Galatiya 4:19 - Amazwi Yakwe Leza 2013

¹⁹ Mwe ana yane akundwe! Nupya kwene, wa kuwaika kwa muumbuza, avino nani kwene nkuuvwa pamulandu winu, usuke mwata wakwe Klistu uye munomuli.

Galatiya 4:19 Referans Kwoze

Loma 8:29

Pano yano Leza wasolwile calimwi ayano wapaatula kuti yaye wa Mwana wakwe, pakuti Mwana aye iyeli lya ina aingi.

Efeso 4:13

Cii cilatwalilila kufika lino twalemana kupitila mu utailo nga nu mukumanyikisya Mwana wakwe Leza. Lyene tulaya afumaluke, ndi vino Klistu ali, nupya tulakolana na aliwe cuze.

Loma 13:14

Lelo lekini Mwene Yesu Klistu aye pipi namwe wa visyangu vinu vino mukazwala. Tiini kusakamala musango wa untunze nu kuzanzya vilondwa vyauko.

Efeso 4:24

nupya zwalini untu upya, uno waumvilwe mu mwata wakwe Leza. Lyene mulaya aololoke nupya amuzilo.

Kolose 4:12

Epafula cilundwa cuze ca mwi umba linu, nupya muomvi wakwe Klistu Yesu, nawe kwene wamulamuka. Wene akamupepela lyonsi na maka, ala akulenga Leza kuti aleke muye akomeleke wa ina Klistu atumpuluke nupya afumaluke mukuyela kulonda kwakwe Leza.

Kolose 3:10

nupya mwati mwingila mu umi upya. Ndakai mukulunduluka mu kulolana na kaumba winu pakuti mumumanyikisye ningo mu ufumaluke.

Filipi 2:5

Mwacita nu kwelenganya mu musango uli onga na uno Klistu wakweti.

Yakobo 1:18

Ku kulonda kwakwe umwisikulu wene watupeela umi kupitila mwi Landwe lya cumi, kuti tuye wa vizao vyankolelo pa viumbwa vyonsi.

Filimoni 1:10

Acino nkukulenga kuti wazwe Onesimasi, wino kunondi akoline wa mwanane lino tuli nawe mung'anda yaminyololo.

Kolose 1:27

Ipange lyakwe Leza ilya kuumbula nkama kwene ii iyalulumbi ku antu yakwe. Nupya nkama ii iyakupeela ku antu onsi. Nkama iyakuti Klistu aikala munomuli, nupya wene ali upaalilo winu uwa kukuma ku lulumbi lwakwe Leza.

Kolose 2:1

Nkulonda kuti mumanye kuomba kuno nkaombesya pamulandu winu na pamulandu wa antu yakwe Leza amu Lodesiya, nga na alondezi yauze yano atatala yandola.

Filipi 2:17

Utailo winu mu Mwene nga nu kuomba kwinu vikoline wa mpolelwa iyapeelwa kunoli. Nu wazi wane ungapongolwelwa pa kupeela impolelwa. Cii ndi cacitika, ndazanga nu kusansamuka pamwi namwe.

Filipi 1:8

Leza ali kambone wane ukuti nkulanda cumi. Wene amanyile vino nkalondesya kumulola. Namutemwa mwensi nu kutemwa kwakwe Klistu Yesu.

Ezaya 53:11

Apacisila ca macuzi yakwe, nupya angaca alole ukusansamuka, nu kusininkizya ukuti fwandi ataicuzizye sile foo, apakucula. Umucumi umuomvi wane umusuma nu kucula fwandi waculila aingi apakuyasenula asuma.

1 Yoane 5:21

Mwe ana yane, mwaisunga ningo mutapepa tuluwi.

1 Yoane 2:12

Mwe ana yane, nkumulembela pamulandu wakuti maifyo inu yelelwa mwi zina lyakwe Klistu.

1 Yoane 2:1

Mwe ana yane, nkumulembela cii pakuti mutaifya. Lelo ndi umwi wifya, tukweti kaazwa akatuvwangila kuli Tata, ali Yesu Klistu umololoke.

Ayebulai 5:7

Lino Yesu wali pano nsi wene wapepanga nu kulenga Leza ni zwi likulu na minsozi, wino uwali na maka akumutuula ku mfwa. Leza wamuvwile, pano wene waicefizye nu kuya uwa cumi kunoli.

Tito 1:4

Nkulembela we Tito. Wemo ukoline wa mwanane inkonko, pano wewe nani twaya mu utailo onga. Cikuku nu mutende vifume kuli Leza Tata na Klistu Yesu Katuula witu viye kunuli.

Filimoni 1:19

Nene nalemba kwi kasa lyane nemwisikulu ukuti ne Paulo ndakulipa (lelo utailila ukuti umi wako inkongole kunondi).

1 Timoti 1:2

Kuli Timoti wino mu utailo witu ali wa mwana kunondi. Leza Tata nu Mwene witu Klistu Yesu akupeele cikuku, mizu, nu mutende.

Luka 22:44

Mu kunyunguluka kukulu cuze apepa ukuluta, ala ni yevu lyakwe likutonela pansi kwati amamata akulu a wazi.]

2 Kolinto 12:14

Lii, ila lyakwe citatu lino nkupanga kwiza mutandalila. Lelo na ndakai ntakulonda kulenga cimwi kuno muli. Nkulonda sile mwemwe, lelo asi kuya wa cisendo kuno muli. Usi mulimo wa ana kusungila akwasi yao vyuma, lelo mulimo wa akwasi kusungila ana yao.

1 Tesalonika 2:7

nanti cingaya ukuti twange tulenge uwazwilizyo kufuma kunomuli pamulandu wakuti sweswe atumwa yakwe Klistu. Lelo twali afuke pakasi kinu ndi vino nyina wa ana akasunga ana yakwe ningo.

3 Yoane 1:4

Kusi cuze icikanzanzya kuluta pakuvwa ukuti ana yane yakayela icumi.