Ezekelo 20:8 - Amazwi Yakwe Leza 2013

⁸ Lelo yene yamfutatila, yakana nu kunguvwa. Yakana kusumba tuluwi twao utwipisye, yakana nu kufumya amano yao ku tuluwi, tuleza twaufi twamu Eguputo. Nani ali pakuyafululula uyi uyi mumu kwene mu Eguputo.

Ezekelo 20:8 Referans Kwoze

Ezekelo 20:21

“Lelo nupya kwene inkulo iya nayo kwene yansangukile. Yene yasya umwi sunde lyane, yakana nu kuwaka ivipope vyane, ivintu ivilinzile kuyaletela yonsi umi ndi yakuvilondela. Yasuulila kumwi ni Sabata kwene. Nani ali pakulonda kuyafulula ukali ukali nu kuyakoma yonsi mumu kwene mu lwanga.

Ezekelo 20:7

Nemo nayanenyile ukusumba utuluwi twao utwipisye tuno yatemwa, nayanenyile nu kufuntunka ku ukowezya wa tuluwi, tuleza twaufi twamu Eguputo, pano nene nenga mpo indi Yawe Leza wao.

Ezekelo 7:8

Nasya nkuletele icipyu cane nu kuvuzya ukali wane pa kukufulula. Namakupingwila kulingana ni miyele yako nu kukulolwela pa vicitwa vyako vitaiipila.

Ezekelo 5:13

“Uluvwikisya apapela icipyu cane nu ukali wane ukufika sile na pano cilasilila. Lino vyonsi vivyo vilafikila, lyene mulasininkizya ukuti nemo ne Yawe navwanzile ukuti ndafulula ucisanguka wako.

Ezaya 63:10

Nga lelo yene yamutalamilanga nu kumufisya ku mwenzo. Nawe fwandi ali pakuyafutatila, ala umweneco akuyalwisya nu kuyalwisya.

Ezekelo 20:13

Lelo kwene nu mu lwanga kwene namo kwene yansangukile nupya yatapitanga nu kulondela amasunde yane, yasuulanga ni vipope vyane, vino yali nu kuwaka kuti yalolelemo uumi. Yene yasuulilila ne wamuzilo yonona na Masabata yane. Nani ali pakupanga kuyaponyezya ukali wane mu lwanga nu kuyalovya mumu kwene.

Malango 9:7

“Mwaiusya cii nupya mutaca mwilile vino mwalenzile Yawe Leza winu ukusoka mu lwanga. Ukufuma sile pa wanda uno mwafumile mu Eguputo kufika na pa wanda uno mwafisile kuno mwemo mwasangukila Yawe.

Neemiya 9:26

Lelo antu yako yene yakusangukile yakana uku kuyela. Yafutatila na masunde yako. Yakomola na yakasema yao ayaceulanga, apakuti yangawezya amano kunuli. Yene yavwanzile amazwi ya miponto kunuli.

Kufuma 32:1

Lino antu yalola ukuti Mose walengela kwika ku mwamba atawezile, iyakongana kuli Aloni. Alino yamunena yati, “Iza kuno utupangile leza wakuti atutungulula, pamulandu wakuti tutamanyile cino cati ciponela Mose wino uwatutungulwile pa kufuma mu Eguputo.”

Aina Levi 18:3

Mutalondela micitile ya ina Eguputo kuno mwatenzi, nanti micitile ya ina Kenani, ku mpanga ino nkumutwalako ndakai.

Masamu 69:24

Yafookele ukali ukali, uleke icipyu cako ciyasambule imyenzo wa moto!

Masamu 106:23

Ali cino Leza walanzile ukuti wange ayonone, iciya cakuti Mose umusololwe wakwe atimilila inkolelo yakwe, nu kuyapapatila apakuti angawezya umwenzo, atayonona.

Yelemiya 7:24

Lelo yakanyile ukunguvwa nanti ukuteya amatwi. Yalondelelanga ulunkumbwa lwamu myenzo yao iipe. Yene yamfutatile yakana nu kumfutatukila.

Yelemiya 11:8

Lelo yene yasi yakuuvwa foo nanti ukuyeela. Yonsi pyu pasi pakuumalala nu kwifya lyonsi. Nemo nayakonkomezizye ukuyela upangano wane. Lelo yene yakana. Ali cino nani natinjaletela ukuvunukwa yonsi yano yalembwa mu upangano uu.”

Ezekelo 20:16

Ee kwene, nalafile, pano yasuuzile ivipope vyane, yafuma nu mu masunde yane, yasuulila kumwi ni Sabata lyane lyamuzilo. Yatemilwe ukupepa tuluwi twao.

Ezekelo 22:22

Vivi kwene vino yakaengulula siluva mwi lungu, avino mulengululwa mukasi ka musumba. Alino lyene mulamanya ukuti nemo ne Yawe, nene namuponyezizye ukali wane.”

Oseya 9:10

Yawe akuti, “Inkolelo lino nazanyile Izlaeli cali wakuzana amatingi amutengo. Ivikolwe vyakwe vivi navitemilwe ungati ukulola iviseekwa vya nkolelo vya misamvu. Lelo lino yizile ku Baali Peoli, yatandike ukupepa Baali nga yasanguka yaya camuselu wa unkolanya kwene wao uwa, uno yatemilwe.

Malango 9:24

Mwemo mwasangukila Yawe ukufuma sile lino namanyile mwemwe.

Masamu 78:8

Yataca yakaye ivyali ivikolwe vyao, ivyasangukilanga Leza nu kumutalamila. Vyene vyatailanga Leza, citaile taile, ukwaula ukwika amano uku kumutontelela.

Masamu 78:17

Lelo yene yalondekinye ukwifya kuli Leza, nu kusangukila Leza Mukulu umu lwanga.

Masamu 81:12

Caleka nani njata vivyo kwene yasyala aumalale imyenzo, pakuti yaicitila vino aisikulu yakulonda.

Yelemiya 32:23

Nayo ali vino yingile mwenemo nu kuipoka. Lelo yakana ukuyela amazwi yako nu kulondela amasunde yako. Yatacisile nanti conga pali vino wayanenyile. Caleka walesile ukuti uyi onsi uyaponele.

Ezekelo 23:3

Lelo, ukufuma ku ukazyana wao, yene yacita uzelele na Eguputo. Wene uwayatonyanga amayele nu kufikina insota zya ukazyana wao.