Ezekelo 26:3 - Amazwi Yakwe Leza 2013

³ Caleka nemo ne Yawe nkuyanena inti, ‘Mwe ina Tuli, lyene nene indi mwanisi winu alipo. Ndakatusya antu amitundu ivule pakuti yakize yakamuzanze, yaliza ndi vino maimbi ya muli yemba yakacita.

Ezekelo 26:3 Referans Kwoze

Yelemiya 51:42

Yemba watakatukila Babiloni na maimbi yakwe yano yatiyakatuka yakumutuwizya.

Ezaya 5:30

Mu wanda ulya wemo ulapamola aina Izlaeli wakwe vino yemba akacita. Lolekesyini impanga ino tuli mwenemo! Imfinzi sile na malanda ali vino vili mwenemo! Imfinzi aino yatiyandatila apa luswepo.

Mika 4:11

Lelo ndakai antu amu nko zivule yatiyakongana kuti yize yamuzanze. Yene yakuti, “Tuini tonone Yelusalemu, mpaka tulole ukuti waya wa citalang'anda!”

Luka 21:25

“Kulaya vilangililo vyakuzunguka pi lanzi, mwezi, ni ntanda. Muno nsi, antu amu nko zyonsi yaloofiwa nu kupelelwa pamulandu wakukatuka kwa maimbi nga nu kululuma kwakwe yemba.

Zakaliya 14:2

Ndakonganinka antu amu nko zyonsi kuti yize ku kuzanza umusumba wa Yelusalemu. Yene yalapoka umusumba uo nu kunyenkana ivyaya mwenemo nga nu kulema pa maka anaci aya mwenemo. Citika wa antu amu musumba ulya yalayasenda mu uzya, alasyalapo yene yatalayazinga mu musumba foo.

Naumi 2:12

Cisama uwakalume ndi walema inyama yene iyakulya uwakaci na ana yakwe. Ndi waikakola nga aisalanganya umu ninga yakwe yacisama kuti yailyokezye.

Ezekelo 38:3

Umunene uti, Yawe Simwandalali walanda wati, natinja umwanisi wako, we Gogi, kateeka mukalamba wa musumba wa Mesyeki nu wa Tubali.

Ezekelo 28:22

‘Yawe Simwandalali walanda wati amakufutukila, we Sidoni, amacindamila na munuli. Yalamanya ukuti nene indi Yawe, pano alakulula ndi vino wakupingila, alalanga nu ucindami wakwe munuli.

Ezekelo 27:26

Yakafiya yako yakufiyanga mukasi kakwe yemba, lelo umuza waku ufumondaka wakufwantola mukasi kako.

Ezekelo 21:3

nena impanga yakwe Izlaeli uti, ‘Yawe wavwanga wati lola nakukatukila, namasomola ulupanga lwane mu cituwo, pakukoma umulungami pamwi ni ntalanganyi.

Ezekelo 5:8

Caleka ne Yawe Simwandalali nkuti, nemwisikulu nakusangukila, we Yelusalemu, nupya ndakuputwila imilandu pa manso ya antu amitundu yonsi.

Yelemiya 50:42

Yasenzile amalapwa na masumo. Antu yamwi akakate, nu luse yatakwata. Imitinti ya mfwalasi zyao ikuvwika kwati a yemba uwatakatusya amaimbi. Yene yakwizila Babiloni.

Yelemiya 50:31

Lolini mwe ina Babiloni, mwe viyantu vya cilumba. Nemo ne Mwene, Yawe Wamaka yonsi, natimukatukila. Pano insita inu yatifika, iyakuti muvunukwe.

Yelemiya 21:13

Ala awewe kwene, awewe nkulwisya we Yelusalemu we muno wikala apa sanzuke, wa ciliwe cino catumpuka apapela mu cifoloma. Lelo nemo ndalwisya mwemwe. Mwemo mukalanda muti kusi nanti wenga wino angamuzanza nanti kumwingilila mu vifulo vinu vya kuzinamo.

Yelemiya 6:23

Yene yalasenda amalapwa na masumo mu minwe. Yene akalale nupya yasi nu luse. Yalaangula icongo kwati ukulunkuma kwakwe yemba mukalamba, lino yakupita pa mfwalasi. Yene yatiyaiteyanya ukukulwisya Yelusalemu.”

Masamu 107:25

Nga wapeela ilamulo, umuza iukatuka, iukatusya na maimbi pali yemba.

Ezekelo 26:19

Pano Yawe Simwandalali wavwanga wati, “Lino ndakusangula itongwa, wa misumba itatala ikalwamo, lino ndakuletela itenga nu kukutuwizya mu manzi azike,

Ezekelo 29:10

Caleka nemo namakufutukila, wewe kwene na Nailo wako. Namasangula impanga ya Eguputo ulwanga umu siikalwa umuntu, kutandikila ku Migidoli ukufika nu ku Siyene, na kuli nande waku Kusyi.

Naumi 3:5

Yawe Wamaka yonsi wavwanga wati, “Nemo indi wa mwanisi winu. Ndakuzula nu kukuzewanya. Antu amu mitundu yonsi yalakutambila, alino uluvwa insonyi pakasi ka mawene yonsi.

Zakaliya 9:4

Lelo Yawe wene alafumya sile vyonsi ivyaya mu musumba wa Tuli. Ivyuma vyonsi ivyayamo alavisumbila pali yemba, nu musumba ulya kwene ulatumuka umoto.

Yelemiya 25:22

Yamwene yonsi aku Tuli, yamwene yonsi aku Sidoni nga na yamwene aku vilila vyakwe yemba waku Mediteleniani.