Ezekelo 24:9 - Amazwi Yakwe Leza 2013

⁹ Caleka Yawe Simwandalali wavwanga wati, “Kalanda ku musumba wa vipondo! Anene kwene namauninkwilapo umoto.

Ezekelo 24:9 Referans Kwoze

Habakuku 2:12

“Kalanda kuli wino akakuula umusumba umu utazi wa katwe nu kuumalila mu kukalala.

Ezekelo 24:6

Vii ivyalanda Yawe Simwandalali, “Kalanda ku musumba wa vipondo! Umusumba uli wa mupika wa ngalawa uno utalatala ukuzwe. Yakungula inyama zyonsi, ukwaula ukusyamo nanti yonga.

Ezaya 30:33

Ala ampiti sana lino yateyinye icilinkwa ca moto umwakocela umwene wa ina Asilya. Ciwina icizike nupya icikulu, muno inkwi zyazulamo tupu, Yawe umweneco aliwe amaiza auvwiile nu mupu wakwe nu moto wize utumuke kwati amaluti akupya.”

Umbwilo 21:8

Lelo antete na yano asi nu utailo, na yakacita ya vintu vyawinyi, ni nkomi, yacizelele, alozi, na yakapepa ya tuluwi, na antu yonsi antumpu, wikalo wao a yemba wa moto muno maluti yakapya. Ii ili mfwa yakwe ciili.”

Umbwilo 16:19

Musumba ukulu wankanikana mu viputulwa vitatu, nga misumba ya mpanga zyonsi yononeka. Leza aiusya Babiloni mukulu nga amumwesya waini uwamu lwako lwa cipyu ca ukali wakwe.

Umbwilo 16:6

Yene yazwisizye uwazi wa antu yakwe Leza nga na yakasema. Caleka watuyapela uwazi kuti yamwe. Yene yapokelela kulingana ni milimo yao.”

Umbwilo 14:20

Alino matingi yafenwa mu ciwina cakufenelamo kunzi ya musumba. Alino uwazi ufuma mu ciwina cakufenelamo uno wizile uya kwati luzi luno mu utali lwali makilomita myanda itatu nu kuzika kwakwelo kwali manye mamita yaili.

Yuda 1:7

Iusyini Sodoma na Gomola, nga ni misumba iyazingulwike muno antu yaitumfile mu vyawinyi. Yene yaya icilangililo kuli yonsi ca uvunuko waku moto wape.

2 Tesalonika 1:8

mu cimbilimbili ca moto, kwiza vunuka yao akakana Leza nupya asyataila Ilandwe Lisuma lya Mwene witu Yesu.

Naumi 3:1

Kalanda ku musumba uno ukazwisya uwazi wa antu avule, umusumba wantumpu nupya umwazula ivisampwe, umusyaulwa yayo atiyazanzwa.

Ezekelo 22:31

Fwandi nemo ndayafulumila ukali wane nu kuyonona ndi vino umoto ukacita, pakuti nkayafulule pamulandu wa vintu vino yacita. Ivyalanda ne Yawe Simwandalali.”

Ezaya 31:9

Umwene wao alapuuka, uku kuizakazila sile umweneco, uku ntete kumwi na yamusika yakwe kwene. Nayo kwene yaluutuka inkondo, yalasya ivita vyao ivya nkondo,” ivyalanda ne Yawe, nemuno yakapepa mu Yelusalemu, na wino mapepo yaya mu Zioni muno yakaocela impolelwa.

Ezekelo 24:10

Leta inkwi nazyuze! Sonsela penepo! Elekesya inyama! Itulula umusunyi, uleke mafupa yasikise!

Ezekelo 21:2

“We mwana wa muntu, sumba amanso ku Yelusalemu, kalipila incende yao yamuzilo nu kusesemela impanga ya ina Izlaeli,

Ezekelo 21:3

nena impanga yakwe Izlaeli uti, ‘Yawe wavwanga wati lola nakukatukila, namasomola ulupanga lwane mu cituwo, pakukoma umulungami pamwi ni ntalanganyi.

Ezekelo 22:2

“We mwana wa muntu, uzye ukasi kupingula Yelusalemu? Uzye ukasi kupingula umusumba uu uwazulamo utazi wa katwe? Lyene umunenole pamulandu wa vicitwa vyakwe vyawinyi.

Ezekelo 24:5

Usolole ni mfwele isuma mu ufyo. Uninkule ni cininkwa ca moto mwi ziko pakuti vitopote ningo, uleke na mafupa yatonte.’ ”