Ezila 4:12 - Amazwi Yakwe Leza 2013

¹² “Musambazi tukulonda tukumanyisye ukuti Ayuda aiza ikala kuno ukufuma umu mpanga zyako zyuze, yatiyiza ikala muno Yelusalemu, nu kutandika nupya uku kuula cipya cipya umusumba utalami uwamuselu. Yatiyatandika nu kwimika iviumba, umufula wene yatiyamala nu kumala.

Ezila 4:12 Referans Kwoze

Ezila 5:9

“Lyene ituzya akalamba yao tuti ‘Uzye aweni watamupeela insambu ya kukuululula Ng'anda ii ikulu yakwe Leza kuti iye vino yali inkolelo?’

Ezila 5:3

Pa nsita ilya Tatenai, umulasi wa muputule wa mpanga uku mbalama ya luzi lwa Yufulate, nga na Syetali Bozenai na aomvi yauze iyaya kunoyali nga iyayuzya yati, “Uzye aweni uwamupeela insambu zya kukuula Ng'anda ii ikulu yakwe Leza nu kumalila vino yali?”

2 Milandu 36:13

Zedekiya wasangukile umwene Nebukadineza nanti walavile apa manso yakwe Leza ukuti alamuombela nu kumuyela. Wene wakanyile sana ukuswilila kukutontela Leza, wa ina Izlaeli.

1 Tesalonika 5:22

leukini viipe vya misango yonsi.

Milimo 24:5

Twazana ukuti umuntu wii umutalinkane cuze. Akatandika kucita mpanzela mu Ayuda amu nsi yonsi nupya wene intunguluzi ya kaungwe ka ina Nazaleti.

Luka 13:34

“Mwe antu amu Yelusalemu, Yelusalemu! Mwakoma yakasema nu kutama na mawe inkombe zino Leza watuma kunomuli. Amaila yanga yano nalondanga kumufukatila, wakwe vino nyinankoko akafukatila ana mu maapa yakwe, lelo mutanzumilizya!

Danieli 9:25

“We Danieli umanye nu kwiluka cii: Ukutandika apa nsita ino ilamulo lyapilwe ilya kukuula Yelusalemu cipya cipya mpaka ukufika nalino Musololwe Wilya aliza, palapita imyaka cinimbali amaila cinimbali. Umusumba wa Yelusalemu ulakuulwa cipya cipya nupya ulaya ni miseo nga namalinga akome, apa myaka cinimbali amaila amakumi mutanda na iili. Lelo insita iyo ilaya insita ya ntazi.

Yelemiya 52:3

Caleka Yawe wasokile antu amu Yelusalemu nu mu Yuda cakuti wayainzile kulolekela ku cinso cakwe.

Neemiya 1:3

Nayo yangasuka iyati, “Antu yayo asile pasi pakucula alino ni nsonyi. Iciumba icazinguluka Yelusalemu cawa nu kononeka, alino ni mpongolo zyakweo nazyo zyapya zyonsi pyu!”

Ezila 4:19

Napile ilamulo lyakulondelezya apamulandu kwene uu, nga cazanwa ukuti icumi kwene umusumba uo ukufuma sile nampiti ukasangukila uteko, ni vicitwa iviipe vikacitikila kuko kwene.

Ezila 4:15

pakuti yalondelezye umu mpapulo, yalole muno calembwa pa milimo ya vikolwe vitu. Mumazana ukuti umusumba uu, umusumba wa vicitwa iviipe, uwa utalami. Nupya lyonsi wayanga uwipe ku vicitwa vyakuli yamwene ya viputulwa vya mpanga. Nu musango wakusangukila uteko watandike uku mpiti sana, ku katalili sile. Icalenzile ukuti yawonone, yauongolole.

2 Yamwene 24:1

Lino Yeoyakimu wali apa wene, Nebukadineza umwene waku Babiloni, wazanzile impanga ya Yuda. Yeoyakimu ali pakutontela Mwene Nebukadineza apa myaka itatu, nu kwiza musangukila nupya.

2 Yamwene 18:20

Uzye ukwelenganya ukuti amazwi yatupu sile ali mano na maka angalwa inkondo? Aweni wino watailamo apakuti unsangukile? Na alakwazwa aweni apakulwa na ina Asilya?

Ezila 4:11

Amazwi ali muli kalata wiyo yali vii: “Uku musambazi Alitakisesi. Amazwi yakufuma ku yaomvi yako, aikala uku mbalama ya luzi lwa Yufulate.

Esita 3:8

Lyene Hamani anena umwene Aasuwelo ati, “Umu antu ni mitundu ino ukateeka, mwaya mwenemo umutundu onga uno wasasantika monsi monsi umu mpanga yako yonsi. Umutundu uo wene waipaatula nu kukana londela masunde yako yano ukupeela uku antu yako. Amasunde yao yene yapusana na masunde ya antu amu mpanga ino wemo ukateeka. Caleka fwandi musambazi, ntanzi ndi cakuti wemo ungayazumilizya.

Danieli 3:8

Apa nsita kwene ilya aina Babiloni yamwi yiza inkolelo nu kupeela Ayuda umulandu.

Neemiya 6:6

Mwalemvilwe amazwi yaa: “Umu mitundu yonsi mwatimusalangana amazwi yakwe Gesyemu akuti wewe pamwi na Ayuda mwatimupanga ukunsangukila. Ali cino watukuululula ilinga apakuti nawe uce uye umwene.