Ezekelo 8:11 - Amazwi Yakwe Leza 2013

¹¹ Apa nkolelo yakwevyo, paimi aonsi acikalamba amakumi cinimbali, ang'anda yakwe Izlaeli. Na muli yayo, mwali Yazaniya umwana umonsi wakwe Syafani. Cila wenga wali ni cifutikilo mu minwe yakwe, ala nu mununko usuma wa ubani ukukwela umupela.

Ezekelo 8:11 Referans Kwoze

Mpendwa 16:35

Alino Yawe aponya umoto pa antu 250, yao apeelanga ubani, nga iuyoca mpaka iyasila.

Mpendwa 16:17

Cila wenga munomuli ali nu kutoola icifutikilo, aikepo nu ubani nga lyene aupeele pa kavuwa.”

Mpendwa 11:16

Yawe anena Mose ati, “Konganika aikolo amakumi cinimbali ya ina Izlaeli, yao yano wamanya ukuti intunguluzi zicindame nupya inkombe pa antu yao. Uyalete ukwi Taalu lya Ukongano alino yimilile pamwi nawe.

Yelemiya 19:1

Yawe wanenyile ukuti inje nkakale umusazi onga. Anena nu kusenda penepo yacilolo yamwi akalamba na yasimapepo yamwi akalamba.

Mpendwa 11:25

Alino Yawe nawe aika umwi kumbi nu kulanda nawe. Ali pakutoola ku mupasi uwali pali Mose, nu kuwika pa ikolo yayo amakumi cinimbali. Lyene lino mupasi wikala panoyali, iyasema. Lelo yatatwalilile pa nsita ntali.

Kufuma 24:1

Pacisila lino Yawe wamala ukupeela amasunde ku ina Izlaeli anena Mose ati, “Iza, kwela mwamba kunondi, wize na Aloni, Nadabu Abiu nga na aikolo ya ntunguluzi zya ina Izlaeli amakumi cinimbali. Lino mucili katalamukila, mufukame pansi mumpepe.

Danieli 9:8

We Mwene, ala sweswe kumwi na yamwene itu, na yakateeka itu nga ni vikolwe vitu twaipupanya pamulandu wakuti twifya kunuli.

Yelemiya 36:10

Alino Baluki nawe ayawelengela amazwi yano yali mu kalupapulo, yano Yelemiya wamunenyile. Lilyo ala antu yonsi yakukutikila kuli Baluki. Apa kuwelenga Baluki wali mu Ng'anda ikulu yakwe Leza, mu muputule wakwe Gemaliya umwana wakwe Syafani kalemba wakwi sano. Umuputule wakwe, wayelile mu musolo wa papela, apa wingililo wa Mpongolo ya Ng'anda ikulu yakwe Leza, muno antu yonsi yanguvwa ningo.

Yelemiya 29:3

Yano napiile kalata wii kuti yamusende a Elasa umwana wakwe Syafani na Gemaliya umwana wakwe Hilikiya, yano Zedekiya umwene waku Yuda watumile uku Babiloni kuli Nebukadineza, umwene waku Babiloni. Amazwi yano yali muli kalata yali ndi vii.

Yelemiya 26:24

Lelo pano nasyukile kavwangila, Aiikamu umwana wakwe Syefani, acino yatansumvile mu makasa ya antu pakuti yankome.

Yelemiya 7:9

Mwemo mwatemwa ukwiya, ukukoma antu, ukucita uzelele, ukulapa imilapo ya ufi, ukocela Baali ubani, nu kupepa tuleza tuuze tuno mutamanyile mpiti.

Yelemiya 5:5

Acino namaya ku ntunguluzi kuti nkazilandile. Cumi kwene zyene zimanyile inzila zyakwe Yawe, na vino wene akalonda kuti zyacita.’ ”

2 Milandu 34:20

Alino apeela ilamulo kuli Hilikiya, Aiikamu umwana umonsi wakwe Syafani, Abadoni umwana umonsi wakwe Mika, na Syafani uwali a kalemba, alino na Asaiya cilolo mukalamba ati,

2 Milandu 26:19

Walanga Uziya aimi mu Ng'anda ikulu yakwe Leza apipi na kavuwa ka kocelapo ubani, nu mu minwe yakwe ala alemile icifutikilo, nga asokela sana yasimapepo. Papo kwene aiukila sile waponelwa ni ndwala yakwe tembwe apa usyu.

2 Milandu 26:16

Lelo lino Uziya waya na maka wakwe cimwi, atandika kuvwa icilumba nga cico icamupulumwisye. Wene atali uwacumi kuli Yawe Leza wakwe. Acino waile umu Ng'anda ikulu yakwe Yawe ku koca ubani pa kavuwa kakocelapo ubani.

2 Yamwene 25:22

Nebukadineza umwene waku Babiloni uwasonsile Gedaliya umwana wakwe Aiikamu, nupya umwizikulu wakwe Syafani, kuti aye umulasi waku Yuda, apakuti asunga antu yano yasiile ukwaula kusendwa uku Babiloni.

