Ezekelo 30:4 - Amazwi Yakwe Leza 2013

⁴ Ulupanga lulizila Eguputo, intete zikulu zilalema aina Kusyi, alasyala impondo yalapona mu Eguputo, lino yalasenda ivyuma vyaya mwenemo nu konona imifula ino wakulilwapo.’

Ezekelo 30:4 Referans Kwoze

Ezekelo 29:19

Caleka Yawe Simwandalali wavwanga wati lola, namasumba impanga ya Eguputo mu makasa yakwe Nebukadineza, umwene waku Babiloni. Wene alatola ivyuma vyayamo, akavisampe nu kuvisenda, pakulipila ivita vyakwe.

Ezekelo 29:8

“Caleka Yawe Simwandalali walanda wati, lola ndakutumila ulupanga lwa kukukoma, we mweneco kwene na antu yako kumwi ni viteekwa vyako.

Ezekelo 29:12

Ndasangula impanga ya Eguputo ulwanga mukasi ka mpanga izyononeka. Pa myaka amakumi yani imisumba yayamo ilaya amatongwa mukasi ka misumba iyononeka. Ndasalanganyizizya na ina Eguputo mu mitundu nu kuyapasila mu masi.”

Yelemiya 50:15

Watacimba, impungu zyakwe zyatiziwa. Amalinga yakwe yatiyaongoloka. Cii, ali cilanduzi cakwe Yawe. Ilandwilini mwenga kunoli, ndi vino wene wacisile, avino namwe mucite.

Ezaya 19:2

Yawe wavwanga wati, “Nemo ndasongelekanya aina Eguputo kuti yalwe atupu. Lyene yalalwa umuntu nu mwina, umuntu umwi nu mwinipamba muze, umusumba umwi nu musumba uze, alino uwene umwi nu wene uze.

Ezaya 16:7

Ala icumi aina Moabu yalalila kalanda. Yalaalila lino yaliusya ivyakulya vino yalyanga umu musumba wa Kili Haleseti.

Ezaya 18:1

Kalanda ku antu aikala mu mpanga yamu nkumba zya nguzi zyamu Kusyi! Kuku kwene kukauvwika ukupungaila kwa maapa.

Ezekelo 38:5

Ivita vyaku Pesya, nu ku Kusyi nu ku Puti, vili pamwi na alio. Yonsi kwene yakweti visyangu ni vimpompo vya nkondo.

Danieli 11:43

Alasenda ivyuma vifiswe vyamu Eguputo vyakwe zaabu na siluva nga ni vintu vyuze vikankala. Wene alacimvya aina Libya na ina Kusyi.

Zefaniya 2:12

Namwe kwene mwe ina Kusyi, Yawe alamukoma uku lupanga lwakwe.

Ezaya 20:3

Lino umusumba wa Asyidodi waposilwe alino Yawe wavwanzile ati, “Ezaya umuomvi wane camusendela imyaka itatu ala akupita tupu ukwaula nanti indyatu uku ngazo. Icintu cii ali cimanyililo ca vintu ivilaponela aina Eguputo na ina Kusyi.

Yelemiya 46:9

Kalaukini mwe mfwalasi, namwe maceleta zingulusini imipeto. Ingilini umu nkondo mwe vita, mwe ina Kusyi na mwe ina Libya, ale musenzile ni visolelo umu minwe. Kumwi namwe kwene mwe ina Lidya mwemuno mwacenjela ukukana malapwa nu kufiika inceto.

Ezekelo 28:23

Alakuponyezya impungo nu kuzwisya uwazi mu miseo yako, na akomwe yalaponela ku lupanga, ululakwizila ukufuma konsi konsi. Alino yalamanya ukuti nene indi Yawe.’