Ezekelo 20:12 - Amazwi Yakwe Leza 2013

¹² Nayapile na Masabata yane kukuya icimanyililo pakasi kao nani, cakuyamanyisya ukuti akayazifya anene ne Yawe.

Ezekelo 20:12 Referans Kwoze

Ezekelo 20:20

Mwacindika uwanda ukankala wi Sabata nu kuucita wamuzilo, ali pakuti wene waya cili cimanyililo ca cuvwano cinu nupya mwaiusya ukuti nene indi Yawe Leza winu.

Ezekelo 37:28

Lino ndasontapo incende yonga iya kumpepelapo, ilaya lyonsi kumwao. Alino antu ya mitundu yuze yalasinikizya ukuti fwandi nene indi Yawe, naipaalwila nenga antu yane aina Izlaeli.”

1 Tesalonika 5:23

Leza wino akapeela mutende, amucite kuya amuzilo umu nzila zyonsi. Nupya aliwe asunge myenzo inu, mipasi nga ni mili inu, kuti muce muye antungwa ku ndema zyonsi pa kwiza kwa Mwene witu Yesu Klistu.

Aina Levi 21:23

Lelo pamulandu wakuti umuntu wiyo akweti ulema, atalinzile kupalama pipi ni nsalu yakucingilila iyamuzilo nanti ukuya ku kavuwa. Atalinzile kulenga vintu vii ukuya vyamifitalila, pamulandu wakuti nene indi Yawe, nupya nene nkalenga kuti vintu vivyo viye vyamuzilo.”

Neemiya 9:14

Wayasokololwile ukumanya uwanda wako uwi Sabata. Wayapile amalamulo, ivipope na masunde ukupitila mu muomvi wako Mose.

Aina Levi 25:4

Lelo mu mwaka uwalenga cinimbali impanga iyo ino mukalimamo ilinzile ukupuza. Uu, umwaka uwapaatwilwa kuli Yawe. Mutakezye kulima nanti kukomela imbezu mu vyalo vinu, nanti kutungwila imiti inu ya matingi.

Aina Levi 23:39

“‘Lino mwamala ukuzombola ivilimwa mu vyalo vinu, mwazevya cimulo cii pa manda cinimbali, ukutandika pa wanda uwalenga ikumi na yasano uwa mwezi wakwe cinimbali. Uwanda wakutandika ulinzile ukuya uwanda wamuzilo uwakupuza.

Aina Levi 23:32

Kutandika lino ilanzi lyawa pa wanda uwalenga fundimbali, uwa mwezi uwo, nu kufika ku kuwa kwi lanzi pa wanda uwalenga ikumi mwasunga uwanda uu, uwanda wa kupuza nupya uno mutalinzile ukulya nanti cintu cimwi.”

Aina Levi 23:24

“Nena aina Izlaeli uti, ‘Pa wanda wakutandika uwa mwezi uwalenga cinimbali, mwasunga uwanda, pano uwanda uwa kupuza, nupya mwakongana pamwi ku mapepo lino intandala yalila.

Aina Levi 23:3

Mwaomba imilimo inu mu manda mutanda. Lelo mwaiusya ukuti uwanda uwalenga cinimbali uwanda wi Sabata, wanda wa kupuza. Pa wanda uwo mutaomba imilimo. Lelo mwakongana ku mapepo. Uwanda wi Sabata uwakwe Yawe, usi mulandu ni cifulo cino mukaikalako.

Aina Levi 21:15

Ndi simapepo atacisile vivyo, ana yakwe yano yalinzile ukuya amuzilo yalaya amifitalila. Nene indi Yawe, nupya namupaatula kuti aye Simapepo Mukulu.’”

Aina Levi 21:8

Simapepo alinzile kuloleka uwamuzilo ku manso ya antu, pamulandu wakuti ali wino akapeela impolelwa ya mbezu zya mwata wa ngano kunondi. Nene indi Yawe, nene wamuzilo, nupya nene nkalenga antu yane ukuya amuzilo.

Aina Levi 20:8

Mwayela masunde yane pano nene indi Yawe, nupya nene nkalenga kuti muye amuzilo.”

Kufuma 35:2

mwaomba imilimo inu mu manda mutanda. Lelo uwanda uwalenga cinimbali, uwanda wi Sabata, wene uwanda winu wa kupuza, uwapaatwilwa kuli Yawe. Muntu ali wensi uwaomba imilimo pa wanda kwene uu alakomwa.

Kufuma 16:29

Mwiusye ukuti Nene, ne Yawe, namupeela uwanda wi Sabata. Cili cino pa wanda uwalenga mutanda nkamupeela ivyakulya vivule vya manda yaili. Muntu wensi alinzile aikala kunoli pa wanda uwalenga cinimbali. Atafuma pa ng'anda yakwe.”

Utandiko 2:3

Nga Leza apolelela uwanda uwalenga cinimbali, aupaatula kuti uye uiyele. Pano pa wanda uu walanga watamala umulimo wakwe onsi wa kuumba, nga apuuza.

Yuda 1:1

Kalata kufuma kuli ne Yuda, muomvi wakwe Yesu Klistu, nupya umwina wakwe Yakobo, kuli yano aamwa, akundwe yakwe Leza Tata nupya acingililwa na Yesu Klistu.

Kolose 2:16

Caleka mutaleka umwi amupeele mulandu pali vino mulinzile kulya nanti kumwa nanti kumunena vino mulinzile kuzevya manda ya mwezi upya nanti vya Sabata.

Ezaya 56:2

Nemo namapolelelanga antu yano yakacindika pee uwanda wi Sabata, ukwaula ukucita vyaindwa pa wanda uo. Namapolelelanga antu yano yasicita iviipe nanti vimwi.”

Yelemiya 17:22

Nanti ukufumya iciviya cinyome mu mang'anda yao apa wanda wi Sabata. Mutaezya ukuomba umulimo umwi apa wanda wi Sabata, pano wene uwanda umwi uwamuzilo. Mwemo mulinzile ukulinda ndi vino napiile ilamulo ku vikolwe vinu.

Ezekelo 20:26

Nupya nayatile ukuti yakweyowezya aisikulu ku mawila ni mpolelwa zyao, apakuleka ukuti yatoola na ana yao aonsi amayeli nu kuyoca impolelwa. Na cino nacitile cico apakuyafulula, na pakuyalanga ukuti nene nenga mpo indi Yawe.

Ezekelo 44:24

Ndi vikanza vyakatuka yace yaputula imilandu, yace yapingula kulingana nu upinguzi wane. Yace yawaka amasunde yane ni vipope vyane pa manda yane yonsi auzevyo, yace yacindika na Masabata yane yonsi amuzilo.