Ezekelo 30:9 - Amazwi Yakwe Leza 2013

⁹ “Mu wanda ulya, ndatuma inkombe mu vimawato kuti zize zyoofye aina Kusyi, nga yene yalazakaza uku ntete apa wanda ulya lino impanga ya Eguputo ilononwa, pamulandu wakuti uwanda uo uliza.

Ezekelo 30:9 Referans Kwoze

Ezaya 23:5

Nanti sile aina Eguputo, nayo kwene yalaculukila, nu kuzakaza apakuvwa ukuti Tuli wataononeka.

Zefaniya 2:15

Ukwene uli musumba uno waitakizizyanga amaka nu kwelenganya ukuti utenzi mu mutende. Antu yamwenemo yakaelenganya mu myenzo yao yati, “Umusumba witu uli musumba umu nsi yonsi uwamaka ukuluta.” Wene ulaya wi tongwa, mumo muno inyama zya mpanga zilikala! Umuntu wensi wino alapita apipi alazakaza nu kuvwa amiiku uku ntete.

Zefaniya 2:12

Namwe kwene mwe ina Kusyi, Yawe alamukoma uku lupanga lwakwe.

Amosi 4:2

Yawe Simwandalali mu muzilo wakwe ulya, walapa ati, “Cumi nkumunena ukuti insita iliza lino antu yalamukweta na maswelo wa nswi. Yalamuswela na maswelo wenga wenga mpaka nu wakusyalikizya.

Ezekelo 39:6

Ndaponyezya umoto pa mpanga ya Magogi alino nu mu nkumba zyakwe yemba nu mwikala antu ku matwi cele. Nga alino lyene yalamanya ukuti nene indi Yawe.

Ezekelo 38:11

Ulalanda ukuti, namakatukila impanga ino itacingililwa, namazanza antu yaa yano yaikalila ku matwi cele, umu misumba ino itakwata amalinga, imilyango nanti mipikilizyo.

Ezekelo 33:33

Lino vivyo viliza, nupya vili mupipi vyasya vize, lyene alino yalamanya ukuti pakasi kao pali kasema.”

Ezekelo 27:35

“Yonsi aikalanga mu nkumba zya kutali, ulanda wati uyalema pamulandu wako. Yamwene yayo intete zikalamba zyatiziyalema, yatiyafimfintika na pa manso.

Ezekelo 26:16

Intunguluzi zyonsi zya pali yemba zilatenuka pa vilimba vyakwezyo, zilazuula imingila yakwezyo ni nsalu zyakwezyo zipikulwe. Zilalemwa ni ntete nu kwikala pansi. Zilazakaza ukwaula ukuta, zilasyala na masakamiko pamulandu wako.

Yelemiya 49:31

Katukini mukalwisye umutundu utakwata isakamiko, uno wikala ku matwi cele. Uno utakwata impongolo nanti imikolongelo, wikala sile pwanku onga mpo. Ivyalanda ne Yawe.

Yelemiya 49:21

Insi ilatenta uku congo ca kuwa kwao, nga ni zwi lya mpooma zyao, liluvwika ukufika na kuli Yemba Muyenzu.

Ezaya 47:8

“Lyene uvwa kuno, wemuno watemwa ukuilyokezya pano nsi. Wemo ukailola kwati wikala umutende pano nsi, nu kuyuvwa kwati ungalingana nani ne Leza, nu kuinena uti, ‘Kutaya umonsi namuze uwakolana nani. Ntalatala nje mukamfwilwa nanti ukufwilwa ana.’

Ezaya 20:5

Lyene yayo yonsi asintilila mu mpanga ya Kusyi nu kuitanka pa ina Eguputo, yaluvwa intete nga ni nsonyi zilayalema.

Ezaya 20:3

Lino umusumba wa Asyidodi waposilwe alino Yawe wavwanzile ati, “Ezaya umuomvi wane camusendela imyaka itatu ala akupita tupu ukwaula nanti indyatu uku ngazo. Icintu cii ali cimanyililo ca vintu ivilaponela aina Eguputo na ina Kusyi.

Ezaya 19:17

Aina Eguputo yalaoopa impanga yakwe Yuda, lilyo lyonsi lino yalauvwa kuno Yuda walumbulwa, apamulandu sile wa vintu vino Yawe Wamaka yonsi wapanga ukuyacitila.

Yakapingula 18:7

Acino aonsi yalya yasano pali pakukatuka nga iyaya ku musumba wa Laisyi. Yaweni vino antu ya kweneko yakaikala umu kucingililwa wa ina Sidoni. Yene antu atemwa umutende, aikala ku matwi cele, nupya yasicita ivikanza nu muntu. Antu yaa yatulilwe ivintu vino yalondanga. Yene yikalanga ukutali nu kwali aina Sidoni nupya yatakweti kapitilo na antu yauze asyala.

1 Tesalonika 5:2

Mweisikulu mwamanya ningo ukuti Wanda lino Mwene aliza ulaya kwati kwiza kwa mwivi usiku.

Ezekelo 24:14

Ne Yawe Simwandalali nalanda. Insita yatifika yakuti incicite. Insikuta sile foo, nupya nsikukutezela nanti ukuvwa uluse, awe. Wemo namakuvunuka pa vicitwa vyako. Ivyalanda ne Yawe Simwandalali.”

Habakuku 2:3

Uumbwilo uu uli nu kufikiliziwa apa nsita yakweo ilingine, ino ili nu kufika ukwaula kuzimba. Nupya ulacitika ukwaula kutwisika. Lelo ndi mwalola ukuti wene wazimba, nemo nkuti muulolele mutazukuwa. Wene ulafikiliziwa ukwaula kucelwa nanti ukulezyalezya.