Galatiya 2:6 - Amazwi Yakwe Leza 2013

⁶ Lelo yao alolekanga kwati intunguluzi, nkulanda cii kunoyali pano kunondi ntasakamile vino yali. Leza asyapingula umuntu ku milolekele ya kunzi. Intunguluzi zizyo zitalunda cimwi cipya kwi Landwe.

Galatiya 2:6 Referans Kwoze

Galatiya 2:2

Napisile pamulandu wakuti Leza wasokolwile kunondi ukuti ndinzile mpite. Lino twakomenkine ni ntunguluzi mu nkama nalondolwile Ilandwe lino nakosozile ku Akulukuwa. Nalondanga kusininkizya vino mulimo wane pa mpiti nga nu mu nsita ikwiza utaya uwasilesile.

Milimo 10:34

Petulo atandika ukuvwanga ati, “Ndakai namanya vino ica cumi Leza ataya na kasoozi pa muntu ali wensi.

2 Kolinto 12:11

Nacitanga vintu kwati nene mutumpe. Lelo mwemwe mwandenzile kucita vii, pano mwange mulande visuma vya pali nene. Pano nanti angala nemo nsi cimwi, lelo ntacepa kuluta pa atumwa inu yano mukati yacindamisya.

Galatiya 6:3

Muntu umwi ndi akwelenganya ukuti mucindamisye kuluta auze, na lino asi vivyo ala wene akuitumpoka.

2 Kolinto 11:5

Nkwelenganya vino nemo ntacepa pali wenga uwa mu atumwa yano mwemo mukati yacindamisya.

Loma 2:11

Pano Leza ataya na kasoozi.

1 Petulo 1:17

Lino mukupepa mukaama Leza muti, “Tata.” Wene ataya na kasoozi. Lelo akapingula antu yonsi kulingana na vino cila muntu wacita. Acino lyene mwacindika Leza lino mucikweti umi muno nsi.

Ayebulai 13:17

Mwayela intunguluzi zinu nu kulondela malamulo yao. Yene yakasopa umi winu kwaula kupuza, pasi pano yalalondolola kuli Leza pa kutumikila kwao. Ndi mukuyayela lyene yamaombanga milimo yao ni nsansa. Lelo ndi musyakuyayela, yamaombanga milimo yao nu ulanda nga namwe citangaya cakumwazwa.

Ayebulai 13:7

Mwaiusya yao ali ntunguluzi zinu, yano amunenyile ilandwe, mazwi yakwe Leza. Elenganyini musango uno ikalanga na vino yafwile, nga mukolane na alio mu utailo wao.

2 Kolinto 5:16

Caleka ndakai tusyapingula antu kulingana na vino yakaloleka. Nanti angala pa nsita imwi twatazile tupingula Klistu kulingana na vino muntu akaloleka, lelo ndakai tusyacita vivyo.

Luka 20:21

Caleka inengu zimuzya ziti, “Kasambilizya, twamanya vino ukalanda nga nu kusambilizya ivya cumi. Nupya twamanya vino utaya na kasoozi, lelo ukasambilizya Masunde yano Leza akalonda kuti antu yayela.

Mako 12:14

Izile kuli Yesu yamunena yati, “Kasambilizya, twamanya vino ukavwanga icumi. Nupya usioopa umuntu. Wemo utaya na kasoozi. Lelo ukasambilizya Masunde yano Leza akalonda kuti antu yayela. Uzye ciine na Masunde yakwe Leza kuti twasonka kuli Kesa nanti foo?”

Mateo 22:16

Yatuma alondezi yao nga na antu yakwe Helodi kuli Yesu yamuzya yati, “Kasambilizya twamanya vino ukavwanga icumi. Lelo ukasambilizya Masunde yano Leza akalonda kuti antu yayela. Wemo usioopa umuntu nupya utaya na kasoozi.

Yobo 34:19

Wene nu kuntunguluzi kwene atakwata akasoozi, asipaatulula pakasi ka akama na apina, pano yonsi kwene, iviumbwa vya kumakasa yakwe.

Malango 10:17

Acino lyene mumanye ndi vino Leza winu ali Leza uwaluta yaleza yonsi. Wene umukulu nupya uwamaka nu wakoofya, wino ataya na kasoozi nupya asizumila kutoola amafukakanwa.

Milimo 5:36

Mu nsita zyampiti Teudasi walolike, nu kuitaka vino wene wali mukulu. Alino antu manye myanda ini yamulondile. Lelo yamukomile na antu yonsi amulondile yasalangana, nga pazima.