Ezila 9:1 - Amazwi Yakwe Leza 2013

¹ Pacisila lino vyonsi vii vyacitika, nga intunguluzi zimwi iziza kunondi iziti, “Aina Izlaeli pamwi na yasimapepo nga na ina Levi yataizilizye ku utwazi ni mitundu ya inamasi iyatuzinguluka. Iyi, imitundu ya ina Kenani, Hiti, Pelizi, Yebusi, Amoni, Moabu, Eguputo na ina Amoli. Yene yakucita ivyawinyi ndi vino ainamasi yonsi yakacita.

Ezila 9:1 Referans Kwoze

Neemiya 9:2

Fwandi yao atuntuka uku cikolwe cakwe Izlaeli yaipaatula aisikulu ku inamasi. Yimilila siki apakuti yaivwangile aineco apa maifyo yao nu utalami wao, nga ni nkota zya vikolwe vyao.

Kufuma 33:16

Ndi cakuti wewe wapita naswe, ali wensi amamanya ukuti ukazangila mu antu yako pamwi nani. Cii cilalanga ukuti twaiyela ku antu amu nsi, ndi wewe wapita naswe.”

Yelemiya 26:16

Intunguluzi pamwi na antu yonsi ali pakunena yasimapepo pamwi na yakasema yati, “Umuntu wii atalinzile ukufwa, pano watusundila umwi zina lyakwe Yawe Leza witu.”

Yelemiya 26:10

Walanga intunguluzi zya Ayuda zyuvwa umulandu, zyakalawike ukufuma kwi sano, nu mu ng'anda yakwe Yawe, yaya yikala ku wingililo, apa mpongolo ipya ya Ng'anda ikulu yakwe Yawe.

Ezaya 52:11

Pitangini, pitangini, fumini mu Babiloni! Mutezya muleme vyamankowezya mwe muno mukusenda iviya vyamuzilo vyakwe Yawe fumini mwenemo muisangulule.

Masamu 106:35

lelo yamatwalana sile na inamasi yakopola ni micitile yao.

Neemiya 4:3

Nga alino Tobiya umwina Amoni, wino wali umupipi nawe, avwanga ati, “Lekini yakuule, tuyalozye! Pano kwene ndi cakuti nkusa wimilile api linga lino yakukuula, lingaongoloka sile!”

Ezila 10:8

Yalanda yati, “Ali wensi wino waposiwa ukufika umu manda yatatu, ale wene alapokololwa ivintu vyonsi vino wakwata, ukulingana nu upinguzi wa ntunguluzi na ikolo, nga aliwe kwene yalamusukula mwi umba lyakwe yayo aweluluka ukufuma ku uzya.”

2 Milandu 33:2

Umu kukonkelezya ivicitwa vya mitundu ino Yawe wazinzile umu mpanga apakuti antu yakwe yikale mwenemo, icalenzile Manase ukwifya kuli Yawe.

1 Yamwene 11:1

Umwene Solomoni watemilwe anaci avule ainamasi ukulunda pa mwana umwanaci wakwe Falao, na anaci aina Moabu, na ina Amoni, na ina Edomu, na ina Sidoni nga na ina Hiti.

Malango 18:9

“Lino mulingila mu mpanga ino Yawe Leza winu akupeela kunomuli, mutaca mulondele vicitwa vyawinyi vino antu amu nko zizi yakacita.

Mpendwa 23:9

Kwene nga nafindamila mu lwema ulutali nkuyalola. Nkuyalola ukufuma pa myamba papela. Yene uluko luno lwikala longa ntalwentalwe. Yene yamanyile vino yapolelelwa ukuluta inko zyuze izyasyala.

Aina Levi 18:3

Mutalondela micitile ya ina Eguputo kuno mwatenzi, nanti micitile ya ina Kenani, ku mpanga ino nkumutwalako ndakai.

Kufuma 23:23

“Mungeli wane alakolela ku nkolelo inu, nupya alamutungulula ku mpanga ya ina Amoli, aina Hiti, aina Pelizi, aina Kenani, aina Hivi nga na Yebusi, nupya ndayonona yonsi.

Kufuma 13:5

Yawe umwisikulu walavile nu mulapo ku vikolwe vinu kumupeela impanga ya ina Kenani, Hiti, Amoli, Hivi, nga na aina Yebusi. Lino alamwingizya mu mpanga ilya ya ukama nupya ivunde, mulinzile kuzevya cimulo ci mu mwezi wakutandika cila mwaka.

Utandiko 15:16

Palapita mikulo ini lino amu mupanda wako yalaweluluka kuno mpanga, pano lyene ukwifya kwa ina Amoli ala kwafika pa kuyavunuka.”

Neemiya 4:7

Lelo lino Sanibalati, Tobiya, Alungwana, aina Amoni na ina Asyidodi yuvwa ukuti umulimo wakukuula ilinga waya apankolelo, nu kuti imbali zyonsi zyaongolwilwe zyatizikuulululwa iyasoka wakwe cimwi.

Neemiya 13:23

Pa nsita kwene iyo nga ndola aikazi yaku Yuda yayo atwite anaci aku Asyidodi, nu ku Amoni nga nu ku Moabu.

Malaki 2:11

Antu aku Yuda yasi acumi kuli Leza nupya yacita ivintu iviipe wakwe cimwi mu Izlaeli nu mu Yelusalemu kwene. Yene yakowezya Ng'anda ikulu yakwe Yawe ino wene watemwa. Yene yatwala anaci ainamasi akapepa tuleza tuluwi.

Mpendwa 25:6

Alino ikwiza umuntu umwi uwamu ina Izlaeli. Aleta umwanaci umwi umwina Midyani. Amuleta pa manso kwene yakwe Mose ni uvi lyonsi lya ina Izlaeli, lilyo ilyalilanga ulanda ulanda pa mulyango wi Taalu lya Ukongano.

Malango 7:1

“Yawe Leza winu alamutwala mu mpanga ino mulapoka nu kwikala mwenemo, nga wene alazinga mwenemo inko zivule. Lino mukuya pa nkolelo, wene alazinga mwenemo inko cinimbali izikulu nupya izya maka ukuluta mwemwe. Inko zii izya ina Hiti, na ina Giligasi, na ina Amoli, na ina Kenani, na ina Pelizi na ina Hivi, nga na ina Yebusi.

Malango 23:8

Ana yao, alavyalwa ukufuma na pa mukulo wakwe citatu yene mungayapendela mu antu yakwe Yawe.

Yoswa 23:12

Lelo ndi cakuti mwata ukumuyela mwatandika ukuvwana na antu amu mitundu iyo iyasyala apakasi kinu, nu kutwalana nayo nga nu kutowenkana nayo,

2 Milandu 8:7

Antu yonsi yano yasile apa ina Hiti na ina Amoli na Pelizi na ina Hivi na ina Yebusi, aatali aina Izlaeli inkonko,

Ezila 10:2

Lyene Syekaniya umwana umonsi wakwe Yeeiyeli, wenga uwamu mupanda wakwe Elamu anena Ezila ati, “Tusi acumi kuli Leza apakutwala anaci ainamasi amu antu atuzingulwike. Lelo nanti cingaya vivyo, aina Izlaeli yacikweti upaalilo.