Filipi 1:8 - Amazwi Yakwe Leza 2013

⁸ Leza ali kambone wane ukuti nkulanda cumi. Wene amanyile vino nkalondesya kumulola. Namutemwa mwensi nu kutemwa kwakwe Klistu Yesu.

Filipi 1:8 Referans Kwoze

Filipi 4:1

Caleka, mwe inane nupya akundwe yane, nkulondesya ku mulola. Endi, lolini vino mukanzanzya, na vino nemo nkaitumika pamulandu winu. Nkumupapata kuti muye azyansye mu Mwene.

Loma 1:9

Leza ali kambone wane, wino nkatumikila nu mwenzo wane onsi pa kukosola Ilandwe Lisuma lya Mwana wakwe. Leza amanyile vino nkamutaka manda onsi mu mapepo yane.

2 Timoti 1:4

Nemo nkaiusya kulila kwako, nupya nkulondesya kukulola pakuti nzangisye.

1 Tesalonika 2:8

Pamulandu wa kumutemwa kuno twamutemwa, swemo twaiteinye kumusakamala, cakuti twalondesyanga kupeela maumi itu kunomuli lilyo lino twakosozile Ilandwe Lisuma kunomuli. Mwemo mwali akundwe cuze kunotuli.

Loma 9:1

Nene wakwe Klistu, nkuvwanga cumi, nupya nsikutumpoka. Na kampingu wane wino Mupasi Wamuzilo akatungulula ali kambone wane. Caleka nsikutumpoka apa kuvwanga ukuti,

Filimoni 1:12

Ndakai pakutuma Onesimasi kunuli candenga kuuvwa ulanda.

Yelemiya 31:20

“Uzye Efulemu ali mwanane umukundwe? Uzye wii ali mwanane wino natemwa? Pasi pano kwene nkamwiusya lyonsi sile, nkamukalipila. Ali cino lyonsi nkamuluuka mu mwenzo wane nu kumuyela uluse.” Ivyalanda ne Yawe.

Kolose 2:1

Nkulonda kuti mumanye kuomba kuno nkaombesya pamulandu winu na pamulandu wa antu yakwe Leza amu Lodesiya, nga na alondezi yauze yano atatala yandola.

Galatiya 4:19

Mwe ana yane akundwe! Nupya kwene, wa kuwaika kwa muumbuza, avino nani kwene nkuuvwa pamulandu winu, usuke mwata wakwe Klistu uye munomuli.

Galatiya 1:20

Vino nkulemba ivya cumi. Leza amanyile vino nemo nsyakutumpoka!

2 Kolinto 7:15

Acino Tito watemwisya mwensi kwene, maka maka ndi wiusya vino mwayelanga mazwi yakwe nga na vino mwazakazanga nu koopa lino mwamuzengile.

2 Kolinto 6:12

Asi sweswe twayala myenzo kuno muli. Lelo mwemwe mwayala myenzo inu kuno tuli.

Luka 1:78

Leza witu wakwatisya mizu. Alatutumila luswepo kufuma kwiyulu ululaengesa panotuli wa micalalazi yi lanzi katondo

Ezaya 63:15

Yawe sungala ulolekesye ukufuma ukwiyulu. Lolekesya pano nsi ukufuma ku cifulo cako calulumbi! Uzye ukutusakamala kwako, amaka yako, nu kulonda kwa mwenzo wako vyaya kwi? Ala utaezya ukutwilila!

Ezaya 16:11

Nemo umwenzo wane pasi pakuwaya, pamulandu wa mpanga ya Moabu, nemo nkulilila umusumba wa Kili Haleseti.

1 Yoane 3:17

Muntu ndi akweti cuma nupya walola mwina wakwe wataulilwa, lelo wakomya umwenzo nu kuntazwa mwina wakwe, uzye wene angavwanga uli ukuti watemwa Leza?

Filimoni 1:20

Caleka mwinane, nakupapata uncitile uwazwilizyo pamulandu wa Mwene. Wa mwina muli Klistu, wemo ulinzile kunsansamusya!

1 Tesalonika 2:5

Mumanyile ningo ukuti tutizile mukwezya kutumpika umuntu umwi. Leza umwisikulu amanyile ukuti vino twacisile vitali ivyakufikilizya lwiswa munotuli.

Kolose 3:12

Mwemwe antu yakwe Leza. Wene wamutemwa nupya wamusolwile kuti muye antu yakwe. Caleka mulinzile kuya na mizu, afuke, aluse, aicefya, amutembo nupya antu akateeka myenzo.

Filipi 2:26

Lelo ndakai akulondesya kulola mwemwe mwensi. Wene watasakamikwa pamulandu wakuti muvwa vino wali mulwale.

Filipi 2:1

Caleka ndi Klistu akumukomelezya, ndi nu kutemwa kwakwe kukamutekezya myenzo, ndi muli nu utandano wa Mupasi Wamuzilo, nga nu kusakamala nu kuya ni nkunkunsi na antu yauze,

2 Kolinto 13:9

Nanti angala tuli nu utonte, tuli ni nsansa pano mwemwe yakome, nupya tukupepa kuti muye afumaluke.

Yobo 16:19

Nga vino kuko ukupela akuno waya, we kambone wane. Akunuli kuko ukwiyulu we kavwangila wane.

Galatiya 3:26

Mwensi kwene mwemwe ana yakwe Leza pa kutaila muli Klistu Yesu.