Ezekelo 23:9 - Amazwi Yakwe Leza 2013

⁹ Caleka namululile mu makasa yakwe yacuza yakwe yano watemilwe, mu minwe ya ina Asilya.

Ezekelo 23:9 Referans Kwoze

Oseya 11:5

“Acino antu yayo yalaswilila umu uzya ku Eguputo. Aina Asilya yalayateeka, pamulandu wakuti yene yakana ukuwela kunondi.

2 Yamwene 17:23

Suka apakusyalikizya Yawe ayafuntusya uku cinso cakwe ndi muno walanga walandila ukupitila muli yakasema aomvi yakwe. Ali vino aina Izlaeli yasenzilwe ukunzi umu uzya uku Asilya kuno yacili yakaikala na ndakai kwene.

2 Yamwene 15:29

Mu manda yakwe Peka umwene waku Izlaeli, Tigilati Pilesa umwene wa ina Asilya, wizile apoka imisumba ya Iyoni, Abeli Beti Maaka, Yanowa, Kedesyi, na Hazoli. Apoka na Gileadi na Galile, ukwika penepo ni mpanga yonsi ya Nafutali. Nga azingila aikazi ya mwenemo ku mpanga ya Asilya.

Umbwilo 17:16

Mpembe ikumi zino wali walola ni cilyanyi vilapata cizelele. Vilamupoka vyonsi vino wakwata nu kumusya tupu. Vilalya munyefu wakwe nu kumoca mu moto.

1 Milandu 5:26

Acino Leza wa ina Izlaeli aika ilango mu mwenzo wakwe Pulu, umwene waku Asilya, wino izina lyakwe lyuze yatangi Tigilati Pilesa, kuti akazanze impanga yao. Nga nawe asenda umu uzya amu mutundu wakwe Lubeni, na wakwe Gadi, nga nu mutundu pakasi wakwe Manase. Ayatwala ku Halaa, ku Haboli, ku Hale, nu ku luzi lwa Gozani, kuno yikala ukufika na ndakai kwene.

Yelemiya 4:30

Alino nawe we Yelusalemu, ulazanzwa! Uzye pacani cino ukazwala insalu ziyenzulukile? Uzye pacani cino ukazwala iviyembelo vyakwe zaabu, nu kuipentola apa vipa vyako? Ala ukuicuzya sile apakuiyemvya! Yayo akutemilwe mpiti yatiyakusuula, yene yakulonda kukukoma.

Ezekelo 16:37

icaleka nemo namakolonganika akundwe yako yonsi, yano wacinanga nayo, yano watemilwe na yano wapasile kwene. Ndayakolonganika icakuti mpaka yakakukatukile imbali zyonsi ziili. Alino nkakuzuule pa manso yao, pakuti nayo yakulole tupu.

Ezekelo 23:18

Lyene atandika ukuisenekezya kuli yonsi nu kuitasya pa uzelele wakwe. Nani insuka lyene imutendwa, ndi vino camfuulile kuli kaci muze.

Ezekelo 23:22

Fwandi lyene nemo ne Yawe nkukunena inti, wemo caticikufuulila ku akundwe yako, lelo nemo ndaleka kuti yakusokele, nu kwiza kulilizya.

Yelemiya 3:8

Waweni nakuno nazinzile umutalami Izlaeli apamulandu wa uzelele wakwe. Namupiile na kalata uwakumuzingila. Lelo Yuda, kaci wakwe, cizelele muze, wene atoofile foo. Waya wacita icili conga kwene.