Ezekelo 5:10 - Amazwi Yakwe Leza 2013

¹⁰ Munuli wemo we Yelusalemu, ali muno akwasi yalaalya ana yao, nga na ana nayo yalaalya akwasi yao. Ala ndakufulula na alasyalapo apuma nayo ndayasansantila monsi.

Ezekelo 5:10 Referans Kwoze

Zakaliya 2:6

Yawe wavwanga wati, “Izini! Izini! Utukini mufume mu mpanga yaku katutu. Pasi pano nemo natimusalanganyizizya ku miza ini ya kwiyulu.

Ezekelo 12:14

Yonsi aikala apipi na aliwe, yakazwilizya yakwe nga ni vita vyakwe, ndayasalanganyizizya ku ntunga zyonsi zya nsi. Ndayazinganya nu lupanga mu minwe.

Yelemiya 19:9

Anisi yao yano yalazinguluka umusumba nu kwezya kukoma antu aikazi yamwenemo. Yalalizizya umusumba cakuti antu ali mukasi kauko yalaalya auze kumwi na ana yao kwene.’ ”

Malango 28:64

“Yawe alamusalanganyizizya mu mitundu yuze, ukufuma ku mpela yonga ya nsi ukufika nu ku yuze. Ali kuno mulaya mukaatumikila tuleza utwakuwaza nu twapangwa ku mawe, tuto tuno mwemwe nanti ivikolwe vinu mutatala mwapepa.

Aina Levi 26:29

Icipowe mu mpanga inu cilakula cuze cakuti mulaalya ana inu.

Ezekelo 36:19

Nayapile umulandu pa mikalalile yao, na pamicitile yao, alino kuyasalanganya na yasalanganyizizye umu mpanga zya antu ya mitundu yuze.

Ezekelo 5:2

Lino ukuzanzwa kwa musumba kwaya umukusila, tola akamutumba konga uye ukakocele pakasi ka musumba. Alino utoole akamutumba kakwe ciili, uye ufume ukukacentola nu lupanga lino ukuzinguluka umusumba. Akamutumba kakwe citatu, kene ukakanyunye umu muza, nga nani namafuma nkulondela apacisila nu lupanga.

Masamu 44:11

Watuleka lyene yatukomola wa mfwele, lyene twatitusalanganila nu mu mpanga zyuze.

Zakaliya 7:14

Pali pakuvwanga ati, ‘Uli mulandu kwene ukalenga ukuti nasalanganyizizya antu yane mu mpanga zya inamasi. Mpanga itaizipila apali pakuisyalila amapooli, umwaula nanti umwi wakwikalamo.’ ”

Amosi 9:9

“Pano ndapeela ilamulo, alino ndapukanya aina Izlaeli ku na ku pakasi ka mitundu yonsi ya antu ndi vino yakapukanya imbezu mu lunyungo, nga kutalaya akaliwe konga akalaponela pansi.

Ezekelo 22:15

Antu yako ndayasalanganyizizya mu mitundu ya antu yauze aya mu mpanga zyuze, ni viipe vino ukacita navyo kwene ndavipezya.

Ezekelo 6:8

“Yamwi ndaleka yakapusukepo, nu kusansantikila mu mitundu yuze.

Ezekelo 5:12

Antu yonsi yalapaatukana patatu, iumba lyonga lilafwila mu musumba ku mpungo nu ku cipowe. Lyakwe cili nalyo lilafwila kunzi ya musumba ku lupanga. Lyakwe citatu nalyo ndalisalanganyizizya mu muza alino nkalilondele nu lupanga.

Nyimbo zya ndosya 4:10

Anaci nanti angala yakweti uluse uli, yasusile yeleka ana yao nu kuyalya pamulandu nu uzanzo uwaponile antu yane.

Nyimbo zya ndosya 2:20

Silola, we Mwene! Uzye apacani cino ukutuvunuka mu musango kwene uu? Uzye anaci yalinzile kulya ivyala vya ana yao yano yatemilwe wakwe cimwi? Uzye antu yalinzile kukomola yasimapepo na yakasema umu Ng'anda yako kwene ikulu?

Yelemiya 9:16

Namayasalanganyizizya umu antu amu mitundu yuze ino alio nanti ivikolwe vyao vitatazile vyuvwe. Ndayatumila ivita vya anisi yao mpaka viyalovye.”

Aina Levi 26:33

Ndalenga inkondo ukuya panomuli kuti musalangane mu mpanga zya inamasi. Mpanga inu ilasyala iyaulamo antu, nupya imisumba inu ilasyala matongwa.

