Galatiya 3:21 - Amazwi Yakwe Leza 2013

²¹ Uzye cii cikusenula vino Masunde yasyazumilizyanya na malayo yakwe Leza? Awe, cisi vivyo! Pano antu ndi yapokelela Masunde angayapeela umi, ale lyene umuntu ali wensi angacitwa kuya mololoke pa manso yakwe Leza pakuyela Masunde.

Galatiya 3:21 Referans Kwoze

Galatiya 2:21

Nemo nsizumila kukana cikuku cakwe Leza, lelo ndu muntu akacitwa kuya mololoke pa manso yakwe Leza pakuyela sile Masunde ale lyene cikusenula ukuti cali icasilesile ukuti Klistu afwe.

Loma 9:31

Lelo aina Izlaeli yano alondanga kuya aololoke pa manso yakwe Leza mu kuyela Masunde yakwe Mose yene yaposiwe.

Galatiya 2:19

Nafwile ku masunde, pano Masunde a nkoma. Nata kwikalilila mu masunde pakuti mu umi wane onsi naombela Leza. Nemo natanwa pa lupanda pamwi na Yesu.

Galatiya 2:17

Lyene ndi swe Ayuda, lino tukwezya kuya aololoke pa manso yakwe Leza, twazanwa kuya yakaifya ndi vino Akulukuwa yaya, uzye ale cikusenula ukuti Klistu uwatucita kuya yakaifya? Awe cipelele kutali!

Loma 3:31

Uzye lyene tungati pa utailo kwene uu twafutatila Masunde? Awe, cisi vivyo! Mu cifulo cakwe cii, tukakomelezya kuyela Masunde.

Loma 3:4

Mucumi citangaya! Lelo Leza wene akalanda vya cumi. Nanti angala antu yonsi yaya antumpu. Cili wakwe vino calembwa mu malembelo cati, “We Leza, leka antu yamanye ukuti vino ukalanda ivya cumi, nu kuti ukayasinda ndi yakulolwesya mulandu.”

Loma 3:6

Awe citangaya! Ndi Leza asi mololoke, uzye lyene angapingula uli amu nsi?

Ayebulai 11:7

Utailo uwalenzile kuti Nowa auvwe kusokwa kwakwe Leza pa vintu vino vyali nu kwiza, vino atatazile alola. Wene wayelile Leza nu kupanga cange muno aliwe na amu ng'anda yakwe yatuuzilwe. Cii calenzile kuti antu amu nsi yavunukwe, nga Nowa nawe apokelele uwila wa wololoke uno ukapelwa kuli yao ataila.

Luka 20:16

Aliza akome alimi yao, nu kupeela icalo ca matingi ku alimi yauze.” Lino antu yuvwile cii, yavwanga yati, “Citanga ciye vii awe!”

2 Kolinto 3:7

Masunde yalemvilwe pa vipampa vya mawe, nga lulumbi lwakwe Leza lwalolike lino yapilwe kuli Mose. Masunde yalenzile cinso cakwe Mose kuyengesa cuze cakuti aina Izlaeli yaposiwe kulolekesya penepo, nanti angala kuyengesa kwali mu kuzima. Ndi Masunde yano yakaleta imfwa, yapilwe nu lulumbi lwa musango uu,

Galatiya 6:14

Lelo nemo ntalatala njilumbe pa cintu cili consi suka sile lupanda lwakwe Klistu. Pano wene wafwile pa lupanda, lyene kunondi vya munsi vili wa vifwe nga nani ku vyamu nsi indi kwati nafwa.

Ayebulai 7:18

Lyene ilamulo lyampiti likwa pa mbali, pano litali na maka nupya litali na mulimo.

Ayebulai 7:19

Pano Masunde yakwe Mose yatalenzile muntu kuya mufumaluke. Ndakai twapelwa upaalilo usuma cuze nupya wene ungatupalamika kuli Leza.