Ezekelo 4:16 - Amazwi Yakwe Leza 2013

¹⁶ Nga nupya anena ati, “We mwana wa muntu, indi nu kucefya ukuloleka kwa vilyo umu Yelusalemu. Antu yali nu kulalya icakulya cakupimilwa sile nga nu kumwa utumanzi tunono sile, utwa kupimilwa.

Ezekelo 4:16 Referans Kwoze

Ezekelo 5:16

Ndakuletela icipowe pakuti ukacule ku nzala. Ulaauvwa ukali wa nzala kwati inceto zisongole ali zino zikukulasa pa kukukoma.

Ezaya 3:1

Silolini lyene mwe! Yawe Wamaka yonsi, wasya apokolole ivintu vyonsi pyu, vino aina Yelusalemu na ina Yuda yikalila mwenemo. Wasya apokolole na vyonsi vino antu yikalila, ivikayazwilizya nu kuyazwilizya. Wasya apokolole amanzi ni vyakulya,

Aina Levi 26:26

Ndalenga kuti cipowe cipone panomuli, cakuti anaci ikumi yalapanga imikate muli uvuni wenga sile pa usu onsi uno yakweti. Nupya yalamwankanya imikate inono, cakuti lino mwalya yonsi, kusi kwikuta.

Ezekelo 14:13

“We mwana wa muntu, aikala mpanga ndi yifya kunondi apakuntaya acumi kunondi, lyene ndaomvya amaka yane nu kuyavunuka apa kucefya ivyakulya. Ndaponyezya impanga iyo icipowe nu kukoma antu kumwi ni nyama kwene.

Masamu 105:16

Lino walesile inzala umu mpanga yao Yawe wononyile ivyakulya vyonsi.

Nyimbo zya ndosya 5:9

Tukalola cakulya umu kuitwala sile umu mfwa, pamulandu ni vipondo ivikululumba umu lwanga.

Nyimbo zya ndosya 1:11

Aina Yelusalemu yakuteta lilyo lino yakulondelezya vyakuti yangalya. Yene yakukaula ivyuma vyao ni vyakulya pakuti yatwalilile kuya nu umi. Yakulosya yati, “Mwene sungala undole sile luseluse. Lola vino yakunsaalula.”

Masamu 60:3

Watulenga antu yako uku cululuka wakwe cimwi. Watutumwesya waini umukalipisye, tukupempezyoka sile.

Umbwilo 6:5

Alino Mwana wa mfwele alematula cimanyililo cakwe citatu, nga nuvwa ciumbwa caumi cakwe citatu citi, “Iza!” Lyene ndola imfwalasi itifi. Wino uwakwezilepo walemile cipimilo mwi kasa lyakwe.

Yelemiya 52:6

Alino pa wanda walenga fundimbali mu mwezi wakwe ciini, lino inzala yaponyile ala antu yatakweti cakulya.

Nyimbo zya ndosya 5:4

Swemo tukakala amanzi akumwa. Ni nkwi kwene izyakukala.

Ezekelo 4:15

Leza ali pakuti, “Icisuma, nakuzumilizya ukuomvya citindi wa ng'ombe pa ncende ya mavi ya muntu.”

Amosi 4:8

Caleka antu amu misumba iili nanti itatu ndi yakatuka ukuya ku musumba umwi, kuti yakamwe amanzi, ulusala lwao lutaputukanga awe. Lelo nalyo kwene mwemo mutawezile kunondi. Avino Yawe wavwanga.

2 Yamwene 6:25

Pa nsita ilya lino aina Asilya yazinguluka umusumba wa Samaliya, kwaponyile icipowe icikulu wakwe cimwi mu musumba ulya. Cico calenzile kuti umutwe wakwe punda wakaziwa pa mutengo wa lupiya lwakwe siluva ukulingana 80. Alino nacitumbi akamela mu vizule nawe nga waloleka, wakalwanga pa mutengo wa mpiya zisano sile zyakwe siluva.

2 Yamwene 25:3

Apa wanda walenga fundimbali umu mwezi wakwe cini, uwa mwaka kwene uwa, nupya lilyo ala kwapona icipowe icakuti kutali nanti icakulya nanti cimwi cino antu yangalya.