Luka 21:24

Yamwi yalakomwa ku mpaanga nu kusendwa mu uzya ku nko zyonsi, nga na Yelusalemu alalyatolwa na antu atataila Leza kufika lino kasita kao kalasila.

Ezekelo 20:23

Nupya kwene mu lwanga kwene amuno naswilizye ukulapa. Lyene indapa ukuti indayasansantila mu mpanga zyonsi.

Yelemiya 50:17

Aina Izlaeli yali wa mfwele zino zikulungwa kuli cisama. Apa kutandika cali umwene wa ina Asilya ali wino wayalile ivyala, alino piza palondelela Nebukadineza umwene waku Babiloni, nawe wizile akokota amafupa.

Yelemiya 44:12

Alino lyene ndasenda antu alasyalapo amu Yuda yano yapanzile ukuya ikala ku Eguputo. Ndalola inzila yakuyalovezyamo, muno kwene mu Eguputo. Yalafwa ku nkondo, uku cipowe nu ku mpungo. Antu yalazunguka sile pa kuyalola. Yalayawela nu kuomvya izina lyao apakuyatipwila.

Ezaya 49:26

Yayo akamucuzya ndayatunkizya iminyefu iyakwao. Yalakoleka nu wazi wakwao aeneco, kwati antu yano yakoleka waini. Lyene antu yonsi yalamanya ukuti nene indi Yawe. Yalasininkizya ukuti nene Mukuluzi winu, Wamaka wilya wakwe Yakobo.”

Ezaya 9:20

Yonsi pyu umu mpanga yakulombola sile utwakuti yangalya. Lelo icakuti inzala isile, awe cene foo! Lyene icisile yakulya nu twana twao!

Neemiya 1:8

Nga lelo, ungala uwiusye amazwi yano wanenyile umuomvi wako Mose uti, ‘Ndi mwe ina Izlaeli mwaca mwamfutatila, ale lyene ndamusalanganyizizya umu antu ya mitundu yuze.

2 Yamwene 6:29

Acino twelike umwanane wilya, nga tumulya. Lyene uwanda walondelile namunenyile inti, ‘Koma umwanako kuti tumulye.’ Lelo wene afisa umwanakwe!”

Malango 32:26

Yonsi pyu ngani nayalovya, pakuti kutakaye nanti umwi uwa kuiusya.

Malango 4:27

Yawe alamusalanganyizizya mu nko zyuze, kuko kuno yanono sile amunomuli yalapusuka.

Yelemiya 13:14

Lyene ndatola yaisi na ana yao nkayapumanye wa nkolo. Nemo ntalayuvwila nu luse foo. Ntaluvwa ulanda nanti sile uluse. Ndayalovya pyu.’ ”

Yelemiya 49:32

Ingamila zyao zilaya izyakupokolola. Imfwele zyao zino zitaivulila zilaya izyakusenda. Yano yapela ivinsumpa ndayasansantila mu ntunga zyonsi ziini, ndayaletela isyamo lino lilafuma mu nsi yonsi. Ivyalanda ne Yawe.

Yelemiya 49:36

Ndaletela Elamu imiza ini, ukufuma ku mpela ziini zya mwiyulu. Ndasalanganyizizya aina Elamu ku miza kwene iyo. Kutalaya umutundu ulasyala ukwaula kuti imbutusi zyutukile kweneko zyaku Elamu.

Nyimbo zya ndosya 4:3

Na yankusa kwene yakaonsya ana yao, lelo antu yane yakoline ni mbuni mu lwanga, azauke ku ana yao.

Ezekelo 17:21

Ivita vyakwe vyampomvu vilapona pansi ku lupanga na alasyala impondo yalasalanganila mu ntunga zyonsi. Alino lyene mulamanya ukuti anene ne Yawe nalanda.”

Nyimbo zya ndosya 4:16

Umwene atayasakamile foo, ali pakuyasalanganya. Wene atacindamike yasimapepo ni ntunguluzi.

Ezekelo 12:15

Lyene yalamanya ukuti nene indi Yawe, nene nayasalanganyizizya mu nko zyuze nu kuyasansanta mu mpanga izivule.

Danieli 9:7

Mwene, wewe kacita wa vyaololoke, lelo swemo swe ikazi amu Yudeya nu mu Yelusalemu tukaipupanya lyonsi sweisikulu swemuno wasalanginye mu mpanga zya mupipi ni zya kutali pamulandu wakuti tusi acumi kunuli.