Ezila 3:10 - Amazwi Yakwe Leza 2013

¹⁰ Walanga yakakuula yamala uku kuula umufula wa Ng'anda ikulu yakwe Leza, yasimapepo nayo pali pakwiza, ale yatiyazwala insalu zyamutengo zya usimapepo izisuma. Yasenzile ni ntandala yakulizya. Aina Levi (ana aonsi yakwe Asafu) yene ala yali ni viwaya yakulumbanya Yawe, wakwe vino Davidi mwene wa ina Izlaeli wayatantikile.

Ezila 3:10 Referans Kwoze

Zakaliya 4:10

Umu cumi, antu yasikusansamuka pakulola vino Zelubabeli akwangalila umulimo wa kunkuulila Ng'anda yane ikulu.” Umungeli wanenyile ati, “Inyali ali manso cinimbali yakwe Yawe yano akalolelako insi yonsi.”

2 Milandu 35:15

Yakiimba ya nyimbo amu mupanda wakwe Asafu nayo yali umu cifulo cao ukulingana na mazwi ya utunguluzi yakwe Davidi, Asafu, Hemani na Yedutuni kasema wa mwene. Yakalinda yapa mpongolo yano yali pali cila mpongolo citalondekwanga kuti yasye pano yisilwe, pamulandu wakuti aina Levi yauze yayateyanyizizye vyonsi.

1 Milandu 23:5

antu 4,000 yalinzile ukuya yakalinda yapa mpongolo, nga antu yauze 4,000 yalinzile ukulumbanya Yawe ni vyakulizizyako inyimbo vino nayapeela.”

1 Milandu 16:42

Hemani na Yedutuni yapilwe umulimo wa kulizya intandala ni visekese nga nu kulizya ivintu vyuze mu nyimbo zyamuzilo. Ana aonsi yakwe Yedutuni yapilwe umulimo wa kulinda apa mpongolo.

1 Milandu 16:37

Lyene Davidi asya Asafu na aomvi yauze pa ncende apali Mbokosi ya Upangano yakwe Yawe, kuti lyonsi yatumikila kweneko, ukulingana ni vyalondekwanga ukucita cila wanda.

1 Milandu 15:27

Davidi wazwite umwingila uswepulukile, ndi vino aina Levi yonsi asenzile Mbokosi ya Upangano yazwite, na yakiimba yonsi, pamwi na Kenaniya, kangalila wa ng'omba. Davidi wazwite ni cakuzwala ca efodi icapangilwa ku nsalu itelepelele.

1 Milandu 15:24

Syebaniya, Yosafati, Netaneli, Amasai, Zakaliya, Benaya na Elieza yasimapepo aliyo yalingine ukulizya intandala inkolelo ya Mbokosi ya Upangano yakwe Leza. Obedi Edomu na Yeaya nayo kwene yalindanga Mbokosi ya Upangano ilya.

1 Samueli 22:18

Lyene umwene wilya apeela ilamulo kuli Doegi ati, “Senuka nu kukoma yasimapepo.” Acino Doegi umwina Edomu asenuka nu kukoma yasimapepo. Nu wanda ulya kwene wene wakomile aonsi amakumi cinani na yasano, yao azwalanga cakuzwala ca efodi icapangilwa ni nsalu itelepelele.

Ezila 5:16

Avino Syesyibaza wizile akuula imifula ya Ng'anda yakwe Leza umu Yelusalemu. Ukufuma pa wanda ulya ukufika ni lelo kwene ng'anda icili ikukuulwa lelo itacili isile.

Masamu 150:5

Mulumbanyini umu visekese apa maka, mulumbanyini umu kulizisya visekese.

Hagai 2:15

“Lyene mutale mwelenganye ivyali nu kuyacitikila lino yatatala yatandika ukukula Ng'anda ikulu yakwe Leza.

Zakaliya 4:6

Acino umungeli wilya anena amazwi yakwe Yawe Wamaka yonsi kuli Zelubabeli akuti, “Ivilacitika, asi ku maka ya vita ukulalenga vicitike, nanti asi ku maka yako foo, lelo vilacitika sile ku maka ya Mupasi wane.

Zakaliya 4:7

“Nanti pace paye intazi uli, nemo ndalenga ukuti ukacimvye. Awewe ulankuulila cipya cipya Ng'anda yane ikulu, awewe nupya ulika ni iwe ilyapa nsonsi, lilyo na antu yalapunda yati, ‘Eya, kalukuwala! Kalukuwala!’ ”

Zakaliya 6:12

Ukamunene ukuti ne Yawe Wamaka yonsi navwanga nati, ‘Umuntu wino akaamwa ukuti umusambo, wakulilila papo kwene pano ali, nga nu kukuulila Yawe Ng'anda ikulu cipya cipya.

Zakaliya 7:3

Yaile ku kuyauzya yasimapepo na yakasema yati, “Uzye tumatwalilila sile ukulosya pamulandu wakononwa kwa Ng'anda ikulu yakwe Yawe nu kuizilizya ukulya mu mwezi wakwe cisano ndi muno tukacitila pa myaka ivule ndi vii?”

1 Milandu 25:25

Ukwalenga ikumi na cinani ikulema Hanani pamwi na ana yakwe aonsi nga na akazi kakwe. Yonsi pamwi yali 12.

2 Milandu 5:12

Alino aina Levi yonsi ali yakiimba ya nyimbo, ivili wakwe Asafu, Hemani na Yedutuni pamwi na ana yao aonsi na akazi kao apano yali. Alanga yatiyazwala ni nsalu izitelepelele, ala yimilile lwaku ufumondaka wa kavuwa, yakulizya iviwaya, na yababatoni na yabanjo. Ala yali pamwi na yasimapepo 120 yakulizya ni ntandala.

2 Milandu 35:14

Pacisila cakwe vivyo vyonsi, aina Levi ali pakuiteyanyizizya nga yateyanyizizya na yasimapepo kwene, pamulandu wakuti yasimapepo, amu mupanda wakwe Aloni, yaomvile usiku onsi ale yakupeela impolelwa zya mawila yakoca ni viputulwa vya mafuta. Avili vino aina Levi yaiteyanyizizye aisikulu nga yateyanyizizya na yasimapepo ana yakwe Aloni.

Ezila 2:41

Yakiimba ya nyimbo: amu mupanda wakwe Asafu yali umwanda onga,amakumi yaili na cinani (128).