Galatiya 1:8 - Amazwi Yakwe Leza 2013

⁸ Lelo nanti cingaya a sweswe nanti mungeli kufuma kwiyulu angakosola ilandwe lipusane na lino twakosozile kunomuli, cingazipa kuti Leza amuvunuke!

Galatiya 1:8 Referans Kwoze

Galatiya 1:9

Vino twamunenyile mpiti avino nkumunena nupya. Muntu umwi ndi akukosola ilandwe kunomuli lipusane na lino mwataila, cingazipa kuti Leza amuvunuke!

1 Kolinto 16:22

Muntu umwi ndi asyatemwa Mwene, Atipwe! Malanata! Mwene witu, iza!

Loma 9:3

Pano ningatemwa kuti intipwilwe pamulandu wao, mpaatulwe na kuli Klistu.

Mateo 25:41

“Lyene alanena yao ali kwi mani lyakwe ati, ‘Fumini pano, ntamumanyile mwe muno mwatipwizilwe. Yangini ku moto usyazima uno Leza wateyanyizizya Ciwa na angeli yakwe.

2 Petulo 2:14

Yene yakaelenganya sile kulongozya. Imbunu yao yakwifya itakwata impela. Yene yakasomba antu mu citeyo cao. Myenzo yao yasambilila kuya nu lwiswa nupya yali ni citipu cakwe Leza.

Milimo 23:14

Lyene yaya kuli yasimapepo akalamba na ikolo, yayanena yati, “Swemo twali twalaya nu mulapo ukuti tutangalya nanti kumwa suka tukome Paulo.

Tito 3:10

Muntu wino akapaatukanya auze ndi wamusoka nanti lili, lelo atuvwile, mumukane.

Galatiya 3:13

Lelo Klistu watukulula ku citipu ca Masunde, lino umwisikulu waipile kuya citipu mu cifulo citu. Pano calembwa mu malembelo cati, “Wiyo wensi uwatanwa pa cimuti ala citipu cakwe Leza cili panoli.”

1 Kolinto 12:3

Nkulonda kuti mumanye vino kusi umwi wino akatungululwa na Mupasi Wamuzilo angavwanga ati, “Yesu atipwe!” Nupya kusi umwi angavwanga paswe ati, “Yesu u Mwene,” suka akutungululwa na Mupasi Wamuzilo.

Mako 14:71

Alino Petulo alapa avwanga ati, “Ntamanyile umuntu wino mukulandapo. Ndi nkutumpoka Leza andye.”

Galatiya 3:10

Muntu akaikalilila mukuyela Masunde ala wene ali mu citipu. Pano calembwa mu malembelo cati, “Wino wensi asyayela pe vyonsi ivyalembwa mu lupapulo lwa Masunde ala wene umutipwe!”

Neemiya 13:25

Lyene mpazyanya nayo nu kuyatiipa nga numa yamwi nu kuyanyunkula inyele. Nga njanena kuti yacite umulapo mwi zina lyakwe Leza inti, “Mutakezye ukutwalizya ana inu anaci ku onsi ainamasi, nga ana inu aonsi kumwi namwe kwene mutakezye kutwala anaci ainamasi.

1 Samueli 26:19

Fwandi lyene musambazi uvwa ku muomvi wako. Ndi cakuti Yawe uwakunena kuti wandwisya, ale lyene cizipe apokelele impolelwa iya kumuzanzya. Lelo ndi cakuti antu ayano yakukutunka, lyene icitipu cakwe Yawe ciyaponele! Pano yene yatiyanzinga umu mpanga yakwe Yawe nu kuntwala ku mpanga ya inamasi muno ningapepa sile tuleza tuze.

Yoswa 9:23

Apakucita vivyo, ukufuma ndakai mwatipwilwa na Leza. Antu inu yalaya azya pe. Yene yalaatiya inkwi nu kusembela ing'anda yakwe Leza wane amanzi.”

Utandiko 9:25

Asoka avwanga ati, “Citipu ciye kuli Kenani, Wene alaya muzya ku ina yakwe.

1 Yamwene 13:18

Alino kasema wilya umukote amunena ati, “Nani kwene nene kasema wakwe Yawe. Nga api lamulo lyakwe Yawe umungeli waliwanena wati, ‘Uwele nawe nanti iila lyonga ukwako, kuti akalye cakulya nu kumwa amanzi.’ ” Lelo kasema wilya umukote ala akutumpoka sile.

Yelemiya 23:16

Yawe Wamaka yonsi wavwanga ku antu aku Yelusalemu wati, “Mutezya mwauvwa uku mazwi yakwe yakasema yaa. Yene yakamusomba sile ku vilolwa vino yakamulandila. Vikafuma sile uku mano yao aeneco, asi ku kanwa kakwe Yawe foo.

Yelemiya 23:36

Lelo mutakezye ukulanda nupya muti, ‘Icisendo cakwe Yawe,’ pamulandu wakuti ndi umwi alacita cico, ale lyene mucumi ndalenga ukuti ciye icisendo kunoli. Antu yavulunganya amazwi yakwe Leza waumi, Yawe Wamaka yonsi, Leza witu.

Loma 16:17

Nkumupapata mwe inane, mucenjele kuli yao akapatukanya iuvi nu kuvulunganya utailo wa antu pa kuntacita vintu vino mwensi mwasambiliziwe. Fuminiko kunoyali, muyasoloke.