Galatiya 3:2 - Amazwi Yakwe Leza 2013

² Ningatemwa kumanya cintu conga kufuma kunomuli. Uzye mwapokelile Mupasi Wamuzilo pa kuyela Masunde nanti mukuuvwa nu kutaila Ilandwe?

Galatiya 3:2 Referans Kwoze

Galatiya 3:14

Klistu wacita cii kuti upolelelo uno Leza walavile kuli Abulaamu upelwe ku Akulukuwa muli Klistu Yesu. Cii cacitike kuti mu utailo tungapelwa Mupasi Wamuzilo wino Leza walavile Abulaamu.

Milimo 15:8

Lyene Leza, wino uwamanya vyaya mu myenzo ya antu, walanzile vino watazengela Akulukuwa pa kuyapela Mupasi Wamuzilo, wakwe vino naswe watupile.

Galatiya 3:5

Uzye Leza akamupeela Mupasi Wamuzilo nu kuomba vinjelengwe pakasi kinu pamulandu wakuti mukayela Masunde, nanti pamulandu wakuti muvwa nu kutaila Ilandwe?

Ayebulai 2:4

Leza walunzileko umboni wakwe pakucita vinjelengwe ni vizungusyo vya misango yonsi nu kupeela mawila ya Mupasi kulingana nu kulonda kwakwe.

Milimo 8:15

Lino Petulo na Yoane yafisile, yapepela yano ataile pakuti yangapokelela Mupasi Wamuzilo.

Milimo 2:38

Petulo ayanena ati, “Zenzukini, cila muntu, muwatiziwe mwi zina lyakwe Yesu, pakuti maifyo inu yelelwe. Alino mulapokelela uwila uno Leza walaya.

Ayebulai 6:4

Pano uzye yao afutatila utailo wao yangaweziwa uli nu kuzenzuka? Yene yapisile mu luswepo lwakwe Leza, nupya yapokelile uwila kufuma kwiyulu nu kuyankanyako Mupasi Wamuzilo.

Loma 1:17

Pano Ilandwe Lisuma likasokolola vino Leza akapindulula umuntu kuti aye mololoke, apa kukwata utailo kufuma ku kutandika kufika nu ku mpelelekezyo. Ndi vino malembelo yataka, “Muntu wino Leza wacita ukuya mololoke pa utailo wakwe wene alaya nu umi.”

1 Petulo 1:12

Leza wasokolwile kuli yakasema yaa ukuti mulimo uno yene yaombanga utali wakuyazwa aisikulu. Lelo wakwazwa mwemwe. Yene yakosozile vintu vii kunomuli mu maka yakwe Mupasi Wamuzilo, wino Leza watumile kufuma kwiyulu. Angeli nao kwene yakalondesya kumanya vintu vii.

2 Kolinto 11:4

Pano umwi ndi wiza nu kukosola ilandwe lyuze lipusane ni landwe lya pali Klistu, nanti ndi mwapokelela mupasi muze apusine na Mupasi Wamuzilo, nanti ndi mwapokelela ilandwe lyuze lipusane ni Landwe Lisuma lino mwapokelile, ale lyene mukuyela landwe lilyo.

1 Kolinto 9:21

Mu musango uli onga kwene, lino nkuomba pamwi na Akulukuwa, nemo nkaikala wa Mukulukuwa, kwaula kulondela Masunde ya Ciyuda, pakuti ndonke Akulukuwa. Cii cisyakusenula ukuti nsyayela Masunde yakwe Leza. Mucumi nemo nkateekwa na Masunde yakwe Klistu.

Galatiya 3:3

Uzye lyene mungaya viwelewele uli? Uzye vino Mupasi Wamuzilo watandike kuomba munomuli lyene avino mukwelenganya mungamalila na maka ya untunze?

Ayebulai 4:2

Pano naswe kwene tuvwa Ilandwe Lisuma ndi vino yene yuvwile. Yene yuvwile landwe lelo litayacitile visuma vimwi, pamulandu wakuti lino yuvwile yatalipokelile nu utailo.