2 Yamwene 22:14

Alino simapepo Hilikiya pamwi na Aiikamu, Akiboli, Syafani na Asaiya iyaya yuzya Hulida, kasema wilya umwanaci, uwali umuci wakwe Syalumu umwana wakwe Tikiva, umwana umonsi wakwe Haliasi. Syalumu kwene wali ali kasunga wa vyakuzwala vyakwe yasimapepo ivyali umu Ng'anda ikulu yakwe Yawe. Antu yayo fwandi ali pakulandila Hulida umulandu. Umwanaci wi wikalanga umu Yelusalemu, mwi pamba lyakwe ciili.

2 Yamwene 22:12

Alino apeela ilamulo kuli simapepo Hilikiya, na Aiikamu umwana wakwe Syafani, na Akiboli umwana umonsi wakwe Mikaya, na Syafani kalemba, na Asaiya kalinda wa mwene ati,

2 Yamwene 22:8

Mukwai Syafani kalemba ali pakuyanena Hilikiya amazwi afumile ku mwene Yosiya. Hilikiya nawe anena Syafani ati, “Nemo ninzana ulupapulo lwa masunde muno kwene mu Ng'anda ikulu yakwe Yawe.” Alino Hilikiya atoola ulupapulo lulu nga alupeela kuli Syafani nga nawe awelenga nu kuwelenga.

2 Yamwene 22:3

Mu mwaka walenga ikumi na cinani, uwakuteeka kwakwe, umwene Yosiya atuma kalemba, Syafani umwana wakwe Azaliya, umwana wakwe Mesyulamu, uku Ng'anda ikulu yakwe Yawe. Amunena ati,

Kufuma 24:9

Lyene Mose, Aloni, Nadabu, Abiu, nga na aikolo ya ina Izlaeli amakumi cinimbali yakwela mwamba,

Luka 10:1

Pacisila cakwe cii, Mwene wasolwile antu nayauze makumi cinimbali na yaili, nu kuyatuma yaili yaili, kuti yamukolelele ku misumba nu ku mpanga yonsi kuno umwisikulu wali pipi nu kuyako.

Mpendwa 7:50

Alino ni mbale yonga yakwe zaabu ino tungati yanyomile kota wenga wakwe kilogalamu, umwali ubani, ukulingana ni cipimilo caku Ng'anda ikulu yakwe Leza.

Ezaya 44:13

Kapala wa mbao nawe akapima imbao. Alino asila ivisilwa uku cilembelo. Lyene atandika ukuwaza ni viombelo vyakwe ukulondela muno walasizile ivisilwa. Asuka awaza akaluwi akakolanya ku muntu nu kuyemba kwakwe ukwa kulingana ukwikala mu ng'anda yakwe ya mapepo.

Yelemiya 44:21

“Apa ubani uno mocelanga umu misumba yamu Yuda nu mu miseo yamu Yelusalemu, mwemwe pamwi ni vikolwe vinu, yamwene inu, intunguluzi zinu na antu amu mpanga, uzye mwemo mukwelenganya ukuti Yawe atamanyilepo cimwi, nanti mukuti wene wilila kweneko vwilini?

Yelemiya 52:27

Nu mwene waku Babiloni ayakoma kuku kwene ku Libula umu mpanga ya Hamati. Avino Ayuda yasenzilwe ku mpanga yakutali ukufuma ku mpanga yakumwao.

Ezekelo 8:10

Nani ali pakwingilamo, nailolela nenga, apa viumba palenzilwepo monsi pyu ukuzinguluka, imisango ni misango iya unkolanya wa vintu ivikasela nu wa nyama zya mifitalila, nga nu tuluwi tonsi utwa ng'anda yakwe Izlaeli.

Ezekelo 20:1

Mu mwaka walenga cinimbali, pa wanda walenga ikumi mu mwezi wakwe cisano, intunguluzi zimwi zya ina Izlaeli zizile zinguzya ukulonda kwakwe Yawe, zikala na pankolelo yakwe nene ne Ezekelo.

Yelemiya 19:4

Ndacita cico pamulandu wakuti antu yane yantazyela nu kukowezya incende ii pakupeela penepo impolelwa kuli tuleza tuze tuto tuno yene nanti vikolwe vyao nanti yamwene amu Yuda yatamanyilepo nanti cimwi. Yene yazuzya uwazi wa antu akaele umu ncende ii.

Yelemiya 26:22

Nga alino umwene Yeoyakimu atuma Elinatani pamwi na Akiboli na antu yauze ku Eguputo.

Ezekelo 9:6

Mukome yonsi, akote, alumendo, akazyana, yanyina kumwi na ana yao kwene. Lelo yayo yonsi alalembwa icimanyililo pa mausyu yao, awe yene mutezya kuyakumya mwenemo. Tandikilini kuno kwene ku Ng'anda ikulu yakwe Leza.” Fwandi nayo ali pakutandikila pa ntunguluzi izyaimi ku Ng'anda ikulu yakwe Leza.