Ezekelo 2:8 - Amazwi Yakwe Leza 2013

⁸ “Lelo wemo, we mwana wa muntu uvwa vino nkukunena. Utezya uye mutalami wa luko lulu lutalame. Asamula akanwa, ulye cino namakupeela.”

Ezekelo 2:8 Referans Kwoze

Umbwilo 10:9

Alino nani naile ku mungeli imulenga kuti ampeele kalupapulo kanono. Nawe anena ati, “Tola ulye. Kene kamaya akalule munda yako. Lelo mu mulomo wako mwene kamaya akalyompe wa uci.”

Yelemiya 15:16

Wemo wavwanzile kunondi nga nani intezya amazwi yako yonsi. Nene wakwako, we Yawe Leza Wamaka yonsi, na mazwi yako ali luzango ni nsansa zyane.

Ezaya 50:5

Yawe Simwandalali wankomwile amatwi, ntamusangukile nanti kumufutatila.

1 Petulo 5:3

Mutaezya kukulizya yao yano mukasunga, lelo muye cilangililo pakasi ki uvi.

Ezekelo 3:10

Nupya Leza atwalilila ati, “We mwana wa muntu, uwawaka amazwi yonsi yano nkukunena. Ukutike ningo na matwi yako.

Mpendwa 20:24

“Aloni atakutala aingile mu mpanga ino nalavile ukupeela aina Izlaeli. Wene amafwa, pamulandu wakuti mweili kwene mwakanyile ukuyela ilamulo lyane pa kupelwa amanzi ku Meliba.

Aina Levi 10:3

Lyene Mose anena Aaloni ati, “Walola! Vii, avili vino Yawe wavwanzile lino watile, ‘Onsi yano yakuntumikila yalinzile kucindika muzilo wane. Ndasokolola ululumbi ku antu yane.’ ” Lelo Aaloni aimilila myaa!

Ezaya 8:11

Alino nupya Yawe wanenyile apa maka, ansopa ukuti ntalondelela inzila zya antu yaa, ati,

Yelemiya 13:2

Fwandi nani ali vino nacisile umu kulondela amazwi ya Mwene.

Ezekelo 12:2

“We mwana wa muntu, wemo wikala pakasi ka antu yacisanguka. Yene yakwata amanso akulolelako, lelo yasilola. Yakwata amakutwi akuuvwilako, lelo yasiuvwa, pamulandu wakuti acisanguka.

Ezekelo 33:7

“Fwandi wemo we mwana wa muntu, nemo nakucita kalinda wa mutundu onsi wa ina Izlaeli. Awewe nomba umayaceulanga kuli vino nemo namakunenanga.

Ezekelo 40:4

Alino umuntu wiyo anena ati, “We mwana wa muntu, lolekesya ningo nu kukutika ningo, uteke nu mwenzo kuli consi cino namakulanga pano ali cino yakuletile kuno apakuti nkulangilile. Nupya ali vino uli nu kumanyisya ang'anda yakwe Izlaeli vyonsi vino umalola.”

Masamu 105:28

Watumile imfinzi, mwafita na fititi, nga lelo yene yatalamila izwi lyakwe.

Ezekelo 12:7

Acino nani incita wakwe muno wampelile ilamulo. Umusanya imfumya cifunda cane, icinyepwe kwati ca muntu wino akuya ku uzya. Amanguzi nalyo intulula icipongo mu lung'umba na makasa yane. Lino kakuku katola, imfumya cifunda cane, ncisenda pa ciye ala na antu yalya yakulola.

Yona 1:3

Lelo Yona autuka ukufuma ukwali Yawe nga alungama ku Tasyisyi. Alino atentemukila ku Yopa, kuno waile azana icombo icali palwendo lwakuya ku Tasyisyi. Lyene akala itikiti nga akwela mu combo cici, alino apita kulungama ku Tasyisyi kuti autuke Yawe.