Ezekelo 43:2 - Amazwi Yakwe Leza 2013

² Kuku kwene indola ucindami wakwe Leza wa ina Izlaeli ala ukufuma ku ufumondaka. Izwi lyakwe lyuvwikike wa cipoma, nga ni mpanga yayengise ku luswepo lwa ucindami wakwe.

Ezekelo 43:2 Referans Kwoze

Umbwilo 18:1

Pacisila lyene ndola mungeli namuze akwika kufuma mwiyulu. Wene akweti maka akulu cuze, nga nu kuyengesa kwakwe ukwa lulumbi kukozya mu nsi yonsi.

Ezekelo 11:23

Uluswepo luyengeses lwakwe Yawe ilufuma mu musumba nga ilulungama ku mwamba lwaku ufumondaka wa musumba uo.

Ezaya 6:3

Ala yakulaizya yakuti, “Wamuzilo, wamuzilo, wamuzilo Yawe Wamaka yonsi, ucindami wakwe walimba insi yonsi.”

Ezekelo 10:4

Nu ucindami wakwe Yawe ali pakufuma apapela yakwe yakelubi, nu kuya ku mulyango wa ng'anda yakweyo. Ni kumbi ilifupa monsi mu ng'anda iyo, cakuti nu musolo onsi uyengesa sile pamulandu nu ucindami wakwe Yawe.

Ezekelo 1:28

Pakulola uluswepo ulwazingulwike icali wa mulalamfuti mu makumbi mu nsita ya cisiku. Ni cintu cico calolike wa ucindami wakwe Yawe. Apakulola cico, impona pansi mfupime, nga nuvwa ni zwi lyakwe wiyo akulanda.

Umbwilo 1:15

Ingazo zyakwe zyayengesanga wa cela ciyengese cino yengulula nupya cino cazifiwa. Izwi lyakwe lyuvwikike wa ciunda ca cipoma.

Ezekelo 3:23

Fwandi nani ali vino nakatwike nu kuya uku lunyika indola nu ucindami wakwe Yawe, kwati auwa kwene uno naweni uku nkumba ya luzi Kebali. Awe mukwai impona pansi ufupime.

Ezekelo 1:24

Nga nuvwa ni congo ca maapa, lino vikupita, ala cili wa ciunda ca manzi amukuku aingi, kwati izwi lyakwe wiyo Wamaka yonsi, nupya lyali wa congo ca mpuka ya vita. Ndi vimilila iviponya amaapa.

Umbwilo 21:23

Kuwala kwi lanzi nu mwezi kusyalondekwa mu musumba ukulu, pano lulumbi lwakwe Leza lukayengesa mwenemo, nga nu Mwana wa Mfwele ali lampi lyauko.

Umbwilo 14:2

Alino nuvwa izwi kufuma mwiyulu lino lyuvwikike wa kupooma kwa manzi aingi, nupya wa kupangalansya kwa mvula kukulu. Lyuvwikike wa lwimbo ulwimbwangwa na yakiimba yano akulizya mapango.

Umbwilo 19:6

Lyene nuvwile izwi lino lyuvwikike kwati iumba likulu, nupya kwati kupooma kwa cipoma nu kupangalansya kukulu. Nuvwile yakuti, “Aleluya! Pano Mwene Leza witu uwa maka, ali Kateeka!

Umbwilo 19:1

Pacisila cakwe vii nuvwile cimwi cino cuvwikike kwati ciunda ci umba likulu lya antu mwiyulu, yakuti, “Aleluya! Ufyusi, lulumbi, na maka ivyakwe Leza witu!

Yoane 12:41

Ezaya wavwanzile vii, pano waweni lulumbi lwakwe Yesu nga avwanga pamulandu na aliwe

Habakuku 3:3

Leza umwisikulu ali nu kwiza iila lyakwe ciili ukufuma ku Edomu. Leza wamuzilo ali nu kwiza ukufuma ku myamba yamu mpanga ya Palani. Ucindami wakwe wakupa iyulu, ni nsi izilemo ululumbi lwakwe.

Habakuku 2:14

Lelo insi nu kukwata umanyililo wa ucindami wakwe Yawe, ndi vino yayemba yakulu yazula amanzi.

Ezekelo 9:3

Nga alino ucindami wakwe Leza wa ina Izlaeli wafuma apapela pali yakelubi, nu kuya ku mulyango wa Ng'anda ikulu yakwe Leza. Lyene Yawe aama umuntu uwazwite insalu zisuma, wino wakweti ni vyakulembelapo,

Umbwilo 21:11

Musumba wayengise wi we liyengese lyamutengo, wakwe Yaspele, uyengese mpe wakwe Kulustele.

Ezaya 17:12

Owe, antu amu mitundu ivule yakupokota, yakupanga icongo wakwe yemba, wa maimbi akulu yano yatiyimilila yakupumana!

Ezekelo 11:22

Lyene yakelubi yatandika ukupapuka, ala ni mipeto ili umu mbali yao, nga nu luswepo luyengese lwakwe Leza wa ina Izlaeli ala luli papela yao.

Ezekelo 43:4

Ucindami wakwe Yawe iwingila mu Ng'anda yakwe ikulu, ukwingilila mu mpongolo yaku ufumondaka.

Ezekelo 44:2

Nga alino Yawe anena ati, “Impongolo ii, imasyalanga vikwene iiyalwe, italatala ikayulikwe foo. Patalatala pakingililepo umuntu nanti wenga, pasi pano ali pano ningililepo ne Yawe Leza wakwe Izlaeli. Icaleka imasyalanga vivyo kwene iyalikwe.

Habakuku 3:4

Wene akaiza kunotuli nu kumyansya kwa nkuwa. Uluswepo lwakwe lukayengesa ilufuma mu makasa yakwe, kuko ukwazula amaka yakwe afisame.