Galatiya 3:19 - Amazwi Yakwe Leza 2013

¹⁹ Uzye lyene Masunde yakwata mulimo cii? Masunde yapilwe pakuti yatulange vino tukaifya, lelo yali akuti yaomba kufika nu kukwiza kwa cizikulula cakwe Abulaamu wino ulayo wapilwe kunoli. Angeli ayano yalesile Masunde ku muntu uwali nu mulimo wakukundanya.

Galatiya 3:19 Referans Kwoze

Milimo 7:53

Amwemwe mwapokelile masunde yakwe Leza lino angeli yalesile, lelo mwakana ukuyayela.”

Ayebulai 2:2

Ilandwe lino Leza wavwangile mu angeli lyali lya cumi, icakuti wiyo atalyuvwile nanti uwalisuzile, wavunwikwe ndi vino camulingine.

Galatiya 3:16

Vii avino cili ku malayo yano Leza wacisile kuli Abulaamu ni cizikulula cakwe, vino malembelo yakati malayo yatapilwe ku “Vizikulula ivingi,” lelo “Ku cizikulula,” kuli kuti wenga, na wiyo a Klistu.

Loma 4:15

Kuntayela Masunde kukaleta ukali wakwe Leza! Lelo ukusi Masunde kutangaya kuntayela.

Loma 2:13

Pano kusi uku kuvwa sile Masunde ukukalenga kuti antu yaye aololoke pa manso yakwe Leza, lelo ukukucita vino Masunde yataka ukukalenga.

Milimo 7:38

Mose kwene wii uwali na aina Izlaeli lino yakongine mu lwanga, nupya uwali ni vikolwe vitu pamwi nu mungeli uwavwanzile nawe pa Mwamba wa Sinai. Wene uwapokelile na mazwi akapeela umi kuti atupele.

Yoane 15:22

Ndi ntizile mvwange kunoyali, nga yasi nu mulandu wa kwifya. Lelo ndakai kusi kuno yangaleukila pa maifyo yao.

Malango 5:5

Pa nsita ilya, ali lino nemo nimilile apakasi kinu na Yawe kuti imunene vino wene wavwanzile, pamulandu wakuti mwemo mutakwezile pa mwamba pano mutukanga umoto. “Yawe wavwanzile ati,

Yoane 1:17

Pano Leza wapile Masunde ku antu kupitila muli Mose, lelo Yesu Klistu watuletela uwila, cikuku nga ni cumi.

Ayebulai 2:5

Leza atasolwile angeli kuti yaye yakateeka amu nsi ipya ino iliza, insi ino tukalandapo.

Luka 16:31

Lelo Abulaamu amunena ati, ‘Ndi yataluvwa ivyaya mu mpapulo zyakwe Mose na yakasema, nanti umwi angazyukuka kufuma ku afwe yatangasininkizya.’”

Masamu 106:23

Ali cino Leza walanzile ukuti wange ayonone, iciya cakuti Mose umusololwe wakwe atimilila inkolelo yakwe, nu kuyapapatila apakuti angawezya umwenzo, atayonona.

Malango 33:2

Yawe watentemwike ukufuma pa Mwamba wa Sinai, wakatwike wa kutunka kwi lanzi pa mpanga ya Seili nu kuyengesela pa antu yakwe ukufuma pa Mwamba wa Palani. Wene wali pamwi na angeli amazimbi ikumi, ali wa nsase zya moto ukwi kasa lyakwe lilunji.

Aina Levi 15:32

Yaa, ali malamulo ya pamulandu wa monsi wino akufumya ufila nanti mbuza ku wonsi wakwe,