Ezekelo 40:3 - Amazwi Yakwe Leza 2013

³ Ampalamika umu pipi, nga indola umuntu uwayengesanga wa mukuwa. Umu minwe yakwe mwali umwando upyatwe nu usavu wakwe katani ni ntuwa ya kupimilako, ala aimilile na pa mpongolo.

Ezekelo 40:3 Referans Kwoze

Umbwilo 11:1

Pacisila cakwe cico yampela cakupimila cikoline ni nsonzo, nga mungeli anena ati, “Yanga ukapime Ng'anda ikulu yakwe Leza pamwi na kavuwa, nu kupenda yao akupepa mwenemo.

Ezekelo 47:3

Alino umuntu wiyo uwali nu mwando wakupimilako umu minwe yakwe, apima na mamita imyanda isano kutentemukila kuno kaluzi kakonkolokonga. Ali pakundamvya uluzi na manzi yamfika mu tunkulungu.

Umbwilo 21:15

Mungeli wino uwavwanzile kunondi wakweti nsonzo yakwe zaabu iyakupimila kweneko musumba ukulu, ni mpongolo zyaiko, pamwi ni linga lyauko.

Umbwilo 1:15

Ingazo zyakwe zyayengesanga wa cela ciyengese cino yengulula nupya cino cazifiwa. Izwi lyakwe lyuvwikike wa ciunda ca cipoma.

Ezekelo 1:7

Amaulu yaviko yali aololoke nga ni nkamba zya viko zyali wakwe zizi zya mwana wa ng'ombe, iziyengese wa cela cikulumbilwe ca mukuwa.

Ezekelo 1:27

Nga naweni calolekanga wa musana wakwe ukuya papela, walolike wa cela ca mukuwa kwati umoto. Nupya ukufuma kuli cino calolekanga wa musana wakwe nu kuya pansi naweni icali wa moto nu luswepo ukucizinguluka.

Ezaya 28:17

Ulungami ali uno umaya umwando wakupimilako utali wa mufula, alino ukulungika nako kumaya ali kacela ka kumwando aka kupimila kweneko ukololoka kwa mufula.

Ezaya 8:20

Umu cumi vii ali vino yalalanda. Lelo mwemo muce mwayasuka muti, “Uvwini vino Yawe akumusunda!” Ala mwemo mutauvwa kuli yano yakumuuzizya imilandu uku mipasi. Vino yakumunena vitalamuombela icisuma nanti conga.

Ezekelo 41:1

Lyene umuntu wilya antwala mu muputule wapakasi nankasi. Lyene atandika nu kupima wingililo wauko, nao wali amamita yatatu mu utali,

Ezekelo 42:16

Atola itete, apima ulusansa lyaku ufumondaka, azana nu kuti patalimfile manye yamita 250.

Ezekelo 43:6

Lino umuntu wilya acili aimi apipi nani, inuvwa umuntu umwi akuvwanga kunondi umukasi ka Ng'anda ikulu yakwe Leza.

Ezekelo 8:2

Awe mukwai niza nalolekesya, nalola cimwi cino cikoline wa muntu. Ukutandikila kuli cino calolekanga wa musana wakwe ukuya pisika, walolekanga wa moto. Nupya ukufuma umu musana wakwe ukuya papela, wali waluswepo, luno lukuyengesa wa cela icikulumbile ningo.