Ezekelo 6:6 - Amazwi Yakwe Leza 2013

⁶ Imisumba yonsi yamu Izlaeli ilasanguka vitalang'anda, ni ncende muno yakapepela utuluwi zilononeka, utuvuwa nato tulononeka kumwi nu tuluwi kwene. Tuvuwa twakocelapo ubani tulasandoka na vyonsi vino yapanga navyo vilononekelela kumwi.

Ezekelo 6:6 Referans Kwoze

Zakaliya 13:2

“Pa nsita kwene ilya ndalovya amazina ya tuluwi mu mpanga ilya, nga kutalaya nanti umwi alaiusya nupya. Na yakasema yaufi nayo ndayafumyamo, ndafumyapo nu mukonkelelo wakupepa utuluwi.

Mika 1:7

Utuluwi twakwe tonsi tulaputolwa mpaka tusyale utumpilinsya, nga na mawila ya ng'anda zyakwe zikulu zyonsi yalononwa ku moto. Ndatamola vyaunkolanya wakwe vyonsi. Wene wakolonginye amawila ukufuma ku malipilo yakwe yacizelele, caleka yauze yalayaomvya mu mulimo wakulipila yacizelele kuze.”

Ezekelo 5:14

Antu yonsi amitundu yakuzinguluka lino yakupita, yalakuwela sile.

Ezaya 6:11

Alino nani namuzya nati, “Ale lyene fwandi we Mwene, icintu cii cilapelela pi?” Nga nawe angasuka ati, “Ukufika sile na pano imisumba ilononeka isyale amatongwa. Ukufika sile na pano amang'anda yalononekela yasyale sile ivipompa. Alino nupya ukufika sile na pano impanga ilasyalila amapooli.

Ezekelo 6:4

Utuvuwa twa viimbili tulaongololwa na tuno yakaocelapo ubani tulatamolwa.

Aina Levi 26:30

Ndonona incende zinu zino mukapepela penepo pa twamba, nomoole nu tuvuwa twinu tuno mukaocelapo ubani. Ndasumbila ivyala vinu pa tuluwi twinu twaula umi. Nupya ndapatana namwe. Mu ukali wane

Zefaniya 1:18

Siluva wao wensi na zaabu wao wensi, vilaposiwa ukuyapususyako pa wanda uno Yawe alayafokela ukali ukali. Icipyu cakwe cino cilalunkuma wa moto, cilonona insi yonsi, pasi pano mukupumikizya wene alalovya antunze yonsi aikala pano nsi.

Habakuku 2:18

“Uzye umulimo cii uno akaluwi kakwata? Kene kapangwa sile nu muntu, nupya katange kamunene icili consi suka intumpu. Uzye icani cingalenga ukuti kapanga wa kaluwi akataile? Utuluwi tuno wene akapanga tutangavwanga.

Mika 5:13

Ndonona amaunkolanya inu yonsi kumwi ni vipilala vya mawe vino mukapepela penepo mu mpanga inu. Mutalatala mufukamile vintu vivyo nupya, vino mwapanzile na makasa inu.

Mika 3:12

Caleka pamulandu winu, Zioni alalimolwa wa calo, Yelusalemu alaya citalang'anda, nu mwamba apa kuulwa Ng'anda ikulu yakwe Yawe ulaya umutengo.

Oseya 10:8

Ncende zyakupepelapo tuleza twaufi, utwalenga kuti aina Izlaeli yifye, zilononwa. Imyunga na yakasokopyo vilamela nu kukula apa tuvuwa twao. Antu yalanena imyamba iyo yati, “Tufisini!” Yalanena utulundu yati, “Tufupilizini!”

Oseya 10:2

Myenzo yao iyausomvi. Ndakai yalinzile kuvunukwa pamulandu wa maifyo yao. Yawe alawisya utuvuwa twao nu konona vipilala vyao vya kupepelapo.

Ezekelo 30:13

Yawe Simwandalali walanda wati, “Ndonona utuluwi kumwi na maunkolanya aku Memfisi. Kutalatala kuye umwene nupya mu Eguputo. Nupya ndoofya yonsi aikala monsi mu mpanga kwene ilya.

Ezekelo 16:39

Nga lino lyene ndakuswilizya umu makasa ya akundwe yako, nayo yalapasaula iviimbili vya tuvuwa twako, yakonone ni ncende zya kupepelapo utuluwi, yakakulepolele ivyakuzwala vyako, yakakupokolole ni viyembelo vyako nu kukusya tupu.

Yelemiya 34:22

Yawe wavwanga wati, “Namapeela ilamulo lya kuyawezezya uku musumba uu, yaulwisye yaupoke nu kuoca. Namasangula ni misumba yakwe Yuda ukuya ulwanga, umutange mwikale umulawa.”

