Galatiya 3:15 - Amazwi Yakwe Leza 2013

¹⁵ Inane, namaomvya cilangililo ca vintu vikacitika iyonsi, kuti ndondolole ningo vino nkusenula. Lino antu yaili yapangana kusi umwi angasenula nanti kulundako cimwi ku cipangano cico.

Galatiya 3:15 Referans Kwoze

Ayebulai 9:17

Pano cilayo citangasenula cimwi lino uwalavile acili nu umi. Cene cikaomba sile pacisila ca kufwa kwakwe.

Loma 6:19

Nkuomvya cilangililo ca uzya lino nkulanda kunomuli kuti muvwikisye vintu vii. Apa nsita imwi mwaipelisye ku kuya azya amicitile ikowele nga nu ukakasi pamulandu wa melenganyo inu aukakasi. Vivyo kwene, ndakai muipelesye ku kuya azya akacita vyawololoke pakuti mwatumikila Leza mu vyamuzilo.

Loma 3:5

Ndi twacita viipe ala cikulanga ukuti Leza wene mololoke, uzye lyene tungati uli? Uzye tungati Leza asyalungika lilyo lino akatuvunuka? Nkulanda ndi vino antu yakalanda

1 Kolinto 15:32

Uzye mukwelenganya nemo nalonka cani pa kulwisyanya ni vilyanyi muno mu Efeso? Ndi afwe yatalazyukuka, lyene lekini twacita ndi vino calandwa, “Lekini twamwa nu kulya, pano mutondo tulafwa.”

Milimo 1:15

Pacisila ca manda yanono kwali ukongano wakwe yao ataile. Yali manye umwanda na makumi yaili. Alino Petulo aimilila pakasi kao avwanga ati,

Loma 1:13

Mwe inane nkasi mumanye vino insita zingi nkapanga ukwiza mupempula. Lelo kuli cikandesya. Nkalonda kwiza zombola vizao vya ku Mupasi muli mwemwe wakwe vino nacita mu Akulukuwa yauze.

Galatiya 6:18

Inane, cikuku ca Mwene witu Yesu Klistu ciye namwe mwensi. Ameni.

Ayebulai 6:13

Lino Leza walavile Abulaamu, wene walavile nu mulapo kucita vino walavile. Vino kutali umwi mukulu kuluta aliwe, umwisikulu waomvizye izina lyakwe pa kulaya nu mulapo.

Ayebulai 6:16

Lino umuntu akalaya nu mulapo, wene akaomvya zina lyakwe umwi mukulu kuluta aliwe, nu mulapo ukamala vikanza vyonsi.

1 Milandu 16:16

Akaiusya upangano ulya uno wene wacisile na Abulaamu, umulapo uno wene wacisile kuli Isaki.