Ezekelo 47:1 - Amazwi Yakwe Leza 2013

¹ Nupya umuntu wilya ambwezya ne Ezekelo ku mulyango wa Ng'anda ikulu yakwe Leza, papo apafumanga amanzi pa mulyango wa ng'anda yi pepo, nu kukonkolokela lwa ku ufumondaka kuno Ng'anda ikulu yakwe Leza yalozizye mulyango. Amanzi yakonkolokelanga mu Ng'anda ikulu yakwe Leza mwisika, ku kayeya ki lunji lya kavuwa.

Ezekelo 47:1 Referans Kwoze

Umbwilo 22:1

5Lyene mungeli andanga luzi lwa manzi yano akapeela umi, luyengese wakwe Kulustele, luno lwafuma mu cilimba ca wene cakwe Leza nupya ca Mwana wa Mfwele.

Zakaliya 14:8

Wanda ulya ndi waca wafika mu musumba wa Yelusalemu mulafuma amanzi ya umi, yamwi yalaya kuli Yemba Mufwe, yauze nayo yalaya ku uwondaka kuli Yemba wa Adiliya. Amanzi yayo yalapita ukuzinguluka umwaka onsi.

Yowelo 3:18

“Mu wanda ulya, imyamba ilazwa waini umupya, nga nu twamba tonsi tulapongolola iziya, nga nu tunguzi twamu Yuda tulakonkoloka amanzi. Akafukoka kalafukoka amanzi mu ng'anda yakwe Yawe nu kutapilila cifoloma ca Sitimu.

Ezaya 55:1

Mwensi mwemuno mukacula ku lusala izini ku manzi! Nanti mutakweti impiya izini sile. Izini mukale cakulya kwaula impiya, mulye. Mukale ni cakumwa ni ziya ukwaula kulipila.

Yelemiya 2:13

Antu yane yatala imilandu iili: yene yamfutatila, nemuno naya akafukoka ka manzi ya umi, yafukwila ni vifula vya manzi ivituloke ivisisunga amanzi.”

Masamu 46:4

Kwaya uluzi lumwi ulukazanzya umusumba wakwe Leza, incende yamuzilo muno Leza Wapapelapela umweneco wikalamo.

Ezekelo 47:12

Apa cituntu ca luzi imbali zyonsi ziili palamela imiti ya viseekwa vya misango yonsi, na mafwa yakweyo yatalatala yaonze ni viseekwa vyakweyo vitalatala visile foo. Cila mwezi imiti iyo ilaaseeka iviseekwa vipya, pasi pano amanzi yayo yafuma ku ncende ipolelelwe. Iviseekwa pasi pausuma ukuvilya na mafwa ayako umulembo wakupozya.”

Umbwilo 22:17

Mupasi Wamuzilo pamwi na Nawinga yakuti, “Iza!” Na wino wensi akuuvwa vii alinzile alande ati, “Iza!” Wino wensi ali nu lusala, aiize. Wino wensi akulonda manzi yano yakapela umi, yene yamapelwa kunoli uwila.

Zakaliya 13:1

Yawe Wamaka yonsi wavwanga wati, “Lino insita iya ilafika, intulo yonga ilapongwela amanzi, yano ana yakwe Davidi na ina Yelusalemu yalafulala ku ukowezi wao.

Ezekelo 41:2

nu muwipi namo yamita yasano, nu mutika wa viumba vyakweo konsikonsi wali yamita yaili na citika. Nupya apima nu muputule kwene, mu utali wali yamita amakumi yaili.

Ezaya 30:25

Uwanda uno amalinga ya anisi inu yalapokwa nu kukomolelwamo antu yano yikala mwenemo, ali lino mu myamba yonsi mulafunkuka tufukoka twa manzi.

Ezaya 2:3

Yalavwanga nu kuti, “Tuyini twapita tutumbele umwamba wakwe Yawe, apakuti aye akatusunde vino tuli nu kucita, apakuti twalondela mwi kula lyakwe.” Umu cumi amasunde yakwe Yawe yakafuma mu Yelusalemu, pano umu Zioni ali muno akapeelela antu yakwe amalango.

Ezekelo 46:24

Alino anena ati, “Ii ili miputule yakwelekelamo muno aomvi amu Ng'anda ikulu yakwe Leza yalaelekelamo impolelwa zino antu yapeela.”

Ezekelo 47:2

Amfumizya pa mpongolo yaku katutu nu kunzingulusya ukunzi, mpaka nu ku mpongolo ya kunzi yaku ufumondaka, apafumilanga amanzi lwaku kayeya.

Zakaliya 14:4

Pa nsita iyo wene alimilila pa Mwamba wa Miolivi, uwa uwalungatana nu musumba wa Yelusalemu lwaku ufumondaka. Nu Mwamba wa Miolivi ulalepuka pakasi, ukutandikila ku ufumondaka mpaka nu ku uwondaka. Fwandi palaya iciposi wakwe cimwi. Icipande conga ca mwamba cilaya uku katutu ni cuze naco uku kayeya.

Masamu 46:5

Leza akaikala umu musumba uo uno utalatala uwe, pano wene kumacaca, ala wataiza ku kuucingilila.

Masamu 87:7

Nga alino yalimbila nu kucina pamwi iyati, “Zioni ili ntulo ya upolelelo witu onsi.”

Ezekelo 40:6

Nga alino nupya alungama uku mpongolo yaku ufumondaka. Atampula intampulo ukuya apapela nu kupima umulyango wa mpongolo, uno wali amamita yatatu ukuzika.