Ezekelo 3:21 - Amazwi Yakwe Leza 2013

²¹ Lelo ndi waceula umuntu umwi umusuma pakuti ataifya, nawe wakuuvwa wata nu kucita iviipe, umuntu wiyo alaikalilila umu umi nawe kwene ulapusukako.”

Ezekelo 3:21 Referans Kwoze

1 Timoti 4:16

Uisunge nupya ucenjele mu kusambilizya kwako. Utwalilile kucita vintu vii, pano ndi wacita cii, ale lyene ulaituula wemwisikulu nga na yao akukuvwa.

Yakobo 5:20

Iusyini ukuti wino wensi uwawezya kaifya kufuma ku viponge vyakwe ala wene alamutuula kufuma ku mfwa nga nu kuleka kuti aelelwe maifyo yakwe aingi.

Tito 2:15

Sambilizya vintu vii nu kuomvya maka yako yonsi lino ukukomelezya nu kunenola yano akukuvwa. Utaleka umwi uwa munoyali akusuule.

1 Kolinto 4:14

Nkumulembela cii, asi pamulandu wa kumucita insonyi, lelo apakuti imusambilizye wa akundwe.

Mapinda 9:9

Vyonsi vino ungasunda uwamano, ala ivyakumulundilapo amano. Sambilizya umuntu akacita vyaololoke, nga nawe amalundapo ukumanya.

Milimo 20:31

Pempulini, lyene nu kwiusya ukuti pa myaka itatu, musanya nu usiku, namusambilizye cila wenga, na minsozi.

Masamu 19:11

Ali muno ne muomvi wako inkapula amano nu kuyawaka. Umu kuyalondela ali muno ndapokelela ni cilambu icikalamba.

Umbwilo 3:19

Nkanenola nu kuvunuka yonsi yano natemwa. Lyene ikako mano nu kuzenzuka.

1 Tesalonika 5:14

Mwe ina itu, tukumukonkomezya kusokela akasu, kukomelezya yacantete, kwazwa atonte, nga nu kutekelela antu onsi.

Mapinda 17:10

Umuntu wamano akauvwa uku kukalipilwa ukuluta uku ciwelewele cino yuma inguma umwanda.

Kolose 1:28

Klistu awino tukakosola ku antu onsi. Tukaomvya mano itu yonsi mu kuyasoka nu kuyasambilizya, pakuti alondezi yakwe yonsi yakule muli Klistu.

1 Kolinto 10:12

Wino wensi akwelenganya ukuti aimi nu kuzyansya, wene alinzile kutekela kuti atapona.

Ezekelo 33:9

Lelo wemo ndi waceula umuntu mwipe, alino wene wakana ukuta ukwifya, lyene umwisikulu alafwila pa uyi wakwe, lelo wemo ulapusuka.”