Galatiya 1:10 - Amazwi Yakwe Leza 2013

¹⁰ Uzye pakulanda vii nkwezya kuzanzya antu nanti Leza? Awe cisi vivyo! Nemo nkasi kuzanzya Leza! Uzye nkwezya kuti ndumbuke ku antu! Ndi avino nkwezya kucita, lyene ntangaya muomvi wakwe Klistu.

Galatiya 1:10 Referans Kwoze

1 Tesalonika 2:4

Mu cifulo cakwe cii, swemo lyonsi tukalanda wakwe vino Leza akalonda kuti tucite, pano wene walola ukuti twati tulinga kupelwa mulimo wa kukosola Ilandwe Lisuma. Tusyaezya kuzanzya antu, lelo tukaezya kuzanzya Leza, wino akaezya melenganyo itu.

Milimo 5:29

Petulo na alondezi yauze yaasuka yati, “Tulinzile ukuyela Leza, kuluta kuyela antu.

Efeso 6:6

Mutaomba sile ningo lino yakumwangalila, ngati mukulonda kutasiwa na antu. Lelo mwaomba milimo wa azya yakwe Klistu, kuomba ni myenzo inu yonsi kucita vino Leza akulonda.

Yakobo 4:4

Mwe antu mwe muno musi akutailwa kuli Leza! Uzye mutamanyile ukuti ndi mwaya ucuza ni nsi ala mwapatana na Leza? Wino wensi akalonda kuya cuza wa nsi ala wene waicita mwanisi wakwe Leza.

Mateo 22:16

Yatuma alondezi yao nga na antu yakwe Helodi kuli Yesu yamuzya yati, “Kasambilizya twamanya vino ukavwanga icumi. Lelo ukasambilizya Masunde yano Leza akalonda kuti antu yayela. Wemo usioopa umuntu nupya utaya na kasoozi.

Kolose 3:22

Mwe aomvi, namwe mwayela asambazi inu mu vintu vyonsi, asisile lino yakumwangalila pamulandu wakuti mukulonda kuyazanzya. Lelo mulinzile kuyela ni myenzo inu yonsi pamulandu wakucindikilamo Mwene.

Loma 2:29

Lelo Muyuda inkonko umuntu uwaya Muyuda mu mwenzo wakwe, wino mwenzo wakwe wasilamulwa. Kuu, kuli kuomba kwakwe Mupasi Wamuzilo, asi kuomba kwa Masunde yano yalembwa. Umuntu wa musango uu, asi antu akamutasya, lelo Leza akamutasya.

1 Yoane 3:9

Kusi umwi uwamu ana yakwe Leza akatwalilila kwifya, pano mwata wakwe Leza waya muli aliwe. Leza ali Isi, acino umuntu wiyo atangatwalilila kwifya.

2 Kolinto 12:19

Limwi mukwelenganya ukuti lyonsi lii swemo twezyanga kuicingilila sweisikulu pa manso inu. Awe! Swemo tukalanda ndi vino Klistu akalonda kuti twalanda pa manso yakwe Leza. Yakundwe itu, vyonsi vino tukacita ivyakuti vimwazwe.

Loma 2:8

Lelo antu akaitemwa, nu kukana kucita vya cumi akacita vino vitaine, yene yalazombola cipyu nu ukali wakwe Leza.

Loma 1:1

Kalata kufuma kuli Paulo, muomvi wakwe Klistu Yesu, mutumwa uwasolwa nu kwamwa na Leza ku kukosola Ilandwe Lisuma.

1 Kolinto 10:33

Mwacita sile ndi vino nani nkacita, kwezya kuzanzya antu yonsi muli vyonsi vino nkacita, kwaula kuyelenganyizizya visuma nemwisikulu, lelo visuma vya kwazwa yauze pakuti yangatuulwa.

Mateo 28:14

Mulasi ndi uvwa cii, tulasininkizya kunoli ukuti mwemwe yakaele. Acino mwemo mutakwata nanti masakamiko yamwi.”

1 Samueli 21:7

Lyene Doegi, umukalamba wenga pali yakacema yakwe Saulo, wali kweneko uwanda kwene ulya. Wene yamutesile pakuti afikilizye incito zimwizimwi izikumile ku mipepele yao.)

Milimo 12:20

Helodi wasokile antu amu Tuli na Sidoni. Caleka antu yaya yapita iumba kuya mulola. Inkolelo yatala yatandana icuza na Blasito, uwali umwangalizi mwi sano. Lyene yaile kuli Helodi nu kumuuzya ukuti paye mutende, pano impanga yao yafumyanga ivyakulya ku mpanga yakwe.

Mateo 6:24

“Pasi umuntu angaombela aene yaili; pano angapata wenga nu kutemwa umuze, nupya angayela wenga nu kusula umuze. Mutangaombela Leza nga ni vyuma.

Filipi 1:1

Kalata kufuma kuli ne Paulo na Timoti, swe aomvi yakwe Klistu Yesu. Twalembela antu yakwe Leza nupya yakwe Klistu, yano ali ku Filipi nga ni ntunguluzi pamwi na Yadikoni onsi amu mauvi inu.