Ezekelo 47:6 - Amazwi Yakwe Leza 2013

⁶ Nawe ali pakunguzya ati, “We mwana wa muntu uzye walola cintu cii?” Alino ansenda answilizya nupya ku cituntu ca luzi.

Ezekelo 47:6 Referans Kwoze

Ezekelo 44:5

Yawe ali pakunena ati, “We mwana wa muntu, teka umwenzo, lolekesya ningo, uvwikisye navino nkukulondolwela. Vyonsi ivya pa Ng'anda ikulu yalwe Leza na masunde akuwaka aevi. Uwalola ningo yano yalinzile kuzumiliziwa ukwingila mu Ng'anda ikulu yakwe Leza na yano yatange yazumiliziwe ukwingila umu Ncende yamuzilo.

Ezekelo 40:4

Alino umuntu wiyo anena ati, “We mwana wa muntu, lolekesya ningo nu kukutika ningo, uteke nu mwenzo kuli consi cino namakulanga pano ali cino yakuletile kuno apakuti nkulangilile. Nupya ali vino uli nu kumanyisya ang'anda yakwe Izlaeli vyonsi vino umalola.”

Zakaliya 5:2

Umungeli pali pakunguzya ati, “Uzye walola cani?” Nani naasuka inti, “Nalola ulupapulo lukupapuka umwiyulu, luno mu utali luli amamita fundimbali nga nu mu kusalala namo amamita yani na citika.”

Zakaliya 4:2

Alino anguzya ati, “Uzye icani cino ukulolekesya?” Nga nani imwasuka inti, “Nkulolekesya cakutekapo inyali, naco cili sile cakwe zaabu mutuputupu, nkulolekesya na pa musazi wa mafuta uli papela yakweco, nga ni nyali penepo cinimbali. Inyali zyonsi yonga yonga zyakweti vipongo vya utambi cinimbali.

Ezekelo 8:17

Yawe anena ati, “We mwana wa muntu, uzye walola vimisango vii? Ala antu yaa Ayuda, yatalata ukucita ivintu vii vyonsi vyawinyi vino walola muno. Ayano yalenga nu kuti kuye impanzela mu mpanga ino yonsi. Alenzile nu kuti icipyu cane cicile penepo. Watuilolela we mwisikulu vino yakunsaalula mu misango yonsi ino yakunsaalwilamo.

Ezekelo 8:6

Nga anena ati, “We mwana wa muntu, uzye walola vino yakucita? Uzye walola ivya winyi vyonsi vino ang'anda yakwe Izlaeli yakacita kuno, apa kunzinga umu cifulo cane icicindame? Lyene, umalolako ni vyawinyi vino vilusilepo.”

Mateo 13:51

“Lyene Yesu auzya alondezi yakwe ndi cakuti yati yamanya vintu vii vyonsi.” Nao yaasuka yati, “Endi, Mwene.”