Galatiya 2:14 - Amazwi Yakwe Leza 2013

¹⁴ Lelo lino naweni ukuti cino yacita citaine ni cumi icaya mwi Landwe Lisuma, nakalipile Petulo inti, “Petulo, wemo wewe Muyuda. Lelo ukaikala wa Mukulukuwa, asi wa Muyuda. Uzye lyene, ungapatikizya uli Akulukuwa kuti yaikala wa Ayuda?”

Galatiya 2:14 Referans Kwoze

Galatiya 2:5

Lelo pakuti tucingilile cumi ci Landwe, swemo tutayasilile mweko nanti panono.

Milimo 10:28

Alino ayanena ati, “Mwemo mweisikulu mwamanya ningo vino Muyuda, ukulingana ni mipepele yakwe, atazumiliziwa ukulanda nanti ukuminkana na Akulukuwa. Lelo Leza watandanga vino ntalinzile nataka umuntu umwi ukuti wakowela nanti atasanguluka.

1 Timoti 5:20

Wakalipila apaswe yao yonsi akaifya, pakuti asyala yuvwe intete.

Galatiya 6:12

Antu yano akwezya kumupatikizya kusilamulwa yakailanga nu kuitasya. Nupya yakacita vii pakuti yatazunyiwa pamulandu wakukosola vya pa lupanda lwakwe Klistu.

Mapinda 2:7

Wene akaazwilizya antu akacita vyaololoke nupya acumi nu kuyacingilila.

Masamu 84:11

Pano wemo we Yawe Leza, awewe tukazina mwenemo nupya wewe uli kavwangila witu. Watukwatila inkumbu nu kucindamika, ukatucindamika. We Yawe, usitwima ivisuma sweswe swe antu yako, swe ya miyele isuma.

Ayebulai 12:13

Twalililini kupita umu nzila zyololoke, pakuti ingazo izikasinta zitalemala lelo zipoziwe.

Ayebulai 9:10

Cili vivyo pamulandu wakuti vyene vikaomviwa mu malamulo ya milile, nu kumwa nga ni misango ipusanepusane iya kuswefiwa. Vii vyonsi amalamulo ya pa vintu vino vikaloleka, yano yakuomba kufika lino Leza alaleta utantiko upya.

Galatiya 2:9

Yakobo, Petulo na Yoane zili ntunguluzi zyamanyile vino Leza wampeela mulimo uwa kukosola Ilandwe. Caleka yalemine makasa na Banaba nga nani, tulamukana, kuti ciye cilangililo cakuti swensi twaya pamwi. Twazumilizyanyizye ukuti Banaba nani twaombela pakasi ka Akulukuwa nga nao pakasi ka Ayuda.

Galatiya 2:7

Ku mbali yuze, yene yaweni ukuti Leza wampile mulimo wa kukosola Ilandwe ku Akulukuwa, wakwe vino wapile Petulo mulimo wa kukosola Ilandwe ku Ayuda.

Loma 14:14

Mu kuilundanya nu Mwene Yesu Klistu, nasininkizya vino Leza wacita vyakulya vyonsi kuya visanguluke. Lelo ndi ukwelenganya ukuti vyakulya vimwi ivikowele, ale lyene kunuli ivikowele.

Milimo 15:24

Tuvwa vino antu yamwi apisile kufuma umwi umba litu yati yamwanola nu kuvulunganya kampingu winu pali vino yavwanzile. Swemo tutayatumile kuti yacite vivyo.

Mapinda 10:9

Umuntu uwakwata icumi asipita mu uzanzo. Lelo wiyo akapita umu nzila ziipe wene alamanyikwa.

Masamu 141:5

Umulungame nga wanguma cilaya ica luse. Vyonsi ndi cakuti wankalipila, cilaya wa kumpaka amafuta pa mutwe. Umutwe wane utalakana foo. Amanda yonsi, nemo nkalwisya wakwe yakaifya umu kupepa kwane.

Masamu 58:1

Mwe yakateeka uzye kwene imipingwile inu iyaulungi? Uzye mukapingwila antu umu musango ulungamane?

Masamu 15:2

Awiyo akapita uwakaele, wiyo akacita ni vilungamane, wiyo akavwanga ivyacumi vyamu mwenzo wakwe.

Aina Levi 19:17

“Utaya na kaikila ku muntu umwi mu mwenzo. Lelo utiifya pamulandu wa muntu wiyo.

Galatiya 2:3

Tito wino twali nawe, nanti wali u Mugiliki, yatamupatikizye kusilamulwa,

Milimo 15:1

Antu yamwi afumile ku Yudeya iiza ku Antioki, yasambilizya ataile yati, “Mutalatuulwa ndi mutasilamwilwe kulingana nu lutambi luno Mose watusilile.”

Milimo 15:5

Lelo ataile yamwi ali mu kaungwe ka Afaliseo, iimilila yavwanga yati, “Akulukuwa yalinzile kusilamulwa nu kunenwa kuti yayela Masunde yakwe Mose.”

Galatiya 1:6

Nkuzunguka pamulandu wa miyele inu! Kwaula kusumba insita mwemo mukufutatila Leza wiyo uwamusolwile kupitila mu cikuku cakwe Klistu, nga nupya mukutaila ilandwe lyuze.

Galatiya 1:18

Cali pacisila ca myaka itatu lino naile ku Yelusalemu ku kulanzyanya na Petulo, nga natenzi pamwi nawe kulingana ni milungu iili.

Kolose 1:5

Utailo nu kutemwa vyoili vimikwa pali cino mukapaalila cino Leza wamusungila kwiyulu. Muvwile pa upaalilo lino Ilandwe lya cumi, Ilandwe Lisuma lyakosozilwe nkolelo kuno muli.