Ezekelo 5:16 - Amazwi Yakwe Leza 2013

¹⁶ Ndakuletela icipowe pakuti ukacule ku nzala. Ulaauvwa ukali wa nzala kwati inceto zisongole ali zino zikukulasa pa kukukoma.

Ezekelo 5:16 Referans Kwoze

Ezekelo 4:16

Nga nupya anena ati, “We mwana wa muntu, indi nu kucefya ukuloleka kwa vilyo umu Yelusalemu. Antu yali nu kulalya icakulya cakupimilwa sile nga nu kumwa utumanzi tunono sile, utwa kupimilwa.

Ezekelo 14:13

“We mwana wa muntu, aikala mpanga ndi yifya kunondi apakuntaya acumi kunondi, lyene ndaomvya amaka yane nu kuyavunuka apa kucefya ivyakulya. Ndaponyezya impanga iyo icipowe nu kukoma antu kumwi ni nyama kwene.

Nyimbo zya ndosya 3:12

Wene waliwakana ulapwa wakwe nga ansonta ni nceto kuti nje candamali.

Ezaya 3:1

Silolini lyene mwe! Yawe Wamaka yonsi, wasya apokolole ivintu vyonsi pyu, vino aina Yelusalemu na ina Yuda yikalila mwenemo. Wasya apokolole na vyonsi vino antu yikalila, ivikayazwilizya nu kuyazwilizya. Wasya apokolole amanzi ni vyakulya,

Masamu 7:13

Angateyanya ivyanzo vyakwe ivyakuyalovezya. Anganyepelela ni vyakwasizya umoto uku nceto.

2 Yamwene 6:25

Pa nsita ilya lino aina Asilya yazinguluka umusumba wa Samaliya, kwaponyile icipowe icikulu wakwe cimwi mu musumba ulya. Cico calenzile kuti umutwe wakwe punda wakaziwa pa mutengo wa lupiya lwakwe siluva ukulingana 80. Alino nacitumbi akamela mu vizule nawe nga waloleka, wakalwanga pa mutengo wa mpiya zisano sile zyakwe siluva.

Aina Levi 26:26

Ndalenga kuti cipowe cipone panomuli, cakuti anaci ikumi yalapanga imikate muli uvuni wenga sile pa usu onsi uno yakweti. Nupya yalamwankanya imikate inono, cakuti lino mwalya yonsi, kusi kwikuta.

Yelemiya 52:6

Alino pa wanda walenga fundimbali mu mwezi wakwe ciini, lino inzala yaponyile ala antu yatakweti cakulya.

Ezekelo 5:15

“Lino nemo ndasoka nu kukufokela ukali ukali apakukufulula, antu amitundu yakuzinguluka yalalemwa ni ntete. Lino yalakulola, yalakusaalula nu kukuwela. Ivyalanda ne Yawe.

Ezekelo 5:17

Ndakuletela cipowe, ndakutumila vilyanyi vyakukoma ana yako, ndakuletela impungo, ni mpanzela alino nu kukukatusizya inkondo pakuti yace yakukome. Ivyalanda ne Yawe.”