Ezekelo 8:12 - Amazwi Yakwe Leza 2013

¹² Leza ali pakunguzya ati, “We mwana wa muntu, uzye wailolela ivikacita akalamba ya ina Izlaeli, umu kanda, cila muntu umu muputule wakwe umu viluwi vilengwe? Ala yakuti, ‘Yawe atange atulole, Yawe watazyela impanga.’ ”

Ezekelo 8:12 Referans Kwoze

Ezaya 29:15

Kalanda ku antu yano yakaezya ukufisa Yawe amapange yao! Vino yene yakapanga ukucita, yakavicitila umu umfisolo nu kwelenganya yakaelenganya ukuti kusi nanti wenga akuyalola nanti ukumanya vino yakucita.

Ezekelo 9:9

Leza nawe anjasuuka ati, “Aina Izlaeli na Ayuda yakwata umulandu, pano yene yaifya wakwe cimwi. Yakomola antu konsi pyu mu mpanga ii, nupya nu mu musumba kwene uu mwazula tupu uyi. Yene yakalukuti, ‘Leza wafumyako amano ku mpanga itu. Yawe asikulola foo.’

Ezekelo 8:15

Nupya Yawe anena ati, “Uzye walola cii, we mwana wa muntu? Ala lyene wasya ulole ni vicitwa vyakuzunguka ukuluta pali vii.”

Efeso 5:12

Nupya cili ica nsonyi cuze ukulanda pali vino antu yaa yakacita mu nkama.

Masamu 10:11

Umwipe akaelenganya umu mwenzo ati, “Leza atasakamile! Watazyata amanso nga atangatale andole!”

Ezekelo 20:1

Mu mwaka walenga cinimbali, pa wanda walenga ikumi mu mwezi wakwe cisano, intunguluzi zimwi zya ina Izlaeli zizile zinguzya ukulonda kwakwe Yawe, zikala na pankolelo yakwe nene ne Ezekelo.

Ezekelo 14:1

Yamwi mu ntunguluzi zya ina Izlaeli iiza kunondi nga yikala pansi uku nkolelo yane.

Ezekelo 8:17

Yawe anena ati, “We mwana wa muntu, uzye walola vimisango vii? Ala antu yaa Ayuda, yatalata ukucita ivintu vii vyonsi vyawinyi vino walola muno. Ayano yalenga nu kuti kuye impanzela mu mpanga ino yonsi. Alenzile nu kuti icipyu cane cicile penepo. Watuilolela we mwisikulu vino yakunsaalula mu misango yonsi ino yakunsaalwilamo.

Ezekelo 8:11

Apa nkolelo yakwevyo, paimi aonsi acikalamba amakumi cinimbali, ang'anda yakwe Izlaeli. Na muli yayo, mwali Yazaniya umwana umonsi wakwe Syafani. Cila wenga wali ni cifutikilo mu minwe yakwe, ala nu mununko usuma wa ubani ukukwela umupela.

Masamu 73:11

Yene yakavwanga iyati, “Awi see, Leza atange amanye, Leza mukulu atange ailuke!”

Masamu 14:1

Iciwelewele umu mwenzo wakweco cikati, “Leza kutaya.” Yene yafuma umu nzila, ni vicitwa vyao ivyansonyi. Kusi muntu nanti wenga akacita visuma.

Ezaya 47:10

“Wemo utakwatanga insonyi apa kwifya, pano welenganyanga ukuti kusi nanti wenga wino akukulola. Amano yako nu ucenjezi wako vyakupumbozile, nga uivwanzya umu mwenzo uti, ‘Anene nenga mpo, kutaya namuze wakwe nene, awe.’

Ezekelo 8:13

Anena ati, “Wasya ulole ivintu navyuze ivisi namicitile, vino yakacita ivilusilepo napali vii.”

Zefaniya 1:12

Apa nsita iyo ndatoola ulukozyo ince nje mukunengula umusumba wa Yelusalemu. Ndavunuka antu atasakamalapo nanti cimwi, akaikala mu musango uno aeneco yakulondelamo, yao akaelenganya iyati, ‘Awe Leza atalacitapo icintu nanti cimwi, icisuma nanti iciipe kwene.’

Malango 27:15

“ ‘Katipwe kuli Leza umuntu wino akaipangila akaluwi ka mawe, nanti aka miti nanti akacela, pakuti wene akano apepa mu umfisolo. Yawe wapata ukupepa utuluwi.’ “Lyene antu yonsi yalande yati, ‘Ee mukwai! Kaciye vivyo kwene!’

2 Yamwene 17:9

Aina Izlaeli yacitanga ivintu vino Yawe Leza wao asilonda. Iyakuula utuvwa twakupepela nu kutuulila tuleza tuluwi umu misumba yao yonsi, ukutandika sile ku kamuzi akanono ukufika sile nu ku musumba ukalamba.