Galatiya 1:13 - Amazwi Yakwe Leza 2013

¹³ Mwamanya vino nikalanga wa Muyuda mu upefi wa Ciyuda, na vino nazunyizye iuvi lyakwe Leza kwaula luse nga nu kuombesya cuze kuti ndyonone.

Galatiya 1:13 Referans Kwoze

Milimo 8:3

Lelo Saulo aezya ukonona iuvi. Wayanga ing'anda ni ng'anda, ala akulema yano ataila, aonsi na anaci, akuyaleta kuti yayayalile mu ng'anda yaminyololo.

1 Kolinto 15:9

Nene munono kuluta pa atumwa yonsi nupya citandinzile kwamwa mutumwa pano nazunyizye iuvi lyakwe Leza.

Milimo 9:26

Walanga Saulo waya ku Yelusalemu, aezya kuminkana na alondezi yauze. Lelo yonsi yamoopa pano yatataile vino wene wataya mulondezi.

Milimo 9:21

Antu yonsi amuvwanga yazunguka yauzyanya yati, “Uzye wii asi muntu wino akakoma yano akataka izina lii mu Yelusalemu? Uzye atizile kuno pamulandu uli umwi kwene uwakulema antu yao nu kuyasenda kuli yasimapepo akalamba?”

1 Timoti 1:13

Wene wacisile cii nanti angala mu manda apita cisila namuvwangile viipe, nu kumuzunya nga nu kumutuka. Lelo Leza wali na mizu kunondi pamulandu wakuti lilya ntakweti utailo nupya ntamanyile cino nacitanga.

Filipi 3:6

Nali nu muzonda cakuti nazunyanga iuvi. Nacitanga vyonsi vyawololoke vino Masunde yalanda, mu kucita vivyo ntatazile mfume mwanzila.

Milimo 8:1

Na Saulo wazumilizye ukukomwa kwakwe Sitivini. Pa wanda kwene ulya iuvi mu Yelusalemu litandika kuzunyiwa cuze. Onsi ataila, yasalangana mu miputule yonsi yamu Yudeya nu mu Samaliya. Suka sile atumwa.

1 Kolinto 10:32

Ikalini mu musango uno utangaleta intazi ku Ayuda nanti Akulukuwa nanti kwi uvi lyakwe Leza.

1 Timoti 1:14

Mwene witu wanguvwilile luse cuze. Nu luse kwene luu lusanda cuze nu kundetela utailo nu kutemwa muli Klistu.