Ezekelo 33:3 - Amazwi Yakwe Leza 2013

³ Nawe ndi walola kuno anisi yakupalama, alalizya intandala apakuceula antu yonsi.

Ezekelo 33:3 Referans Kwoze

Oseya 8:1

Yawe akuti, “Lizini intandala! Anisi yatiyuwa apa mpanga yane wakwe lyang'anda apapela pa nyama. Antu yane yavuna upangano wane, nu kusangukila amalamulo yane.

Neemiya 4:20

Ali cino fwandi konsi kuno mumauvwila ukulila kwa ntandala, akuno mulinzile mwasimwilila zuwa. Leza witu aliwe amatulwisizyanga.”

Yowelo 2:1

Lizini intandala ku Zioni. Pundini nu kuyasoka pa mwamba wane uwamuzilo. Aikala nsi yonsi yazakaze, pano ukwiza kwa wanda wakwe Yawe kwatikupalama.

Ezaya 58:1

Yawe wavwanga wati, “Pundisya utacilikizya izwi lyako! Uwangulisye wi penga! Kalipila antu yane apa kusanguka kwao, unenole na ang'anda yakwe Yakobo apa maifyo yao.

Neemiya 4:18

Kakuula wensi nawe lino akuomba mbali ale apikilizye icanzo umu musana. Kalizya wa ntandala nawe ale aimilile umupipi nani.

Yelemiya 51:27

“Imikini ulunga mu mpanga yonsi! Lizini intandala apakuti inko zyuvwe! Teyanyini antu amu nko ku kuyalwa inkondo na ina Babiloni! Amini ukufuma ku Alalati, uku Mini, nu ku Asyikenazi yamwene akuyamuwililila. Sontini musika uwakutungulula ulwi uo. Tumini kweneko imfwalasi zivule wa cikundi cakwe makanta.

Yelemiya 6:1

Mwe antu yakwe Benjamini, utukini! Mupuuke mu Yelusalemu! Lizini intandala mu Tekoa. Imikini imendela yakusonta ku Beti Hakelemu. Uzanzo nu uononesi vyasya vize ukufuma ku katutu.

Yelemiya 4:5

“Laizini umu mpanga yakwe Yuda nu kuuma imbila mu Yelusalemu muti, ‘Lizini intandala mu mpanga yonsi ya Yuda nu mu Yelusalemu!’ Pundini na maka muti, ‘Konganikini antu pamwi! Lekini tutukile ku misumba ya malinga!’

1 Kolinto 14:8

Nupya ipenga ndi lyalila kwaula kuvwika ningo, uzye aweni angaiteyanya kuya ku kulwa kwa vita?

Ezekelo 3:19

Lelo ndi wasoka umuntu mwipe, lelo wene wakana ukuta uyi wakwe, lyene umuntu wiyo alafwa pamulandu wa uyi wakwe. Lelo wemo ule waipususya.

Amosi 3:6

Uzye lino intandala yalila mu musumba, antu yasizakaza uku ntete? Uzye umukosi ndi wapona mu musumba, asi kuti Yawe uwacita cico?