Filipi 1:6 - Amazwi Yakwe Leza 2013

⁶ Nupya nkusininkizya ukuti Leza, wino uwatandike mulimo usuma uu munomuli, alautwalilila kufika lino alaumala pa Wanda wakwiza kwakwe Klistu Yesu.

Filipi 1:6 Referans Kwoze

Filipi 2:13

pano lyonsi Leza akaomba munomuli kuti mwalonda kuomba vivyo vingamuzanzya.

Efeso 4:12

Lyene antu yakwe yalasambilila kutumikila nga nu mwili wakwe Klistu nao ukomeleke.

1 Petulo 5:10

Lelo pacisila lino mwacula pa kasita kanono, Leza wa cikuku, wino wamwama muli Klistu kuti mukapokelele lulumbi lwape, umwisikulu alaleka muye afumaluke, nupya akomeleke wa mufula wa maka.

Masamu 138:8

Awewe we Yawe ulamalila umulimo wane onsi ndi muno walaila. Uluse lwako ulwa pe na pee. Utatazyela umulimo uno we mweneco watandike!

1 Kolinto 1:8

Leza alamusunga mu kukomeleka kufika nu kumpelelekezyo, pakuti mutakaye amulandu pa Wanda wa Mwene witu Yesu Klistu.

2 Tesalonika 1:11

Uli mulandu uno tukamupepela lyonsi. Swemo tukalenga Leza witu kuti amucite kuya alingane kwikala umi uno wene wamwamako. Lekini Leza mu maka yakwe yonsi, afikilizye kulonda kwinu kwakucita visuma nga nu kuti utailo uleke mucite vivyo.

Ayebulai 10:35

Lekini kuposya kwinu kutanenuka, pano kulamuletela cilambu cikulu.

Yoane 6:29

Yesu nawe aasuka ati, “Cino Leza akulonda kuti mucite, ukutaila muli wino watuma.”

Filipi 1:10

pakuti lyene mwamanya kusolola ivili visuma kuti mukazanwe asanguluke aula mulandu pa Wanda wa kwiza kwakwe Klistu.

Ayebulai 12:2

Lekini twike manso pali Yesu, wino utailo witu wimililapo kufuma kukutandika kufika nu ku mpela. Wene atanenwike pamulandu wa mfwa ya pa lupanda! Wene atelenginye cimwi pa kuzewana kwa mfwa ya pa lupanda, pamulandu wa luzango luno lwali nkolelo. Ndakai atenzi kwi kasa lilunji lya cilimba cakwe Leza.

1 Tesalonika 1:3

Pano tukaiusya kunena Leza Tata pa utailo winu nu mulimo uwa kutemwa nga na pa upaalilo winu ukome mu Mwene Yesu Klistu.

Filimoni 1:21

Nemo, lino nkulemba, nkusininkizya ukuti wemo ulacita vino nuzya kuti ucite, nupya manyile ukuti ulacita nu kuluta.

Filipi 1:29

nupya wene wamupeela isyuko lya kutumikila Klistu asi kukwata sile utailo munoli, lelo nu kumuculila.

2 Tesalonika 3:4

Mwene akatulenga kuntatwisika mwemwe. Mwemo mucili mukucita nupya mukatwalilila kucita vino tukamunena.

Kolose 2:12

Pano lino mwawatiziwe, mwazisilwe pamwi na Klistu, nga nu mu luwatizyo mwazyukwike pamwi na Klistu pamulandu wakutaila mu maka yakwe Leza, wino uwalenzile kuti Klistu azyukuke kufuma ku afwe.

2 Kolinto 7:16

Mu cumi nemo ndi nu luzango pa kumanya vino ningemelela muno muli.

Milimo 11:18

Lyene lino yuvwa vintu vii, yata kupazyanya nawe, lelo yati, “Lyene Leza watapela Akulukuwa isyuko lya kuzenzuka kuti yaye nu umi!”

Milimo 16:14

Wenga wamuli yao atuvwile wali a Lidya uwafumile ku Tiatila, kakazya wa nsalu zyakwe cikuwe. Wali umwanaci uwapepanga Leza, nu Mwene wayuzile amano yakwe kuti auvwe kuli vino Paulo wavwanganga.

Galatiya 5:10

Nemo mu Mwene ncili nkutaila vino mwemo mutalazumila lango lyuze ilipusane ni lyakwane. Lelo muntu akumuvulunganya alavunukwa na Leza.

2 Petulo 3:10

Lelo uwanda wa kuwela kwa Mwene uliza wa mwivi. Pa wanda ulya mayulu yalalowa ni congo cikulu nga moto ulasungulula nu konona vyamu mayulu nu konona insi na vyonsi vyayamo.

2 Kolinto 9:4

Pano antu yamwi aku Makedoniya ndi yangiza pamwi nani, nu kuzana ukuti musi aiteyanye. Cii cingatulenga insonyi pano twamupile mulimo uu kuti muombe. Lelo mwemo cingamulenga insonyi kuluta.

2 Kolinto 2:3

Cino nkulonda kuya nu luzango apamulandu wakuti namwe kwene muye nu luzango. Nalemvile kalata pano ntalondanga kumutandalila nu kundenga kuvwa ulanda, mucifulo cakuti mwemwe mulinzile kundenga kuya nu luzango.

2 Kolinto 1:15

Nasininkizye cuze pa cilumba cino mwakwata muno tuli cakuti nakweti pange lya kumutandalila nkolelo yakwe vyonsi. Mu musango uu, amuno mungapolelelwa naswe maila yaili.

Filipi 2:12

Caleka, mwe yakundwe yane, ndi vino mwayelanga nene lino nali pamwi namwe, lyene calondekwa ukuti ndakai lino nsi namwe mwayela kuluta. Twalililini kuomba mu coopo nu kuzakaza kuti mufikilizye ufyusi winu,

Filipi 2:16

lino mukuyanena mazwi yano yakapela umi. Ndi mwacita vivyo, lyene nemo ndailumba pamulandu winu pa Wanda uno Klistu alawela. Pano lyene ndamanya vino maka nu kuomba kwane kutali kwasilesile.