Yodani, nanti tuleza twa ina Amoli, yano pali ndakai mukwikala mu mpanga yao. Lelo nemo na amu ng'anda yane, tumatumikilanga Yawe.”

Yoswa 24:2

Alino Yoswa anena antu yonsi ati, “Yawe, Leza wa ina Izlaeli, watavwanga ati, ‘Mpiti mpiti, ivikolwe vinu, ukwikapo na Tela isi wakwe Abulaamu na Nawoli, yatenzi ku mbalama ya Luzi lwa Yufulate nupya yatumikilanga tuleza tuze.

Kufuma 5:2

Lelo Falao auzya ati, “Uzye Yawe aweni wakuti ninguvwa kunoli kuti inte aina Izlaeli yapite? Nemo ntamumanyile Yawe wiyo, nupya nkukunena vino ntalata aina Izlaeli yapite.”

1 Yoane 3:1

Elenganyini vino Tata watutemwa! Kutemwa kwakwe ukukulu cuze cakuti swemo twaamwa ana yakwe. Nu mu cumi avino tuli. Uu uli mulandu uno amu nsi yatatumanya, pano yene yatamanya Leza.

Loma 1:28

Mulandu uno antu yakana kusunga mano ya cumi apali Leza mu myenzo yao, Leza wayafutatila kuti yalondela melenganyo yao a ukakasi na kuti yacita vintu vino vitaine kucita.

Milimo 17:23

Pano lino natandalanga mu musumba winu nu kulola mu vifulo vino mukapepelamo, nazanyile akavuwa apalembwa ukuti, ‘Kuli Leza wino atamanyikwa.’ Cico cino mukapepa mu kuntamanya, acino ndakai namamulandila.

Milimo 14:12

Yatemile Banaba izina lyakuti Zeusi, na Paulo izina lyakuti Helemesi, pano aliwe wavwanzile.

Yoane 1:10

Izwi wali mu nsi, lelo nanti Leza waumvile insi kupitila muli aliwe, amu nsi yene yaposiwa kumumanya.

Yelemiya 2:11

Uzye kwatala kwaloleka umutundu uno ukakauzya tuleza twakweo utuluwi, nanti angala tusi utwampomvu?

Loma 1:23

Mu cifulo cakupepa Leza asiifwa, yene yakapepa tuluwi tuno yapanga mu unkolanya wa muntu akafwa nanti vyunyi nanti nyama nanti visela.

Yelemiya 5:7

Yawe auzya ati, “Uzye pacani cino ningelela amaifyo ya antu yane? Yene yamfutatila nupya yakapepa tuleza utusi twacumi. Nemo nimwile antu yane mpaka yikuta, lelo yene yacisile ulenzyo nu kwizya pamwi na yacizelele.

Yelemiya 16:20

Uzye antu yangaipangila tuleza? Awe, ndi yacisile cico, ale lyene tutangaya a tuleza.”

Galatiya 4:3

Vii, avino cali na kuli sweswe. Twali wa ana atungululwanga na masambilizyo ya ntambi zya nsi.