Ezekelo 26:7 - Amazwi Yakwe Leza 2013

⁷ Pano Yawe Simwandalali wavwanga wati, “Silola, nkutumila aina Tuli umwene waku Babiloni, umwene wakwe yamwene, wene alafuma ku ntunga yaku katutu, aliza ni mfwalasi na maceleta na akapita pa mfwalasi nga ni umba lya vita ilikulu.

Ezekelo 26:7 Referans Kwoze

Danieli 2:37

We musambazi, wewe uli mwene mukalamba pali yamwene yonsi. Leza wa mwiyulu wakulasika pa wene, wakupeela na maka nu ulamba nga nu lulumbi.

Ezila 7:12

Mwali amazwi akuti, “Ukufuma kuli Alitakisesi umwene mukalamba. Nalemba kuli Ezila, simapepo, kalemba wa masunde yakwe Yawe Leza wa mwiyulu.

Ezekelo 23:24

Yalakwizila ukufuma ku kayeya, yalaya na maceleta ni vyakusendelamo iviya. Yene yalazwalila ivyaulwi, vimpompo pakukulizizya. Nene ndayanena uku kupingwila, nga nayo yalakupingwila kulingana na masunde yao.

Oseya 8:10

Nanti angala yene yalemana na antu amu nko zyuze, ndayakolonganya nu kuyonona. Zuwazuwa yene yalondoloka wakwe cimwi apa kuzunyiwa nu utesi wa mwene waku Asilya.

Danieli 2:47

Umwene avwanga ati, “Leza wako umukulu pali yaleza yonsi, umwene wakwe yamwene, nupya aliwe akaumbula inkama. Manyile cii pamulandu wakuti we Danieli watuumbula inkama.”

Yelemiya 52:32

Nupya wamucitilanga luse nu kumupeela icilimba cacindime pa vilimba vyakwe yamwene yauze, yano yali nawe pamwi ku Babiloni.

Yelemiya 25:9

indi nu kwama imitundu yaku kayeya, namaama umuomvi wane Nebukadineza umwene waku Babiloni, namaama antu yano yakaikala ku mpanga ilya apakuti yize yamuvwangatile, yavwangatile kumwi ni mitundu ino yamuzinguluka. Namamulovya mwensi pyu pakuti antu yauze ndi yalolekesya yatandika sile kuizakazila pamulandu ni ntete. Ivyalanda Yawe.

Ezaya 10:8

Wene akaitanka nu kuitanka ati, “Nemo yamusika ya vita vyane yonsi a yamwene!

Ezekelo 28:7

nemo namakuletela ainamasi kuti yakupezye. Yene antu yamwi akakate ukuluta. Yalasomola amalupanga yao kuti yonone ukuyemba kwako na mano yako nga nu kutotola ululumbi lwako.

Ezekelo 26:3

Caleka nemo ne Yawe nkuyanena inti, ‘Mwe ina Tuli, lyene nene indi mwanisi winu alipo. Ndakatusya antu amitundu ivule pakuti yakize yakamuzanze, yaliza ndi vino maimbi ya muli yemba yakacita.

Ezekelo 17:14

apakuti umutundu waziko ucepelwe amaka, ukaposiwe nu kukatukila umwene waku Babiloni, na pakuti upangano wasungwa ningo.

Yelemiya 25:22

Yamwene yonsi aku Tuli, yamwene yonsi aku Sidoni nga na yamwene aku vilila vyakwe yemba waku Mediteleniani.

Yelemiya 6:23

Yene yalasenda amalapwa na masumo mu minwe. Yene akalale nupya yasi nu luse. Yalaangula icongo kwati ukulunkuma kwakwe yemba mukalamba, lino yakupita pa mfwalasi. Yene yatiyaiteyanya ukukulwisya Yelusalemu.”

Yelemiya 4:13

Lolini! Umwanisi akwiza wa makumbi. Amaceleta yakwe ankondo yakwiza wakwe nkungulupya. Imfwalasi zyakwe zilusile yacipungu uku lwilo. Kalanda kunotuli! Twatitononwa!

Yelemiya 4:7

“Wakwe cisama uwatakatuka ukufuma mwi tesi muno afisime, avili vino umononyi wa mitundu watakatuka ukufuma ku cifulo cakwe. Wene akwiza ku konona Yuda. Imisumba yaku Yuda ilononwa isyale wa vitumba. Kusi umwi wino alikala mwenemo.