Ezekelo 47:9 - Amazwi Yakwe Leza 2013

⁹ Na konsi kuno uluzi lwala lwapita, viumbwa vyaumi vyonsi visenya mwenemo vilakwata umi. Inswi zilasanda, pasi pano konsi ukulafika amanzi yayo yalaleta umutende, na konsi kulapita uluzi luu kulaya umi wampomvu.

Ezekelo 47:9 Referans Kwoze

Yoane 6:63

Mupasi wakwe Leza aliwe akapeela umi. Amaka ya muntu yatangapeela umi. Amazwi yano namunena yene akapeela Mupasi wakwe Leza nu umi.

Yoane 4:14

Wino wensi alamwa manzi yano nemo ndamupeela wene ataluvwa lusala nupya. Manzi yano ndamupeela yene yalaya wa kafukoka ka manzi munoli, yano akapeela umi wape.”

Ezaya 55:1

Mwensi mwemuno mukacula ku lusala izini ku manzi! Nanti mutakweti impiya izini sile. Izini mukale cakulya kwaula impiya, mulye. Mukale ni cakumwa ni ziya ukwaula kulipila.

Masamu 78:16

Walesile akaluzi kakonkoloka ukufuma umwiwe, icakuti amanzi iyapita wa luzi.

Loma 8:2

Pano maka ya Masunde yakwe Mupasi Wamuzilo yao akatuletela umi muli Klistu Yesu, yatukulula kwi sunde lya maifyo ni mfwa.

Milimo 2:47

ala yakulumbanya Leza, nu kutemwikwa na antu onsi. Na cila wanda Umwene walundangako kwi umba lyao antu nayauze yano atuulwangwa.

Milimo 2:41

Lino aingi yuvwa ilandwe lyakwe, yalipokelela, nga yawatiziwa. Uwanda kwene ulya antu kulingana na mazimbi yatatu yailundanya kwi umba.

Yoane 14:19

Pa kasita kanono antu amu nsi yatalandola, lelo mwemo mulandola. Ndi vino nemo ndi nu umi, namwe kwene mulaya nu umi.

Yoane 14:6

Yesu amwaasuka ati, “Nene ndi nzila, ni cumi, nu umi. Pasi umwi angiza kuli Tata suka wizila muli nene.

Yoane 5:25

Cumi namunena vino, kasita kakwiza, nupya kati kafika, lino afwe yaluvwa izwi lya Mwana wakwe Leza. Lyene yano aluvwa izwi lyakwe yalaya nu umi.

Yoane 3:16

Pano acino Leza watemilwe amu nsi nga apeela Mwana wakwe wino uwavilwe wenga, kuti wensi wino wataila munoli atakalowe, lelo aye nu umi wape.

Zakaliya 2:11

Mu nsita kwene iyo antu ya mitundu avule yaliza kuli Yawe, uku kuya antu yakwe. Nawe alaikala apakasi kinu, nu kwiluka muliluka ndi vino Umweneco Wamaka yonsi aliwe wantuma kuno muli.

Ezaya 49:12

Yamwi yalafuma ukutali, Yamwi ku katutu, yamwi ku uwondaka, yamwi yalafuma ku kayeya ku Aswani.”

Ezaya 30:26

Umwezi ulawala kwati ali lanzi kwene, alino ilanzi lilawalisya ukuluta mu cipimo. Uluswepo lwakasanya lulaya ungati ulwa manda cinimbali, alino lyene lwize lwakile capamwi pa kasanya kali konga kwene! Vivyo vyonsi vilacitika lino Yawe alanyepela antu yakwe ivilonda vino wayaletile pakuti vingapola.

Ezaya 12:3

Ndi vino amanzi azuke yakaleta insansa kuli wino ali nu lusala, ali vino antu yakwe Leza yakazanga nga wene wayatuula.

Masamu 103:3

Aliwe akanjelela uluse kuli vyonsi vino nkaifya. Akapozya ni ndwala zyane zyonsi.

Kufuma 15:26

Lyene Yawe avwanga ati, “Ndi mukanguvwila ne Yawe, Leza winu nu kucita vyawololoke, nga nu kuyela malamulo yane, lyene ntalalenga kuti mulwale zyandwala ndi zino naponyezizye aina Eguputo. Nene indi Yawe, wino akamupozya.”

1 Kolinto 15:45

Pano calembwa mu malembelo cati, “Muntu wakutandika, Adamu, waumvilwe aya ciumbwa ca umi.” Lelo Yesu wino ali Adamu wakusyalikizya, wene ali Mupasi wino akapeela umi.

Milimo 21:20

Pacisila ca kumuvwa, yonsi yalumbanya Leza. Lyene yanena Paulo yati, “Mwina witu Paulo, watulola, vino Ayuda mazimbi aingi yati yataila muli Klistu nga nupya yaipelesya kuyela Masunde yakwe Mose.

Milimo 6:7

Caleka Ilandwe lyakwe Leza lisalangana konsi, nga ni mpendwa ya alondezi yavulilangako mu Yelusalemu. Yasimapepo yano ataile Ilandwe Lisuma, nao mpendwa ikula.

Milimo 5:14

Lelo antu nayauze ataile mu Mwene, yailundanyanga kwi umba nu kuluta. Lyali iumba likulu lya onsi na anaci kwene.

Milimo 4:4

Lelo antu aingi auvwile Ilandwe lilya yataile, ni mpendwa ya alondezi ikulilako kufika manye mazimbi yasano.