Ezila 3:5 - Amazwi Yakwe Leza 2013

⁵ Alino ukulunda pa mpolelwa kwene zyakoca cila wanda, yapeelanga na pa manda yaya atantikwa insita zyonsi, ku ndoleko ya mwezi, alino na mawila apa manda akulu yonsi asontwe nga na yano yapeelanga kuli Yawe uku kuitemelwa kwao.

Ezila 3:5 Referans Kwoze

Mpendwa 29:39

“Vivyo ali vyeo vino muli nu kulondela pa kupeela amawila kuli Yawe mu manda inu yonsi a vimulo vyakuzevya. Vii, ali vya kulunda pa mawila inu akufikilizya ulayo uwakuzanzya Yawe, alino na pa mawila yakoca pamwi na mawila ya cakulya na a vyakumwa, nga na pa mawila autandano.”

Malango 12:17

Monsi muno mulaikala mutaca mwatola nu kulya icikumi ca pa mbezu zinu, nanti waini, nanti amafuta ya miolivi, nanti iyeli lya ng'ombe nanti imfwele zinu, nanti uwila uli onsi uno mwalaya ukupeela kuli Yawe, nanti uwakuitemelwa kwene.

Malango 12:6

Ali pano mulamupeelela amawila inu akoca ni mpolelwa zyuze, ivikumi na mawila, amawila yano mwalaya ukupeela kuli Yawe, alino na mawila akuitemelwa mweisikulu, kumwi na mayeli ya ng'ombe ni mfwele zinu.

Mpendwa 29:13

Muli nu kupeela uwila wakocela Yawe, uwa mununko usuma ukazanzya Yawe. Vili nu kuya tucipambasi ikumi na tutatu, yasuuku yaili nu twana twa mfwele utwa mwaka onga nato ikumi na tuni, ututakweti ulema nanti aumwi.

Mpendwa 29:8

Nupya muli nu kupeela kuli Yawe uwila wakoca, uwa mununko usuma ukazanzya Yawe. Muli nu kupeela kacipambasi konga, alino na suuku wenga, alino nu twana cinimbali utwa mfwele utwa mwaka onga, nupya ututakweti ulema nanti umwi.

Mpendwa 29:2

Muli nu kupeela pa wanda uwo uwila wakoca, uwa mununko usuma ukazanzya Yawe. Vii, vili nu kuya kacipambasi konga, na suuku wenga, nu twana cinimbali utwa mfwele utwa mwaka onga tuno tutakweti ulema nanti umwi.

Mpendwa 28:27

Uwila wakoca wene muli nu kupeela kuli Yawe, uwa mununko usuma ukazanzya Yawe. Pakupeela, mupeele tucipambasi twiili, na suuku wenga, nu twana cinimbali utwa mfwele utwa mwaka onga, tuno tutakweti ulema nanti umwi. Uwila uu uwa mununko usuma ukazanzya Yawe.

Mpendwa 28:19

Yapele kuli Yawe uwila wakoca. Yapele tucipambasi twiili, suuku wenga nu twana cinimbali utwa mfwele, utwa mwaka onga nupya utusi nu ulema nanti umwi.

Mpendwa 28:14

Papela yakwe cila cipambasi, muce mwalunda penepo uwila wa vyakumwa ukulingana icipimo ca malita yasano, pali suuku nawe amalita yatatu, alino pali cila kana ka mfwele napo amalita yaili. Fwandi uwo nayo uli wila wakwe cila mwezi uwakoca nu kupeela pali cila ndoleko ya mwezi mu mwaka.

Aina Levi 1:3

“‘Muntu ndi cakuti akupeela uwila wakoca, apeele cipambasi wa ng'ombe uwaula ulema. Apeelele pa mulyango wi Taalu lya Ukongano pakuti Yawe apokelele uwila uwo.

Ezila 3:6

Ukutandika apa wanda kwene uwakutandika umwezi uwalenga cinimbali, yatandike ukupeela amawila yakoca kuli Yawe, nanti angala umufula wa Ng'anda ikulu yakwe Leza walanga utacili wimbwe.

Yelemiya 33:18

Nupya insita ili yonsi, kulaya lyonsi yasimapepo aina Levi akwimilila apa mulola wane, nu kuntuula amawila yakoca yakwe wiyo umusuma, nga ni mituulo ya vilyo pamwi na mawila yauze asyala.”

Aina Levi 1:2

“Nena aina Izlaeli uti, ‘Lino umuntu ali wensi akuleta amawila kuli Yawe, wene alinzile ukuleta ing'ombe nanti imfwele nanti imbuzi.

Aina Levi 23:2

“Nena aina Izlaeli uti, ‘Manda akuzevya yano nasolola akucindika Yawe, yano mulinzile kumanyisya kuti yaye amaukongano yamuzilo, amanda yakuzevya yano Nene nasolola aeya:

2 Milandu 31:14

Kole, umwana umonsi wakwe Imuna umwina Levi wino wali a kalinda mukalamba wapa mpongolo yaku ufumondaka wa Ng'anda ikulu yakwe Leza, uwapilwe umulimo wakupokelela amawila yano yapeelwa mukuitemelwa kuli Yawe, nga nakuti aliwe aankanya ningo amawila kwene yayo.

Neemiya 10:34

Swe yasimapepo, aina Levi alino na antu sile, tulapendola kuti tusolole inko izyakutiiya inkwi nu kuleta uku Ng'anda ikulu yakwe Leza witu pa nsita isontwe cila mwaka, kuti yaocela impolelwa pa kavuwa kakwe Yawe Leza witu ndi vino calembwa mu mpapulo zya Masunde.