Galatiya 4:15 - Amazwi Yakwe Leza 2013

¹⁵ Mwali nu luzango cuze! Uzye lyene icani cacitike pa luzango lwinu? Nemo nkusininkizya ukuti ndi cingacitika, mwange muitonkole manso mu mpele.

Galatiya 4:15 Referans Kwoze

Loma 5:2

Pano twataila muli Klistu, Klistu kwene uwalenga kuti tukwate longo lwakuti twaikalilila mu luse lwakwe Leza. Acino tukailumba pa kukwata upaalilo wa kukumako ku ucindami wakwe Leza!

Kolose 4:13

Pano namuyela ukambone kuombesya kuno wakweti pamulandu winu nga na pamulandu wa antu amu Lodesiya nga na amu Hielapolisi.

1 Tesalonika 5:13

Kunoyali mwalanga mucinzi nga nu kutemwa kukulu kuluta pamulandu wa mulimo uno yakaomba. Mwaikala mutende pakasi kinu.

1 Tesalonika 2:8

Pamulandu wa kumutemwa kuno twamutemwa, swemo twaiteinye kumusakamala, cakuti twalondesyanga kupeela maumi itu kunomuli lilyo lino twakosozile Ilandwe Lisuma kunomuli. Mwemo mwali akundwe cuze kunotuli.

Galatiya 6:4

Cila muntu aicecete pa vicitwa vyakwe. Ndi visuma, lyene angaya ni cilumba pali vino umwisikulu watacita, kwaula kukolanya ni vintu vino umuze wacita.

Galatiya 5:22

Lelo Mupasi Wamuzilo wene akatulenga kuti twatemwana, kuya nu luzango, mutende, kuteeka mwenzo, uluse, cikuku, kuya a cumi,

Galatiya 4:19

Mwe ana yane akundwe! Nupya kwene, wa kuwaika kwa muumbuza, avino nani kwene nkuuvwa pamulandu winu, usuke mwata wakwe Klistu uye munomuli.

Galatiya 3:14

Klistu wacita cii kuti upolelelo uno Leza walavile kuli Abulaamu upelwe ku Akulukuwa muli Klistu Yesu. Cii cacitike kuti mu utailo tungapelwa Mupasi Wamuzilo wino Leza walavile Abulaamu.

2 Kolinto 8:3

Nkusininkizya kuno muli ukuti yene yapile kulingana na pa maka yao, nupya nu kupeela kuluta pali vino yangapeela. Kwaula kupatikiziwa,

Loma 15:13

Mwene Leza ali ntulo ya upaalilo, aleke muzange muye nu mutende cuze kupitila mu utailo winu munoli, pakuti upaalilo winu utwalilile kukula mu maka yakwe Mupasi Wamuzilo.

Loma 10:2

Pano nene kambone wao pali vino yaipelesya kuli Leza. Lelo yatamanya ningo vino kuipelesya kwao kulinzile kuye.

Loma 9:3

Pano ningatemwa kuti intipwilwe pamulandu wao, mpaatulwe na kuli Klistu.

Luka 8:13

Imbezu izyaponile pa lwala, antu yano akauvwa mazwi yakwe Leza, nu kuyapokelela nu luzango. Lelo mazwi yakwe Leza yasiingila nu kwika misisi mukasi ka myenzo yao. Caleka lino nsita yakweziwa yafika, yanenuka.

Galatiya 4:14

Nanti angala kulwala kwane kwamusakamike, mwemo mutampasile nanti kunkankamba. Lelo mwanzengile kwati namanye nene mungeli wakwe Leza nanti a Klistu umwisikulu kwene.

Galatiya 4:16

Uzye lyene naya nene mwanisi winu pa kumunena cumi?