Ezekelo 20:5 - Amazwi Yakwe Leza 2013

⁵ Yanene vino namalanda. Lino nasolwile aina Izlaeli, nemo nalavile ana yakwe Yakobo, indundapo nu kulapa. Nupya mu Eguputo nemo naisokolwile kunoyali nu kuyanena ukuti nene indi Yawe Leza winu.’

Ezekelo 20:5 Referans Kwoze

Ezekelo 47:14

Mulapoka mwensi ivipande ivilingane, pano ali vino nalavile ivikolwe vinu nu mulapo po inti, ‘Ndamupeela impanga, ilaya icuma cinu caupyanyi.’

Ezekelo 20:23

Nupya kwene mu lwanga kwene amuno naswilizye ukulapa. Lyene indapa ukuti indayasansantila mu mpanga zyonsi.

Ezekelo 20:15

Acino nani mu lwanga kwene ali pakulapa ukuti ntalayatwala mu mpanga ino nayapeela, impanga ikankala nupya yamuvundo, yaluta impanga zyuze zyonsi ku usuma.

Malango 7:6

Mulinzile ukucita vii, pamulandu wakuti mwemwe yakwe Yawe Leza winu. Wene wamusolwile ukufuma mu antu yonsi pano nsi kuti muye antu yakwe aiyele.

Kufuma 4:31

Lino antu yalola vizungusyo vii iyataila. Nupya lino yuvwa ukuti Yawe wataiza kunoyali, nu kuti watalola vino yakuyasunga mu kukalala, iyafukama pansi yafupime, nga yapepa Yawe.

Kufuma 3:8

Caleka natiniza kuti njatuule ukufuma mu makasa ya ina Eguputo nu kuyafumya mu mpanga ilya, nga njatwale ku mpanga ino ili ni ncende ikulu nupya ivunde cuze. Mpanga ilya ya ina Kenani, aina Hiti, aina Amoli, aina Pelizi, aina Hivi, na ina Yebusi.

Utandiko 14:22

Abulamu aasuka ati, “Nkulapa pa manso yakwe Yawe, Leza wapapelapela kaumba wa nsi ni yulu,

Umbwilo 10:5

Lyene mungeli wino naweni aimi pali yemba na pa musili atumpula ikasa lyakwe kwiyulu

Mako 13:20

Lelo Mwene ndi atacefizyeko manda yalya, kusi nanti umwi angatuulwa. Lelo pamulandu wa asololwe yakwe, Leza wacefya manda yalya.

Ezekelo 35:11

Caleka nalapa ne Yawe Leza waumi, nemo lyene ndalandula pa cipyu cako, na pa uzuwa wako, na pa lupato lwako, vino wakwatila antu yane. Alino nayo yalasininkizya ukuti nemo namayafulwila pali vino wacisile.

Yelemiya 33:24

“Uzye utuvwile vino antu yakulanda ukuti Yawe watasumba inko zyakwe Yuda ni zyaku Izlaeli zino waisololwelile sile umweneco? Yati yasuula antu yane, yasikuvwika apa mitundu foo!

Ezaya 43:10

Ala mwe ina Izlaeli mwe, mwemwe muli yakambone yane. Anene namusolwile kuti muye aomvi yane, pakuti mungamanya nu kunzumila, nu kumanya ukuti nene indi Leza nenga mpo. Inkolelo yane kutatala kwapangwa leza muze, nupya kutalatala kuye muze.

Masamu 103:7

Wanenanga Mose vyonsi vino angacita, nu kuleka aina Izlaeli yailolele ivicitwa vya maka yakwe.

Masamu 33:12

Wasyuka umutundu uo uno Yawe wasolwile. Ukuya ali Leza wao, yano wasolwile ukuya icuma cakwe.

Malango 32:40

Icumi kwene anene Leza wa umi, nkakatusya ikasa lyane papela nu kulapa

Malango 14:2

Mwemwe antu yakwe Yawe Leza winu, yano waisolwela umwisikulu pa mitundu yonsi iya pano nsi kuti muye antu yakwe kololo.