Yelemiya 17:3

alino na papela ya mwamba usanzuke. Ivyuma vyako vyonsi vino mwatuulika ndaleka visampwe. Vilaya wa malipo apa maifyo inu muno mpanga yonsi.

Yelemiya 10:22

Uvwini kuno! Malamulo asuma yiza! Icongo cikalamba cuvwika ukufuma ku katutu! Ivita vyakweco vilasangula imisumba yaku Yuda iye ulwanga, iye uwikalo wakwe yankusa.”

Yelemiya 9:19

Uvwini impooma zya antu mu Zioni, zikuti, “Owe mwe, lyene casila twalowa! Owe mwe, vino twazewana! Tulinzile twasya impanga itu. Pamulandu wakuti amang'anda itu yatiyaongololwa.”

Yelemiya 9:11

Yawe nawe avwanga ati, “Umusumba wa Yelusalemu namausangula amatongwa. Umaya uwikalo wakwe yankusa. Imisumba yamu Yuda ilaya wa lwanga, incende umusiikala umuntu nanti wenga.”

Yelemiya 2:15

Antu ya mitundu yuze yakumung'anzila wakwe cisama? Yatiyasangula impanga inu ungati ulwanga. Imisumba inu yationgoloka, nga musi na antu akwikala mwenemo.

Ezaya 64:10

Imisumba yako yamuzilo, lyene ili ntangali ntangali, amatongwa sile. Alino nu mu Yelusalemu kwene musile ivitotela vitupu.

Ezaya 27:9

Uyi wa ina Izlaeli, ana yakwe Yakobo, utalelelwa foo. Suka sile manye lino yalamala ukutamola amawe yano yakuulila utuvuwa twa antu atamanya Leza. Vilaya ivyakusyunola ndi vino yakasyunola insio, nupya suka yakamale ukonona amaunkolanya yakwe Asyela yonsi, kumwi ni viimbili vya tuvuwa tonsi utwakocelapo ubani.

Ezaya 2:20

Umu wanda ulya antu yalavwintila utuluwi twao, twakwe siluva na zaabu kuli yatunko nu tususu, utuluwi tuno yaipangile ni minwe yao ukuti yangatufukamila.

Ezaya 2:18

Lyene kulaya ali kulowelela kwa tuluwi tonsi.

Ezaya 1:31

Vivi kwene vino icimbilimbili cikaoca icimuti icume, ali vino na antu yamaka yalapila pamwi ni vicitwa vyao. Nupya kutalaloleka umuntu nanti wenga alalesya ukuti antu yayo yakane ukononeka.

Masamu 115:8

Antu yano yatupanga, nu kutuceceta nayo kwene yalingana mano nato!

Aina Levi 26:31

ndalenga imisumba inu ukuya matongwa, nu konona ivifulo vinu vya kupepelapo, nga ntalazumilizya amawila inu amununko usuma.

1 Samueli 5:4

Lelo katondo kauze akalondelela lino yakatuka, nupya kwene iyazana Dagoni watapona pansi inkolelo ya Mbokosi ya Upangano yakwe Yawe ale afupime! Umutwe wakwe Dagoni na makasa ala vyativitamoka, nupya ale vilambalile lwapa ciimbili nga ale kusile sile umwili.

Ezekelo 6:7

Antu yalafwa ntangali ntangali, na alasyalapo alino yalasininkizya ukuti fwandi nene indi Yawe.

Ezekelo 12:19

Unene aikala mpanga ilya uti, ‘Avino Yawe Simwandalali walanda pamulandu wa ikazi amu Yelusalemu pamwi na amu mpanga ya Izlaeli. Uyanene ndi vino yene yalalya icakulya cao ni sakamika ilikulu. Nupya yalakanka sile uku ntete pa nsita ino yakumwa amanzi. Umu mpanga inu mutalasyala kantu nanti kamwi, pamulandu wa umpulamasunde wakwe yayo yonsi aikala mwenemo.

Ezekelo 35:4

Ndonona imisumba yako nga mutalikalamo antu foo. Lyene ulamanya ukuti nene indi Yawe.

1 Yamwene 14:23

Yene yaikuulile utuvuwa, ni vipilala vyamuzilo nga nu unkolanya wakwe Asyela pa ncende zyonsi zino yakapepela mwenemo nu mwisika ya visao vya miti.

Yelemiya 9:10

Alino ne Yelemiya mvwanga inti, “Awe cumi nemo kanaloosya imyamba. Kanalilila umulemvwe umwakucemelamo iviteekwa, pano mu myamba mwatimuma, nu mulemvwe nao watiuma. Musi umuntu nanti wenga akupita mwenemo. Umutinti wa viteekwa usikuuvwika, ivyunyi pamwi ni nyama zya mpanga vyativyutuka.”

Yelemiya 51:18

Twene utwaciwelewele nupya utwakusuula sile. Twene tuliza tononwe lino Yawe aliza atupezye.