Ezekelo 44:4 - Amazwi Yakwe Leza 2013

⁴ Alino umuntu wilya ampisya umu mpongolo yaku katutu andeta ku nkolelo ya Ng'anda ikulu yakwe Leza. Nalolekesya nazana nu kuti ucindami wakwe Yawe wati uzula Ng'anda ikulu yakwe Leza, alino impona pansi mfupime.

Ezekelo 44:4 Referans Kwoze

Ezekelo 1:28

Pakulola uluswepo ulwazingulwike icali wa mulalamfuti mu makumbi mu nsita ya cisiku. Ni cintu cico calolike wa ucindami wakwe Yawe. Apakulola cico, impona pansi mfupime, nga nuvwa ni zwi lyakwe wiyo akulanda.

Umbwilo 1:17

Lino namulola, nani mpona pansi pipi na pa ngazo zyakwe wa muntu mufwe. Nawe anjikila ikasa lyakwe lilunji nga avwanga ati, “Utoopa! Nene uwakutandika nupya uwakusyalikizya.

Ezekelo 3:23

Fwandi nani ali vino nakatwike nu kuya uku lunyika indola nu ucindami wakwe Yawe, kwati auwa kwene uno naweni uku nkumba ya luzi Kebali. Awe mukwai impona pansi ufupime.

Ezekelo 40:20

Lyene apima impongolo ya kwingilila mu musolo wa mukasi, ino yalozya ku katutu. Apima utali wakweyo nu kusalala kwaiko.

Hagai 2:7

Indi nu kusunkanya imitundu ya antu yonsi iyaya muno nsi alino ni cuma cao cilaletwa kunondi, icakuti nupya kwene Ng'anda yane ikulu ilazulamo ululumbi lukulu. Nene nkuvwanga ne Yawe Wamaka Onsi.

Ezekelo 40:40

Apanzi napo pali amatebulo yani, ku yaili na ku nako yaili. Amatebulo yayo yayelile lwa umu nzila yakwizila ku mpongolo yaku katutu.

Malaki 3:1

Yawe Wamaka yonsi wavwanga wati, “Lolini ndatuma inkombe yane, ino ilanteyanyizizya umwakupita. Lyene mu nsita ino mutenekile umwene wino mukalonda aliza ku Ng'anda yakwe ikulu. Inkombe ya upangano, ino mwalukisya ukulola, iliiza nu kukosola upangano wane.”

Ezekelo 10:4

Nu ucindami wakwe Yawe ali pakufuma apapela yakwe yakelubi, nu kuya ku mulyango wa ng'anda yakweyo. Ni kumbi ilifupa monsi mu ng'anda iyo, cakuti nu musolo onsi uyengesa sile pamulandu nu ucindami wakwe Yawe.

Masamu 89:7

Leza awino yakaoopa wakwe cimwi mu ukongano wakwe yayo amuzilo. Wene uwakoopa sana ukuluta yonsi amuzinguluka.

Utandiko 17:3

Lyene Abulamu afukama pansi afupime, nga Leza amunena ati,

Ezekelo 8:14

Alino antwala apa mulyango wa mpongolo yaku katutu ka ng'anda yakwe Yawe, ukwali yamangu yano yalosyanga Tamuzi.

Ezekelo 40:35

Nupya kwene, umuntu wilya wansenzile, nu kuntwala uku mpongolo yaku katutu. Atandika nu kupima impongolo. Azana nu kuti ilingine sile ni mpongolo zyuze ukukula.

Danieli 8:17

Lyene lino Gabilieli wizile aimilila apipi na pano naimi, nuvwile intete wakwe cimwi nga impona pansi. Alino anena ati, “We mwana wa muntu, iluka ukuti icilolwa cikumile insita ya mpelelekezyo.”