Ezekelo 34:2 - Amazwi Yakwe Leza 2013

² “We mwana wa muntu, semela yakacema amu Izlaeli, useme uyanene uti, avino Yawe wavwanga wati, kalanda kuli yakasema amu Izlaeli, yao akaisemela sile aeneco. Uzye yakacema yasi nu kucema ufyo?

Ezekelo 34:2 Referans Kwoze

Yelemiya 23:1

“Kalanda kuli yakacema yano yakaleka ukuti imfwele zya ufyo wane ziponge nu kusalangana!” Ivyalanda Yawe.

Yelemiya 3:15

Alino ndamupeela yakacema ukulingana ni vilatemwa umwenzo wane. Yene yalamucema ningo na mano.

Ezaya 40:11

Amasunganga imfwele zyakwe wakwe kacema. Amakolonganikanga utwana twa mfwele, nu kutupakatila apa minwe yakwe. Amatungululanga na yanyina mfwele ningo sana, nu kuyatwala ukwa kupuzila.

2 Petulo 2:3

Pamulandu wa kutemwisya cuma yene yalamusomba na mazwi aucenjezi. Lelo kuvunukwa kwao kwateyanyiziwa mpiti, nu kononwa kwao kukayalolela.

Yelemiya 10:21

Nani ali pakwasuka inti, “Intunguluzi zitu izitumpe. Zyene zisiuzya Mwene vino angazitungulula. Uli mulandu uno zyene zyaposiwa, nga na antu itu yasalangana.

Loma 16:18

Pano yao akacita vii yasyatumikila Klistu Mwene witu, lelo yakatumikila vilondwa vyao. Kupitila mu mazwi yao akusyenteka nga ni mvwango zyao zya kutasya mwi syente, yene yakasomba antu akaele yano atakuma ku vintu vii.

Milimo 20:29

Imanyile ukuti lino ndapita, antu ali wa mimbulu ikalipe cuze yaliza munomuli, nga yatalapanya ufyo.

Zakaliya 11:17

Kalanda kuli kacema wii ciwelewele ca muntu! Wene watatazyela imfwele! Maka yakwe yalasilila umu nkondo. Ikasa lyakwe liluuma liye na ndi, na manso yakwe yalapafula!”

Ezekelo 13:19

Mukanzewanya apa manso ya antu yane, apakuti mulole utungano twakwe baale tumwi utwa pikufi, nga nu tumokolwa twa mukate. Pasi pano mukakoma antu atalinzile nu kufwa, nu kupususya atalinzile nu kwikala muno nsi. Mukasomba antu yane yano yatemwa ukuuvwa vyaufi.’”

Milimo 20:26

Caleka namunena icumi nati mu wanda wilelo ndi cakuti wenga uwa munomuli walowa, ale asi pamulandu wane.

Yelemiya 12:10

Yakateeka aingi amu mpanga zyuze yatiyonona icalo cane ca matingi. Impanga yane ino itaizipila yatiyaisangula wa lwanga.

Yelemiya 2:8

Yasimapepo nayo yakanyile ukuuzya yati, ‘Uzye Yawe ali kwi?’ Yakapingula nayo yatamanyile nene, intunguluzi nazyo zyansangukile. Yakasema nayo yasemile mwi zina lyakwe Baali. Nga yalondela utuluwi utwasilesile.

Ezekelo 33:24

“We mwana wa muntu, antu yano yakaikala mu matongwa yamu Izlaeli yavwanga yati, ‘Abulaamu wali sile wenga lino yamupiile impanga ii. Lelo swemo tuli aingi. Lyene fwandi impanga ii, iitu.’

2 Samueli 5:2

Ku mpiti, lino Saulo wali umwene awewe kwene watungululanga aina Izlaeli umu nkondo. Yawe nawe wakulavile ukuti ulatungulula antu yakwe nu kuya umwene wao.”

Yoane 10:8

Yauze ankolelile yene aivi nupya vipondo, nga ni mfwele zitayuvwile.

2 Kolinto 12:14

Lii, ila lyakwe citatu lino nkupanga kwiza mutandalila. Lelo na ndakai ntakulonda kulenga cimwi kuno muli. Nkulonda sile mwemwe, lelo asi kuya wa cisendo kuno muli. Usi mulimo wa ana kusungila akwasi yao vyuma, lelo mulimo wa akwasi kusungila ana yao.

Yuda 1:12

Antu yaa, mu vicitwa vyao vyansonyi yakolana na maala akowele lino mu kulya nao vimulo vinu vya utandano. Yakaisakamala sile aisikulu. Yakolana na makumbi akaululwa nu muza, lelo yatangaleta imvula. Yakolana ni miti isyaseeka vizao pa nsita yakweyo, ino yuuma, yatukulwa kumwi na masinte.

Ezekelo 22:25

Intunguluzi zyao zili kwati a yacisama akung'anza pa nsita ino yakutakanya inyama ino yalemile. Intunguluzi zikakoma antu nu kuyapoka impiya, ni vyuma vyao vyonsi, zikalenga ukuti yamangu aingi yasyale yamukamfwilwa.

Ezekelo 34:1

Alino Yawe avwanga kunondi ati,

Ezekelo 34:14

Ndazicemela umwaya umulemvwe usuma, mu myamba nu ku nguzi nu mu mpanga zyonsi zya mulemvwe, izyaya mu mpanga ya Izlaeli.

Ezekelo 34:15

Nene kwene ndacema imfwele zyane nu kuzitwala ukwa kupuzila. Ee, anene kwene ne Yawe nalanda.

Amosi 6:4

Kalanda kuno muli mwemuno mukalala pa misanzi inu iyembe, ino yapangilwa ku mino ya nzomvu, mwemuno mukasalala pa mipando inu, nu kuipakizya iminyefu ya ana ya mfwele asuma na ana ya ng'ombe anone.

Ezaya 56:11

Intunguluzi zizyo zyaya wakwe yasimbwa, yakalya mukululu. Intunguluzi zimwi imbulwamano. Zyonsi sile yonga yonga zikacitila ivintu muno zitemilwe. Zikalondelela sile ulonsi.