Ezekelo 22:2 - Amazwi Yakwe Leza 2013

² “We mwana wa muntu, uzye ukasi kupingula Yelusalemu? Uzye ukasi kupingula umusumba uu uwazulamo utazi wa katwe? Lyene umunenole pamulandu wa vicitwa vyakwe vyawinyi.

Ezekelo 22:2 Referans Kwoze

Naumi 3:1

Kalanda ku musumba uno ukazwisya uwazi wa antu avule, umusumba wantumpu nupya umwazula ivisampwe, umusyaulwa yayo atiyazanzwa.

Ezekelo 24:9

Caleka Yawe Simwandalali wavwanga wati, “Kalanda ku musumba wa vipondo! Anene kwene namauninkwilapo umoto.

Ezekelo 24:6

Vii ivyalanda Yawe Simwandalali, “Kalanda ku musumba wa vipondo! Umusumba uli wa mupika wa ngalawa uno utalatala ukuzwe. Yakungula inyama zyonsi, ukwaula ukusyamo nanti yonga.

Ezekelo 20:4

“ ‘We mwana wa muntu, uzye umayaputwila umulandu? Uzye umayalanga uyi uno ivikolwe vyao vyacisile?

Ezaya 58:1

Yawe wavwanga wati, “Pundisya utacilikizya izwi lyako! Uwangulisye wi penga! Kalipila antu yane apa kusanguka kwao, unenole na ang'anda yakwe Yakobo apa maifyo yao.

1 Timoti 5:20

Wakalipila apaswe yao yonsi akaifya, pakuti asyala yuvwe intete.

Milimo 7:52

Uzye kwali kasema umwi wino vikolwe vinu vitazunyizye? Awe! Vyakomile inkombe, izyasowile ukwiza kwa muomvi wakwe mololoke wiya. Ndakai mwamukoopela ku anisi yakwe yamukoma.

Mateo 27:25

Antu yonsi yavwanga yati, “Lekini mulandu wa mfwa yakwe wii uye panotuli na ana itu.”

Oseya 4:2

Muli sile ukutipwila, ukutumpoka, utazi wa katwe, ukwiya nu kulongozya. Antu yakulunduluka ukwifya, nupya yakalukukomana.

2 Yamwene 21:16

Antu aula umulandu, yano Manase wakomile, yali anyanya umwi, icakuti uwazi wao wakonkolokanga umu tumiseo twamu Yelusalemu. Icintu cico calunzile sile pali vino wene walesile kuti aikazi amu Yuda yapepa utuluwi nu kucita ivintu vyawinyi vyuze apa manso yakwe Yawe.

Luka 11:50

Caleka antu amu mukulo uu yalapeelwa cilanduzi pamulandu wa kukoma yakasema yonsi kufuma ku uumbo wa nsi.

Mateo 23:35

Pamulandu kwene uu, Leza alamuvunuka pa kukomwa kwa antu yonsi yano ali akaele, kutandikila pa kukomwa kwakwe Abeli uwakaele, kufika na pa kukomwa kwakwe Zakaliya mwana Belekiya, wino mwakomile mu Ng'anda ikulu yakwe Leza pakasi ka cifulo camuzilo na kavuwa.

Yelemiya 2:34

Uku vyakuzwala vyako kwazanwa uwazi wa antu akaele apina, yano utazanikizye yakoomola ing'anda yako. Lelo nanti cili vivyo

Yelemiya 2:30

Lino namuvunuka, ala naicuzya sile pano mutapokelile isunde. Impaanga zinu azino zyakomola yakasema yinu, kwati a yacisama aononyi.

Ezekelo 9:9

Leza nawe anjasuuka ati, “Aina Izlaeli na Ayuda yakwata umulandu, pano yene yaifya wakwe cimwi. Yakomola antu konsi pyu mu mpanga ii, nupya nu mu musumba kwene uu mwazula tupu uyi. Yene yakalukuti, ‘Leza wafumyako amano ku mpanga itu. Yawe asikulola foo.’

Ezekelo 11:6

Mwazuzya wakwe cimwi ivyala muno musumba, ivya yantu yano mwakomola nga nuku zuzya imiseo yonsi alaswe asyala impondo.”

Ezekelo 22:1

Yawe avwanga kunondi ati,

Ezekelo 22:3

Unene umusumba uo vino ne Yawe Simwandalali nkulanda ukuti, Owe vino we musumba wailetelela apa kukoma antu yako avule na pa kuikowezya we mwisikulu ku tuluwi tuno waipangila.