Filipi 4:1 - Amazwi Yakwe Leza 2013

¹ Caleka, mwe inane nupya akundwe yane, nkulondesya ku mulola. Endi, lolini vino mukanzanzya, na vino nemo nkaitumika pamulandu winu. Nkumupapata kuti muye azyansye mu Mwene.

Filipi 4:1 Referans Kwoze

Filipi 1:27

Acino cintu cicindame kuluta cakuti umi winu ulinzile kuya kulingana na vino Ilandwe lyakwe Klistu likalonda twacita. Kuti lino ndamutandalila nanti foo, ince nuvwe ukuti mwensi mwakwata kwelenganya kuli kumwi. Nupya ndamanya ukuti mukaombela pamwi nu kulwisya kuti nayauze yuvwe Ilandwe Lisuma.

1 Kolinto 16:13

Pempulini nu kukomeleka mu utailo, posyini, muye na maka.

Filipi 2:16

lino mukuyanena mazwi yano yakapela umi. Ndi mwacita vivyo, lyene nemo ndailumba pamulandu winu pa Wanda uno Klistu alawela. Pano lyene ndamanya vino maka nu kuomba kwane kutali kwasilesile.

Masamu 27:14

Ali cino fwandi, mwataila muli Yawe! Mukwate upaalilo, mutezya mwatovoka foo. Ee, cacumi, mwataila muli Yawe!

1 Kolinto 15:58

Caleka, mwe inane akundwe, komelikini nupya tekelini mutanenuka. Cincilini lyonsi lino mukutumikila Mwene. Mwamanya ukuti mukuombela Mwene mutaya kucula sile.

Filipi 1:8

Leza ali kambone wane ukuti nkulanda cumi. Wene amanyile vino nkalondesya kumulola. Namutemwa mwensi nu kutemwa kwakwe Klistu Yesu.

Ayebulai 10:23

Lekini tulemasye kulanda pa upaalilo witu kwaula kutonta, pano tukutaila ukuti Leza alafikilizya ulayo wakwe.

Loma 2:7

Antu aya nu mute wakucita visuma, ayano Leza alapeela umi wape umwaya lulumbi nu mucinzi.

Yoane 8:31

Caleka Yesu anena yao amutaile ati, “Ndi mukuyela mazwi yane, mu cumi ale mwemwe alondezi yane.

2 Timoti 2:1

Timoti, we mwanane mu utailo. Komeleka mu cikuku cino twakwata muli Klistu Yesu.

Filipi 2:26

Lelo ndakai akulondesya kulola mwemwe mwensi. Wene watasakamikwa pamulandu wakuti muvwa vino wali mulwale.

2 Kolinto 1:14

wakwe vino mwatuvwa sile mbali. Lyene lino Mwene Yesu alawela, mulaya ni cilumba pamulandu witu wakwe vino twaya ni cilumba pamulandu winu.

Milimo 11:23

Lino wafisile nu kulola vino Leza wapolelile antu, aya nu luzango nga ayanena yonsi kuti mu myenzo yao yatwalilile mu utailo ni cumi ku Mwene.

Milimo 2:42

Mu nsita zingi antu yakonkowizye kusambilila ku atumwa, nu kutoola imbali mu utandano nga nu mukumokoola umukate wa wina nga nu mu mapepo.

Masamu 125:1

Yayo ataila Yawe yaya wa mwamba wa Zioni, uo usi wakutensya, uno wikalilila pee.

2 Petulo 3:17

Lelo mwemo yacuza, mumanyile cii mpiti. Cenjelini, kuti kuluvyanya kwakwe yakaifya kutamutungulula kuti mupone mu utailo.

Ayebulai 4:14

Lyene lekini tulemelele na maka ku utailo uno tukalanda. Pano tukweti Simapepo Mukulu nupya mucindame wino wapita kwiyulu kuli Leza. Wene a Yesu Mwana wakwe Leza.

Ayebulai 3:14

Pano tukaya yacuza yakwe Klistu ndi cakuti twalemelela ku upaalilo witu kufika nu ku mpelelekezyo, uwo uno twakweti pa kutandika.

2 Tesalonika 2:15

Caleka, mwe ina itu, muzyansye nu kutwalilila kulondela vya cumi vino twamusambilizye, mu kukosola nu mu makalata itu kwene.

Kolose 4:12

Epafula cilundwa cuze ca mwi umba linu, nupya muomvi wakwe Klistu Yesu, nawe kwene wamulamuka. Wene akamupepela lyonsi na maka, ala akulenga Leza kuti aleke muye akomeleke wa ina Klistu atumpuluke nupya afumaluke mukuyela kulonda kwakwe Leza.

Galatiya 5:1

Untungwa auno tukweti pano Klistu watukulula. Lyene ndakai twikale antungwa nupya tutakaye azya ya Masunde.

Milimo 14:22

Yakomelezya yano ataile nu kuyakonkomezya kuti yatwalilile kuya acumi mu utailo. Yayasambilizya yati, “Pakuti tukingile mu Wene wa mwiyulu, tulinzile kupita mu ntazi zingi.”

1 Tesalonika 3:13

Mu musango ndi uu, wene alamukomelezya, nga namwe mulaya afumaluke nupya amuzilo pa manso yakwe Leza Tata, lilyo lino Mwene witu Yesu aliiza nupya pamwi na akwakwe yonsi amuzilo.

Mateo 10:22

Onsi yalamupata pamulandu wane. Lelo wino wensi alaposya kufika nu ku mpelelekezyo, wene alatuulwa.

Yobo 31:36

Alino lyene ipepala kwene lilyo ningatemwa ukuti yalikambatike apa cifuwa cane, nanti ukulikoweka apa ciye cane, cilumba cilumba, wa cilongwe ca wene.