Malango 4:37

Pamulandu wakuti watemilwe ivikolwe vinu, wene wamusolwile, nga mu maka yakwe akulu amufumya mu mpanga ya Eguputo.

Malango 4:34

Uzye kwatala kwaya kaleza kamwi kano katala kezya ukufumya antu mu luko luze nu kuyacita antu yakako kololo, wakwe vino Yawe Leza winu wacitile mwemwe ku mpanga ya Eguputo? Mwailolile na manso inu ntontonto vino wene waomvizye amaka yakwe akulu nu ulamba. Wene waponyizye impungo ni nkondo, wacisile ivinjelengwe ni vizungusyo, nu kuleka kuti ivintu ivyakoofya vicitike.

Kufuma 6:2

Leza avwanga kuli Mose, amunena ati, “Nene Yawe.

Kufuma 3:16

“Pitanga kakonganike intunguluzi zya ina Izlaeli pamwi. Ukayanene uti, ‘Yawe, Leza wa vikolwe vinu, Leza wakwe Abulaamu, na wakwe Isaki na wakwe Yakobo, wataloleka kunondi nga wali wanena wati, Nkamiwaka nupya natindola vino aina Eguputo yakucita kunomuli mu Eguputo.

Kufuma 3:6

Anene Leza wa vikolwe vyako, Leza wakwe Abulaamu, Leza wakwe Isaki, na Leza wakwe Yakobo.” Caleka Mose aivimba pa manso pamulandu wa koopa kulola Leza.

Umbwilo 10:6

nu kucita mulapo mwi zina lyakwe Leza wino uwaya umumi pe na pe. Leza kwene wii uwaumvile iyulu na vyonsi vyayamo, insi na vyonsi vyayamo yemba na vyonsi vyayamo. Mungeli avwanga nu mulapo ati, “Kutalaya kulengezya nupya!

Kufuma 6:3

Nalolike kuli Abulaamu, kuli Isaki, na kuli Yakobo wakwe Leza Wamaka yonsi. Lelo ntalenzile kuti imanyike kunoyali mwi zina lyane lyamuzilo, Yawe.

Kufuma 6:8

Ndalenga kuti muye ku mpanga ino nalavile nu mulapo ukupeela kuli Abulaamu, kuli Isaki, na kuli Yakobo. Impanga ii, ilaya iyakwinu.’ ”

Aina Levi 18:2

“Nena aina Izlaeli uti, ‘Nene indi Yawe, Leza winu.

Ezekelo 16:8

“Nga lino napisile umupipi nawe, nakulolekesya, nazana nu kuti insita yako iya citemwiko, yatifikila. Alino niza navungulula isempe lya cikuwalo cane, nakuvimbilikizya apakufisa impamba zyako, pano wali tupu. Nga lino nalapa nu mulapo wakupingana nawe upangano pano lyene waya wewe wane.” Vii, ivyalanda ne Yawe Simwandalali.

Danieli 12:7

Umuntu wilya uwazwite insalu itelepelele, uwali lwa kupela ya luzi, atumpula amakasa yakwe mupela nga alaya nu mulapo umwi zina lyakwe Leza wa manda pe. Lyene nani inuvwa kuno akuti, “Cilaya umu kasita, mu tusita na citika wa kasita. Lino kuzunyiwa kwa antu yakwe Leza kulasila, ivintu vii vyonsi ale vyacitika mpiti.”

Malango 7:7

“Yawe atamutemilwe nu kumusolola pamulandu wakuti mwavulisye ukuluta antu yauze asyala. Mwemo mwali uluko lucepesye ku wingi pa antu yonsi pano nsi.

1 Yamwene 18:39

Antu yonsi aweni kweneko yapona pansi, nga yavwanga yati, “Yawe ali Leza! Yawe ali Leza!”

Ezekelo 34:24

Nemo ne Yawe ndaya Leza wao, nu muomvi wane Davidi aliwe alayatungulula. Ivyalanda ne Yawe.