Ezekelo 39:7 - Amazwi Yakwe Leza 2013

⁷ Ndaleka izina lyane lyamuzilo limanyikwe mu antu yane aina Izlaeli. Ntalaleka yakasuule izina lyane lyamuzilo nupya. Nga alino lyene imitundu yonsi ilamanya ukuti nene indi Yawe, Wamuzilo wakwe Izlaeli.”

Ezekelo 39:7 Referans Kwoze

Ezekelo 38:23

Ali vino nemo ndalanga antu ya mitundu yuze ukuti nene mukulu, nupya nene mucindami. Ali lino antu yalasininkizya ukuti fwandi nene, indi Yawe.”

Ezekelo 38:16

Uliza uzanze antu yane aina Izlaeli, ulakolana ni kumbi ilyati livimbilikizya impanga. Amanda kwene yayo, anene ndakuleta we Gogi, ukukwiza lwisya impanga yane, apakuti imitundu ikamanye, lino ndalanga ucindami wane pa manso yao muli wewe, we Gogi.

Ezekelo 20:39

Mwe ina Izlaeli, Yawe Simwandalali wavwanga wati, “Ale mule mutwalilile ukupepa tuluwi twinu! Lelo nemo nalapa ukuti ku nkolelo mulasuka muvwe izwi lyane. Mutalasausya nupya izina lyane lyamuzilo ku vya mawila inu nu ku tuluwi twinu.

Ezekelo 20:14

Lelo nupya nasuzile sile pano nga nailetile sile nenga insonyi ku antu amitundu, alolanga kuno nayafumyanga mu Eguputo.

Ezaya 12:6

Pundisyini nu kwimbila ni nsansa, mwe antu aku Zioni, pano Wamuzilo wilya waku Izlaeli wene umukulu pakasi kinu.”

Kufuma 20:7

“Utalumbula izina lyakwe Yawe Leza wako mu mwata wipe. Pano Nene, ne Yawe Leza wako, ndavunuka ali wensi akalumbula izina lyane mu mwata wipe.

Ezekelo 39:22

Ang'anda yakwe Izlaeli nayo yalamanya ukuti nene indi Leza wao, ukutandikila pa wanda kwene uwo nu kuya ku nkolelo.

Ezekelo 36:23

Ndi cakuti nalanga antu ya mitundu yuze vino nemo naya uwamuzilo, nanti angala mwemo mwandetile insonyi kunoyali, lelo yene yalasininkizya ukuti nene indi Yawe. Ivyalanda ne Yawe Simwandalali. Nupya mwemwe kwene ndaleka mukamanyisye antu ya mitundu yuze ukuti nene ndi wamuzilo.

Ezekelo 20:9

Lelo nacindikanga izina lyane, naleka nu kuti litazewana pa manso ya mitundu muno yikalanga mwenemo. Pano nanenyile imitundu iyo inti ndafumya mutundu wane mu mpanga ya Eguputo pa manso inu.

Ezaya 60:14

Ana ya antu yano yakakucuzya, yaliza yakufukamila apa kukucindika. Yonsi sile yano yakusuuzile mpiti yaliza yafukankila kunuli. Yalakwama nu kuti we musumba wakwe Yawe nupya ala yakuti ‘Zioni umusumba wakwe Leza Wamuzilo wakwe Izlaeli.’

Ezaya 60:9

Icumi kwene amawato yankolonganila ukufuma ku mpanga zya kutali, ala ivyombo vyaku Tasyisyi yali apankolelo, yakuleta antu yakwe Leza kuno kumwao, ala yasenzile siluva na zaabu, kuti yize yatuule kuli Yawe, Leza winu, Wamuzilo wilya wakwe Izlaeli, pano aliwe wamupeela ucindami.”

Ezaya 55:5

Wemo ulaama umutundu uno utatazile umanyikwe. Imitundu ino itamanyikwa iliza ulwilo kunuli, apamulandu sile wakwe Yawe wako, Wamuzilo wakwe Izlaeli, iyo ino ilakucindika.

Ezaya 43:14

Yawe, Mukuluzi winu, Wamuzilo wilya wakwe Izlaeli, wavwanga wati, “Apamulandu wakumupususya ndatuma impuka ya vita kuti vikalwisye aina Babiloni. Ndawisya imifikilo ya mpongolo, cakuti utupundu tuno amu musumba yakapunda, tulasanguka impooma.

Ezaya 43:3

Pano nene indi Yawe, Leza wako. Nene Wamuzilo wakwe Izlaeli wilya, Katuula wako. Ndapeela Eguputo apa kukutuula. Ndapeela Kusyi na Seba umu cifulo cakwe wewe.

Ezekelo 36:36

Alino antu amitundu iyaya umu mbali alasyala penepo, yalasininkizya ukuti nene ne Yawe ninkuula cipya cipya imisumba iyononike, nu kututulula ivyalo ivyalalukanga. Ee, ivyalanda ne Yawe nu kucita avino ndavicita.”

Aina Levi 18:21

Utapeela umwi uwamu ana yako kuti aomviwe mu mapepo yakwe leza Moleki, pano cico cingaleta muzewanya kwi zina lyakwe Leza, Yawe.

Masamu 103:1

We mwenzo wane lumbanya Yawe! Nani kwene wensi kandumbanye izina lyakwe ilyamuzilo.

Ezaya 37:23

Uzye aweni wino wemo ukatuka nu kusausya? Uzye aweni wino wemo ukuzaukila nu kumutumbila inkansi? Ala asi muntu muze, lelo anene, Wamuzilo wilya wakwe Izlaeli.

Ezaya 45:11

Yawe Wamuzilo wilya wakwe Izlaeli nupya Kaumba wakwe, wavwanga wati, “Uzye wakwata insambu zya kunguzya apa ana yane, nanti ukumpela ilamulo lya kucitilamo imilimo?

Ezaya 49:26

Yayo akamucuzya ndayatunkizya iminyefu iyakwao. Yalakoleka nu wazi wakwao aeneco, kwati antu yano yakoleka waini. Lyene antu yonsi yalamanya ukuti nene indi Yawe. Yalasininkizya ukuti nene Mukuluzi winu, Wamaka wilya wakwe Yakobo.”

Ezekelo 39:8

“Icintu cico cilafikiliziwa! Nu kucitika cilacitika,” ivyalanda ne Yawe Simwandalali. “Uo ali wanda uno nasowile.

Ezekelo 39:25

“Yawe Simwandalali wavwanga wati, ‘Fwandi lyene namawezezya amu mupanda wakwe Yakobo, aina Izlaeli, namasakamala ang'anda yakwe Izlaeli yonsi, namasakamala ni zina lyane lyamuzilo.